معكم العضوه القديمه(طبعي الزين)والي يبي يفطس من الضحتس يدخل معها <<واثقه
انا العضوه القديمه طبعي الزين خرب جهازي يوم شريت جهاز ثاني ضيعت كلمه المرور والي يقدر يساعدني لايحرمني
ندخل على الموضوع الي يقرقع في مخيخي
بسم الله
كل واحد يكتب موقف ضحكه ببيتهم ولا من الاقربا بس بشرط لايكون قدقراه بمجله ولا قد سمعة من مسجل
انا اولكم ابي اقول الموقف
مره خالتي راحت لمكتبه ومعاها بنتهاالبنت تبي تشتري قلم قالت يمه ابي هذا القلم قالت خالتي بكم لراعي المحل قالها بريال التفتت خالتي على بنتها وقالت لاتشترينه في محل ابو ريالين ارخص بريالين
هاااااااع هوووووووووووع هع
دام مخيخي شابن علي الا لازمن اقول هذي السافه
هااكن وحدهـ تعد اللبنه الأولى من زحف العجايز الكبااار
هذي سلمكم مرتن من المرااريت في أحد الحزاات الروحااانيه .. بعد
صلاة العشاء بالزبط .. رن هاااتف الجدهـ المحترمه .. هل يااترى من الذي داااقن عليهااا
فيذيتا الوقت
طبعا مستعجلتن على الرد .. مدري وش عندها هالأياام ماتبي شين يفوتها من ذا الإتصااالاات
شكلهاا شااايفتن شوفه ولا أنها غاايرتن من ذا البني اللي أربع طعشر مره في الثااانيه يهذرن
بالهااتف المحمول[Automated by GetSmile]
وقد ورد في قنااة الجزيره احد أهم الانباااء أن الطعوس اللي في جاامعتنا يسمون الرسااايل
مسجااات معني قبل شهر ساامعتهن يقولن ظرف بريدي ..!!
والله تطوراات
مااتسني مديورتن على الجهه اليمين من السااالفه
يومني ديورت خل الف مرتن وحده وأطينها بنكته
(فيه محشش دق عليه جاارهـ باااب بيتهم قال المحشش : ميـــن ..!
قال الجاار: انا حافظ
قال المحشش : طيب يالله سمع ..
؟؟؟ هع هااااااااع هووواع[Automated by GetSmile]
طيب نرجع لحديث محورنااا
ردت أختنا في الله ( الجده) ..
وطبعا فيه ميزه للحريم العجز .. وش ملحهاا .. إنهم إذا خلصو من الصلاهـ يتنهتون ..
هي مستعجله وردت وعلى رفعت السمااعه تنهتت .. الله يصلحهااا..
وصار اللي داااقن عليها مغزلجي ..
ماصدق خبر أحد يتنهت له واللي مطينها أن صوتها مع مرور السنين
رجع أياام المراااهقه
الجدهـ : السلاام عليكم << ترى صوتها يذوب
المغزلجي : ؟؟؟؟؟؟؟ << أول مره أحد يعطيه وجه وبسرعه بعد
عقب سكتت
هو يبي يستغل الموقف قبل لا تسكر وقاام ينطل عليها من قناابله إلي مااسمعتها إلا في ليله عرسهاا[Automated by GetSmile]
(ياااقلبي وش فيس .[Automated by GetSmile]. يااحيااتي من اللي مظااايقس .
الله لايحرمني من صوتس ) << اللي يسمعه يقول توهـ متدرب على ذا السوااالف
هي صكت السمااعه
قاام يدق وهي متروعه( ماتبي تخون جدي بعد موته ) هع هع هاااع
عقب أرسل رساااله على دخلت وحدتن من خاالاااتي
والمشكله مااتعرف تقرى وعطت خاالتي تقراا لهاا
وهي اللي تتبطح من الظحتس على ذا الرساااله
وهي كالتاااليـ:
( ياااقلبي وراااس زعلتي علي
مااكنت أقصد << ماالهاا دااعي بس يخاف تروح راااعيه ذا الصوت منه )
مااتااب
وأرسل ثاانيه وقاالـ:
( يالغااليه يااحيااتي يااأغلى مااأملك
يااعذبه الصوت
يااارااعيه العيون السوداا << متى شااف عيونها ..؟؟ الله من التسكع
ياااقلبي ردي علي )
عااد هو بس سمع الصوت ..
لو أنه شااايفهاا عجوز أم سبعين سنه
ذات الاولااد والاحفااد والأحفااد المحفده
كاان دفع كل فوااتيرهاا بس لاايقاابلها مرتن ثاانيه
وبس سلااامتي ترى أنبحت أصويبعااتي من تسثر الحتسي
عااد مااابي هههه ولاا مشكوره ولا موقفن طلدز
أبي وش رااايكم بجدتي اللي محاافظتن على شرفها رغم المغريااات
الشبااابيه
عاد لااتصدقون أنها مااتبيه لو أنها ساامعتن صوت شااايب كاان خقت معه
الله مير يسلمني وشكركم وصل عسااااي بالعااافيه أسرح وأمرح
وكل سنه أنجح وبالبيت أتسدح
اختكن طبعي الزين قلبا وقالبا بس مع ضروف الوقت صارت مغرورة<<<ياعمري بتصيح لو مالقت كلمه المرور
هاه انتظر اذاعجبتكم سويليفاتي علموني عشان اعطيكم الي بمخيخي كله<<برااااااااا
على الرد علما البوسه لاول خمس ردود على موضوعي
مواقع النشر (المفضلة)