ياليتني بيجر على الورك هزاز
الطير وبن قضعان
هذي القصيده للشاعر المعروف ضيدان بن منصور بن قضعان العجمي يقول شريت لي طير وسألت صاحبه عن إسمه فقال اسمه دهام يقول ضيدان غيرت اسم الطير إلى فواز لغرض شخصي عندي وعندما أردت ان أعشي الطير
ناديت له بأسمه الجديد فواز فواز .... فالتفت الطير على ضيدان وقال له :
ضيدان أنا أسمي دهام ما هوب فواز
.........................أما أدعني يا دهام ولا بلاشي
ما هوب حق تغير أسمي بـ ألأرماز
...................وأنا عذاب الخرب لا أقبلت حاشي
فرد عليه ضيدان :
لعيون بعض الناس سميت فواز
...................اسم يشابه لاسم صعيب المناشي
اللي غلاه بثومة القلب حزاز
.....................تقبل له ظعوني وتقفي عطاشي
فرد الطير :
ما أرضى تسميني عليها ولا جاز
......................تغيير الإسم إلا بذبح الكباشي
إذبح تميمه وأقلب الإسم فواز
...................إذا ذبحت الكبش ما صار ماشي
فرد ضيدان :
قلت فواز تكفى فكني من التلعواز
...................الحل عندي وأسمع العلم كاشي
لازم تشوف اللي له القلب ينحاز
.................عقب (ن) تجي فواز ولا شلاشي
فردالطير :
يالله مشينا والعمر يبغي إنجاز
....................اما نجز بالهدي ولا عراشي
قم جهز اللي ذاخرينه وممتاز
...............وعلي الطلاق إن عزبته من معاشي
وعنما وصلوا الى التي سمي الطير عليها شال ضيدان البرقع عن الطير وقال له هذي اللي سميتك عليها
فقال الطير :
أنا أشهد إني يابن قضعان فواز
......................وانا بعد فواز جاني خراشي
ياهني قلبك يوم في حبها فاز
.......................كحيلةٍ ما عاشرة كل لاشي
ياليتني رجلٍ لو أمشي بمعكاز
...................وأنخاك وأنخى مبعدين المعاشي
وأنهب لطيف الروح وأجلا لشيراز
................وأقضي بقايا العمر ما أحتر جاشي
في شرع أبن حنبل وتأكيد ابن باز
................معروف راع الحب قلبه هشاشي
وأنا لوصل ملوع الشيخ معتاز
..................أعوز من فراق السبوق الرواشي
أبا أتمنى والتمني بـ الألغاز
........................ياليت جنحاني لخلك فراشي
أو ليتني بيجر على الورك هزاز
........................ولا قلم بين الجسد والقماشي
رد مع اقتباس
مواقع النشر (المفضلة)