السلاموووووووو عليكووووووووو
أخباركووووووو ياشباب ياحلوووين وياصبايا يابشعين <<< وش رايكم بالكلمه ترى توني متعلمها <<< يسوي مثل المحامي
ترى على فكره هذا اول موضوع لي بالمنتدى وش بالمنتدى إلا بالإنترنت بكبره يعني لاحد ينقد علي ولاشي
أنا صراحــه ماهضمت النت بس من كثر ماشوف صديقي المحامي جالس على ذالكمبيوتر قلت له علمني عشان نواكب التطور
أوووووووول شي أحب أبارك للهلال الفوووووز
طبعا السالفه بدت قبل مباراة الهلال عندما إجتمعنا في مجلس واحد من الربع لنشاهد هذه المباراه الشيقه
وكل واحد يقول نتيجه من عنده طبعا ولاواحد توقع نتيجه صح <<< الي معه كلهم دلوووخ
المهم والله انا حسيت بنقص في الجلسه << من غير قصور في الموجودين
قلت الجلسه ناقصها المحامي لبى قلبه بس
المهم وأدق على المحامي ولقيت جواله مغلق <<< افاااااااا
في هذه الحظه حسيت بحالة إكتئاب شديد يخليك ودك تصفق الي جنبك كف
ويوم كنت على وشك إني أصفق اللي جنبي كف
دق علي المحامي ( المزيووون يتصل بك ) لبىىى قلبك يالمحامي
طبعا المحامي أنقذ اللي جنبي من كف كان بوديه في داهيه هههههههههههه
المهم وأرد ألوووووو
المحامي : هلاااااا
أنا : هلااا بك
طبعا بعدين كل واحد قام يتحفى الثاني ماعلينا من ذالهياط اللي ماله سنع
المحامي : وش تبي داق
أنا : حاط خدمة موجوووود أنت ووجهك اللي يشوفك ألحين يقول الشعب مزعجينك بالمكالمات
المحامي : إخلص علي وش تبي ترى ورانا مدراس <<< دايما يقول ذالكلمه ولا أدري وش معناها
أنا : مباراة الهلال ألحين
المحامي : طيب وش تبين أسوي
أنا : نبيك تصير حكم ههههههههههههه
المحامي : ههههههههههههههههههههههههههه
هههههههههههههههههههههههههههههههه
ههههههههههههههههههههههههههه
أنا : يالبىىى ضحتك بس
المحامي : أقووووول لايكثر بس
أنا: الزبده تجي الحين
المحامي : لا والله مشغوووووول
أنا: وأنت دايما مشغووووول
تكفىى تعال ترى والله ودي اجلس معك صار لي أسبوعين ماقعدت معك<<< تصدقون أسبوعين ماشفته
وقاعد اسوي نفسي ابكي طبعا أنا أدري المحامي قلبه طيب ولا يستحمل يشوف واحد يبكي قدامه
المحامي : خلاص بجيك الله يحسبي عليك
أنا : وأنت جاي جيب معك ورقة بلوت الله لايهينك وقلم وورقه وجب معك شريط الكوره حق البلاي ستيشن وجيب خمسه ببسي وخمسه سنكرز <<< لا زم يطفررررررره هههههههههه
المحامي : على خشمي <<< يعجبكم
أنا : عليه الشحم
المهم وأنتظررررررر ,انتظرررررر طوول المحامي ماجا وش السالفه
شوي إلا هو يدق علي ويصيح يقووووول إفتح الكراااج بسرررررعـــــه
وأروووح أنا منطلق وأنقز على الكراج وأفتحه شوي إلا المحامي مدخل السياره بالكراج وأول ماسكرت الكراج إلا الدوريــه وي وي وي وي مـــاره من عندنا هههههههه <<< ونااااااااااســه
بس تصدقون الولد هذا كل ماقووول إنه عاقل يطلعلي بشي ماصدق إنه هو اللي يسويه
بس تبون الصدق اي شي يسويه يكون معه عذر له
المهم سألته وش السالفه؟؟
المحامي : وقفني وقالي أنت تفحط قلت له أنت غلطان أنا مافحطت وقام ينافخ
طبعا عسكري ماتقدر تقوله شي لأنه مصدق
وأنا كنت جالس بالسياره <<< يعجبكم واثق من نفسه ماينزل للعسكري عشان يتمصلح معه
ويوم شفته ينافخ قتله دقيقه خلني بقولك شي
قال العسكري وش هو <<< هطف العسكري
قلت له كل تبن لو سمحت <<< والله الولد هذا كل يوم يطلع بشي يزود حبي له
وأدعس وهو وراي وجيت وقفت في الكراج
فاصل مهم يختص بالموضوع وسوف نعود
ترى المحامي اللقب هذا من زمان وحنا نسميه المحامي تدرووون لييييييييييييه؟؟؟
ألحين كلكم تقوولوون لييييييييييييييه <<< كنه يشوفكم ههههههههههه
المحامي كان أحسن واحد يسوق عندنا لأنه من يومه خامس إبتدائي وهو يسوق <<< أبوه مدلعه خخخخ
وطاح في التفحيط من يوم كان ثاني متوسط وتوقف عن التفحيط في أول ثانوي
بس والله من ناحية يسوق يسوووووق
بس اللي يشوفه يقول هذا مهوب حق تفحيط يعني شكله مايدل على إنه مفحط
كانت مشكلته التفحيط بس
كان أمنية كل راعي دوريه يمسك راعي الكامري الفضيه موديل ألفين << المحامي
والله الدوريات ماتقدر تجيبه
وكان مشهور بإسم المحامي
الدليل إنه يسوق إذا دخل الشارع حق التفحيط والله إنهم يدقون له تحيه
المهم هو ترك التفحيط لأنه صار له موقف مع التفحيط
دخل شارع تفحيط ويستلم الشارع تنطيل وعقد
وكان ابوووه من بين الحضوووور <<<<< ههههههههههه والله شر البلية مايضحك
والمحامي مستلم الشارع
المهم أبوه شغل سيارته ومشى وراه وهو رايح بيعطيهم الشوط الثاني
مر من جنبه أبوه وقعد يطالع فيه
تدرون وش سوى من القهر ههههههههههههه ؟؟
زاد السرعه وقام ينطل وعقدتين لعيون أبووه هههههههههههه
بس تبون الصدق حتى أبوه ماتوقع إنه يسوق كذا
المهم من عقب ذاك اليوم الناس نسوا إسم المحامــي
نرررررجع لمحووور حديثنا
المهم دخلنا والعيال يوم شافوا المحامي قاموا يحبونه مع خدووده
وهو قام يصفقهم ههههههههه
وطبعا أنا قمت أصفقهم معه لأني مادانيهم <<< يمشي مع ناس مايحبهم هههههههه
المهم وجلسنا نتفرج على المباراه
وأنا أشوف المحامي مهوب اللي أعرفه
المحامي اللي أعرفه دايما الإبتسامه تعلوووو خشته <<< لبى خشت المحامي
قلت له وش فيك يالمحامي ؟؟
قال ياخي قاهرني راعي الدوريــه
قلت تبين اجلده لك ترى لعيونك يالمحامي أخليهم يسجنوني <<< فدائي هههههههههه
قال لا بس أبي أسوي حركه له
قلت أنا عندي الحل؟؟
المحامي : وش هو ؟؟
أنا : في ياطويل العمر هوندا أكورد تأجير موقفه برى حقتي <<< سيارتي في الورشه هههههههه
إخذها وفحط فيها قدامه
المحامي : لا والله مافحط <<< متعقد من ذاك اليوم ههههههههههه
أنا : أجل تخلي العسكري الهطف ينافخ عليك << بخرب الولد
المحامي : خلاص يلاااااا
أنا : دقيقه بعد المباراه <<< عشان التفحيط يكون للمباراه هههههههه
المهم خلصت المباره وفاز الهلال <<<<< وناااااســـه
طبعا المحامي مايدري من الي فاز <<< يبي يفحط
والله وأعطي المحامي المفتاح وأركب معه
المحامي : وين التيوس الثلاثه اللي معك
أنا : أي تيوس ؟؟
المحامي : ربعك الدشير اللي كانوا جالسين معنا
أنا : وش تبي فيهم ؟؟
المحامي : أبيهم يركبون معنا عشان الوزن <<< الرجال طلع من جده ناوي يذبحنا
أنا : خلاص ماني براكب
المحامي : إركب ولا بعلم أبوك عن الإحم إحم <<< شي خاص ماسكه علي المحامي هههههههه
أنا : لا لا لا خلاص الله يرحم والديك بركب وبجيب التيوس يركبون بعد
والله ويدق سلف السياره المحامي ويقلب في الأشرطه اللي عندي ماعجبه ولا شريط <<< أشرطته مثل وجهه
ويروح اقرب محل تسجيلات ويشتري سكوتر هذا الأمريكي اللي يغني
في هذه اللحظه دريت إن المحامي ناوي يبدع اليوم <<< ناوي شر يعني
ويشغل سكوتر
بس بيني وبينكم الأغنيه تخلي أبوك يفحط
المهم ويروح المحامي شارع التفحيط قريب من بيتنا الشارع <<< هذا بلااا أبوك ياعقاب يطلع أبوي ويشوف السياره تفحط يفكر إنه أنا
راح ووقف وجلس يطالع اللي يفحطون قلت له أنا وش فيك؟؟؟
قال أنتظر راعي الدوريــه <<< من جد مخربهاااااااا
المهم ننتظر ماجات دوريات
المحامي رفعوا ضغطه اللي يفحطون حتى عقده وحده مايجيبون
والله ويجيكم الطاره ويعطي السياره واحد ويدعس
طبعا عداد السياره كان مفصول بس على ماعتقد كنا نمشي من 140 إلى 160
ويعطيكم النطله الأولى وأنا قلبي في بطني والنطله الثانيه نزل قلبي شوي
والنطله الثالثه خلوني ساكت ازين
ويعطيها عقدتين
والعالم يصايحون ويصفقون
ويرجع ويعطيهم الشوط اللي بعده
بس اللي يعجبني فيه إنه إذا زحفت فيه السياره يعرف يتصرف
المهم وهو جاي مسررررررع ناوي يعطيهم شوط إلا راعي الدوريه قدامه
إستانس المحامي
ويجيكم مقلع وأنا أقوووول أبي أمي أبي أبوي هههههههههه
ونشطف راعي الدوريه بنطله لدرجة إني شفت خشت راعي الدوريه الهطف
وعقدتين لعيون راعي الدوريه
طبعا قفلت معه راعي الدوريه
ويلحقنا ويمسك المحامي بريك ويخلي راعي الدوريه يجي جنبه
ويقوله المحامي (ألحين أنا فحطت قبل شوي يومك موقفني مافحطت بس ألحين صح فحطت وإذا فيك خير وقفني)
طبعا مقولة المحامي هذي اللي بين قوسين راح تسجل بالتاريخ
والله يانااااااس إنه طلع الشيب في راعي الدوريــه
يدخله الحواري ويضيعه ويخفف عشان يجي مره ثانيه ويضيعه
المهم ضيعناه <<< أخيرااااااا <<< مستانس
إلا أشوف المحامي يدور
قلت له أنت وش أنت تدور
يقول ادور راعي الدويــه <<<< نشبه والله مايخليه
المهم ويلقاه
وراعي الدوريه قاعد يدورنا مايدري إن حنا ندوره هههههههههه
ويمر من عنده ويصفق مرايته ويشل عليها وكانت تلك أخر لحظه شفت فيها خشت راعي الدوريــه هههههه
وطبعا السياره من ذاك الوقت وهي بالكراج ولا ني مطلعها إلا على محل التأجير أسلمها وأشل عليها
والله لو يمسكوني على ذالسياره ذبحوني ههههههههه
والمحامي زعلاااااااااان يقووول إنه أنا اللي خليته يفحط
هو صح انا كان لي دور بالموضوع بما إني عطيتك السياره وقلتلك
بس المفروض انت تصفقني كف ههههههههههه
بس والله بدعت أمس يالمحامي
حتى في ناس يسألوني كم رقمك <<< معجبين
بس طبعا ماراح توصل مواصيل أهل الرياض
بس أنا أدري إنك منت براعي الحركات هذي ولو حطيتهم في راسك والله إن تغطي عليهم
بس والله يشهدلك راعي الدينا اللي أمس بالتشطيف
ويشهدلك راعي الفورد بالتطويف
والله إنك رسمت توقيعك على الشارع أمس
والكل يقرروووون غصب عنهم بتبديعك البارح
تسلم ويسلم تعززيزك يالمحامــــــي
أموووووووووه هذي بووووووســه لك
ولاتزعل ترى ماقوى زعلك أنا
يلاااااااا فمان الله
مواقع النشر (المفضلة)