[align=center]
هذا الموضوع نقلته لاحد الاخوات التي اعجبني موضوعها واوافقها رأيها تماما
باقي رأيكم انتم

التغيير في مظهر بعض شبابنا..هل هو مجرد تقليعة ام شذوذ؟
وهل مشكلة اتجاه الشباب للظهور بشكل انثوي اكثر مشكلة عميقة ام سطحية؟
بمعنى انو هل راح تؤثر على سلوك الشاب مع اصحابه ومع الجنس اللطيف

(في حالة الارتباط بالزواج مثلا)

؟
هل ممكن انو هذا الشي يؤدي الى الازدواجية الجنسية
وايش نظرة البنات للشباب الي ينافسوهم في ترتيب الشعر وتلبيق الملابس والدلع والتمخطر في المشية والكلام ؟
وايش وجهة نظر باقي الشباب

(خصوصا اللي يحتكو بهذه الفئة)

لسلوكيات ومظاهر هذول الشباب؟
وهل الاهل مستسهلين الموضوع وفاهمين ابنائهم؟ ولا الموضوع مايهمهم؟ ولا معترضين ومالهم لاحول ولا قوة في تغيير ابنهم؟


والاهم من هذا كله, الشباب من هذا الصنف..هل يعاني ويتألم؟ ام يتحدى ويتمرد؟ ام هو طبيعي والمسألة كلها مجرد "لوك عاجبه"؟


اسئلة كثيرة دايما تخطر على بالنا لما نشوف شباب ممكن وصفهم بـ "المنحرفين مظهريا"
احنا مانبغى نسلط الضوء هنا على الشاذين جنسيا, لان هذا انحراف جنسي موضوعه يختلف (وان كان ممن يتشابه في بعض النقاط) عن موضوع الانحراف المظهري..


لاحظت من مناقشاتي مع صحباتي في السعودية انو الشي هذا مو واضح "بقوة" في الشارع..يعني كم حالة تمر والسلام, بس من اللي شفته بعيني خارج السعودية شي ثاني..ومن مجموعة من اللي اعرفهم هنا وهناك كل مالي انصدم في شبابنا..ومن اللي كلنا شفناه في مواقع ومنتديات الانترنت من صور لشباب "رازين" نفسهم بطريقة غريبة كلنا نجمع

(احنا كفتيات)

انها ابدا مو مغرية..!! فايش الغرض من هذا الاستعراض اجل ..؟؟

طبعا جيل الشباب يسعى لأن يثبت وجوده و يلفت الانتباه إليه باي طريقة من الطرق. و يحاول جاهداً أن يكسر القيود و التقاليد...
بس مهما كان كل شي و له حدود...

بس شباب اليوم مو معطين أي أهمية أو اعتبار للحدود. و قاعدين يتمردوا بشتى الطرق و الوسائل. و هالتمرد واضح جداً على هيئتهم و اهتمامهم الزائد بمنظرهم...

لدرجة إنه طلع مصطلح جديد اسمه Metrosexuality "الميتروسيكشواليتي" و أصبح يطلق على الشخص لقب Metrosexual "ميتروسيكشوال"



ايش تعني هالكلمة؟؟؟ و على مين يطلق هاللقب؟؟؟
هالكلمة مركبة من Metro يعني يقصد منها التحضر و التمدن ... و كلمة sexual اللي معناها جنسي...

هالكلمة تطلق على الرجل ذو الميول الجنسية الفطرية الطبيعية ، و لكن هالرجل يولي اهتمام كبير جداً لمظهره و جسمه و شعره و أناقته و ملابسه و مهووسين جداً بالأناقة و الجمال...
يعني باختصار تخيلوا ولد مررة يااي و لبسه مرتب و أنيق و جسمه ناعم و شعره يجنن و بنفس الوقت يحب البنات و يميل لهم جنسياً و يخاويهم (معادلة صعبة تتحق صح؟؟؟)


بس هالأيام ما عادت صعبة و أعداد هالصنف من الرجال بتزايد مستمر...
و من أشهر رجال هالصنف لاعب كرة القدم الشهير دايفيد بيكهام و الممثل براد بيت و الممثل جوني ديب ...


من ضمن أكثر مظاهر ال Metrosexuality المنتشرة هي الاهتمام و العناية الفائقة بالشعر...

و أبداً مو قصدي التخلص من القشرة و قص الشعر بين كل فترة و فترة ...

لا!!! في شباب مهوسيين بمنظر و ملمس شعرهم.
و صاروا يروحوا على الصالون كل دقيقة و الثانية.

صاروا شبابنا يطولوا شعرهم و يصبغوه و يملسوه


و برضو صاروا الشباب مو بس يروحوا للصالون حتى يهتموا بشعرهم أو يحددوا السوالف و السكسوكة .
بل امتدت الشغلة و تطورت حتى يعملوا فتلة لوجههم و حواجبهم و جبينهم.


و صاروا يهتموا بإزالة الشعر بالحلاوة أو الشمع


(يعني مو بس السباحين اللي يشيلوا بس شعرهم)


و صاروا يعملوا بيدكير و منكير.




**** قصة على الهامش: في واحد الله يذكره بالخير ذكر لي إنه هو ما يشيل تحت ابطه. بدل ما يتعب حاله و يشيل شعره. طلع يجيب واحدة فليبينية على بيته حتى تشيله تحت ابطة بالحلاوة ...




*** قصة ثانية على الهامش: في عندي صديقتي كانت بمدرسة أجنبية و كان ثاني يوم في مباراة لفريق السباحة حق الشباب. و واحد من أعضاء الفريق كان يمون عليها بقوة. قام سألها وش أفضل طريقة لازاله الشعر الخشن و بدون الم؟. قامت قالتله اكريم ايماك مرة كويس لهالحالة. و البنت ما كانت عارفة إنه هو كان قصده عن حاله هو تحلف ثاني يوم جا على المباراة و جسمه عليه بقع حمرا. طالع للأخ حساسية من كريم الايماك ....




و من مظاهر ال Metrosexuality الأخرى إنه الشاب يصير مرة يهتم بجسمه و تربية عضلاته. و مرة يهتم للتان حقه. و في شباب يعرفوا خلطات للتان رهيبة
بس هذولي الشباب لهم حركة ترفع الضغط فوق التصور!!!

يعشقوا تصوير أجسامهم !!!





و شخصياً أعرف شاب لازم يصور حاله أكثر من لقطة من كذه زاوية بعد ما يطلع من الحمام كل يوم.
و بنهاية كل أسبوعين يصف هاللقطات جنب بعض.
و يقعد يقارن كيف كانت عضلاته و كيف صارت. و إذا تشميسه و لونه خف و ألا لا!!!






و بحالات قصوى جداً ممكن توصل درجة ال Metrosexuality إنه الشاب يحط ميك اب أو مستحضرات تزيين...
سواء كانت ليب جلوس خفيف أو ماسكارا خفيفة على رموشه



أو حتى كريم أساس و ممكن بلشر


يعني مرة واحدة تقولي إنها طالعة تقابل واحد تعرفه. و لما قعدت جنبه و قعدت تركز بملامحه حست شي غريب. و قعدت تقول بحالها يمكن في شي غلط باضاءة المحل. اخر شي ما قدرت تسكت و سألت الشاب. انت حاطط Foundation؟؟؟ و الشاب تلخبط و قالها إنه أيوه لأنه وجهه مليان حبوب. قامت صديقتي عصبت و تركته و طلعت من المحل و الى هذا اليوم ما رجعت كلمته

الانحراف اللي شفناه تنوع من ناحية التركيز والدرجة..
يعني فيه اللي يركز على الشعر (اكثرهم) وفي اللي يركز على الجسم مثلا..
وفي اللي يكتفي بتطويل شعره, وفيه اللي توصل معاه انو "يسرح" شعره عند اشهر الكوافيرات ..
في اللي يكتفي باضافة سوار خشبي او بلاستيكي على معصمه, وفيه اللي توصل معاه انو يخرم اذنه ويتزين بساعة الماس ..



بس في كمان الانحراف اللي "نسمعه"
احاديث هذه الفئة تتركز على محور واحد تقريبا..مو السيارات , ولا البنات ولا حتى الرياضة ..



اغلب النقاشات تكون عن الاسواق..يعددلك احلى اماكن للتسوق في ميلان وباريس, وطول الوقت وهو اونلاين يفرفر في مواقع الشوبينق ويشوف اخر الكولكشنز لاحب المصممين على قلبه


الكلام عن الديزاينرز مايمل منه..هذي اقتباسات من بعض حكاويهم معاية مثلا:

"ياالله احب Armani بس كل شباب الرياض يشترو منه "
"والله Cavalli كل ماله ينزل جينزات احلى "
"الشوز انا مااحبها الا من D&G وبس "
" لازم اشتري تي شيرتات Moschino و احزمة Louis Viutton و كاب من Gucci"
"بدل Valentino و Lanvin تسطلني مررة "
" يختي Diesel و Energie مرة ستايلهم واحد مايتغير "
"والله مستحيل اسافر وانا مااخذت الجاكيت اللي ابغاه من Ice Berg"
"اوووووه على الجينز حق D&G اللي يكون داخل معاه جلد "



زي ماقلنا..اهم شي يبان المصمم, كاب قوتشي والا فـ لا


يركزو الشباب في لبسهم على البناطيل الضيقة اللي تبرز معالم الجسم , والقمصان المفتحة من الصدر , والبلوفرات الشفافة , والتي شيرتات الماسكة

والالوان وتلبيقها مع بعض حكاية ثانية, دايما نلاحظ اختيارهم لالوان انثوية وحتى لو كانت صارخة

مرة واحد سألته

(بكل ثقة)

ايش رايك في الشباب اللي يلبسو وردي؟ مرة كش عليهم
قالي ايييه مرة بس انا الدرجة اللي البسها يعني رجالية مهيب مرة ناعمة زيهم
مالت كلو بينك, ماادري اخترعو البينك الرجال متى؟

اعطيكم مثال حلو

والاكسسوارات حاجة خاصة..
مو بس سلسال خشبي ولا اسوارة عاجية او جلدية..
المسألة توصل لخرم الاذن وتزيينها باحلى حلقان



المشكلة ماتوقف هنا..
غالبية هالشباب لهم نجومهم من الفن والرياضة اللي يحبو يقلدو ستايلهم زي مالبنات يقلدو دايما ستايلات الفنانين زي جينيفر لوبيز ونوال الزغبي

وابرز نجم نستعرضه هنا هو محبوب الجماهير تاركان

(اتاريه مو بس محطم قلوب العذارى, حتى الشباب )


نصهم يتمنو يطلعو بمظهر شبيه منه ودايما يجيبو سيرته وانو يشبههم مررة

(yeah right)


شوفو هنا مثلا قد ايش تعب ونتف في حواجبه وحدد في سكسوكته عشان يشبه حبيب قلبه تاركان

اوف عاد مقلدين تاركان كثيير, اصلا نص اللي بالموضوع ماشيين وراه



وفيه نقطة مهمة ومحيرة بخصوصهم, وهي ناحية اهتمامهم باجسامهم
يحبو يربو العضلات في كتوفهم وينفخو صدورهم..مو عشان لفت انتباه البنات ..
لأه, السبب هنا عشان لما يلبس شي شكله يطلع حلو


والادهى من هذا كله انو بعضهم يحبو "مؤخرتهم" تكون بارزة عشان لما يلبس البنطلون يكون شكله حلو من الخلف ..
مو بس يحبو, الا ممكن يسوو تمارين رياضية معينة عشان تكبر ..

الله يهديكم بس, توصل لهذي الدرجة؟
والله العظيم انا وبنت ومافكرت بتنفيخ..!!

مبروك ياشبابنا الشطار..عقبال السيليكون والكولاجين والبوتوكس واللايبوسكشن[/align]