مجرد اقتراح
أه أه أه
ماجيتكم الا وحيلي منهد هناك بالقسم العام
وأصابعي محمره من الضغط على أحرف الكيبورد
وراسي ملتف من دوخة المواضيع ومختلط بالحابل والنابل
أهوجس بردي على الموضوع اللي رديت عليه
واروح اكتبه بردي على الموضوع اللي انا فيه من الحوسه والدوسه
زبدة الكلام والله اني تعبت واكيد غيري حس بنفس المعاناه
الزبده ::
ماشاء الله تبارك الله انتم عارفين عدد الأعضاء وش كثرهم
وخاصة اللي يرتادون القسم العام
نظرا ً لأنه اكثر الأقسام نشاطات وأهمها
لذلك ياريت ثم ياريت تحددون رقم للمشاركات اللي تطرح يوميا ً لعموم الأعضاء
مثلا ً في اليوم يسمح بتنزيل 10 مواضيع فقط أو أي رقم تحدده الإداره
بعدها يكون هناك خاصيه تمنع طرح اي موضوع جديد
عشان يكون عندنا متسع من الوقت نرد عليها كلها ولا نظلم أحد لو تجاوزنا عن موضوعه وهذا اللي حاصل بعض المواضيع تنتقل لصفحات قديمه من كثرة وسرعة المواضيع المطروحه وعدد المشاركات فيها صفر واحيانا ً رد واحد فقط
وحرام والله بعضها تكون قيمه بس محد درى عنها كونها انتقلت للصفحات القديمه
وبعض الأعضاء ماينتبه لها أو يكتفي بالرد على المواضيع اللي في الصفحه الأولى ولاهو ملحق بعد عليها مثلي برغم اني سريعه في الرد ومع ذلك الكثره غلبت على السرعه
ولو اجلس 24 ساعه في العام ولا اتجاوزه عشان ارد على كل المواضيع يمكن بالحسره اقدر ارد عليها كلها
تصدقون اني اكتب رد في احد المواضيع وبعد اعتماده ألاقي 7/8 مواضيع جديده توها منزله
بهالحاله العضو يجيه فتور ولا يعطي الموضوع حقه بالنقاش او الإثراء
ويروح يرد رد اي كلام >> مشكور ولا يعطيك العافيه
بس عشان يقدر يرد على الموضوع اللي بعده
أدري اني طولت عليكم وذي صارت روايه مو اقتراح
بس والله هالشي مهم والرأي الأول والأخير للإداره
شمـ أنثى ـــــوخ
مواقع النشر (المفضلة)