من قبل خمس سنين عاهدتك .. أنساك !!!
من قبل خمس سنيـن عاهدتـك أنسـاك
لكنـي أخلفـت العـهـد .. مانسيـتـك
ياما سهرت .. ومرنـي طيـف iذكـراك
وياكثـر ماجيـت بخيـالـي وجيـتـك
أذكر خجلك .. وبسمتك .. همسة شفـاك
أذكر كلامـي لـو .. لعلـك .. وليتـك
وأذكر هنا .. مدري هنا .. يمكـن هنـاك
كم ضعت بك .. واحترت بك .. كم لقيتك
لاحظ وأنا جالـس .. أضيٌعـك وألقـاك
لو تهت عن كـل الـدروب .. اهتديتـك
حتى عرفـت اللـي .. تضمـه حنايـاك
لاخفيت شيٍ .. فـي عيونـك .. قريتـك
أغليك .. أحبك .. أعشقك موت .. وأهواك
لـو كنـت تجفانـي .. وأنـا ماجفيتـك
بالله قلـي .. مـن يسـوي سوايـاك ؟؟
ياللـي بنيـت بداخـل القـلـب بيـتـك
ليتك شعـرت بحالتـي .. يـوم فرقـاك
يـوم انتهـى ليـل المـواجـع بديـتـك
أذكرك ثم أذكـرك وأذكـر .. ولاأنسـاك
تبطي .. وتبطـي .. تنتظـر مانسيتـك
رد مع اقتباس
مواقع النشر (المفضلة)