خش وقول حكايتك
السلام عليكم ورحمة الله وبركاته
مافيه موضوع محدد في بالي وحبيت اقترح فكرة يمكن تعجبكم وهي:
تقول اطرف موقف او قصة حصل لك وانت صغير بس شرط تكون حقيقية ولا مانع من البهارات:
وببدأ انا اولكم.....
انا كنت وحيد امي وابوي لما كنت صغير لحد ماصار عمري سبع سنين وكنا عايشين في مزرعة قبل ننقل للرياض ومن الزهق الي كنت اعيشه،،،
كان عندنا حوالي 40 دجاجة او اكثر في حوش لهم وكانوا هم تسليتي الوحيدة يعني الي احقد عليها افقع بيضتها،، والي تنحاش مني كنت أحط في (( مؤخرتها )) فلفل عقاب لها وردعاً لأمثالها،، وكنت اذا شفت وحده توها قاعدة تبيض يعني في حالة ولادة كنت أجي واعصرها ((( الله يخلف على امي ))) لحد ماتطلع بيضتها وتبت من الدجاج عقب ماجيت مره من المرات اعصر دجاجه تبيض وانفقعت بيضتها جواتها وماتت بعد يومين...
هذي بعض القصص غير قصص الخرفان والبقر وحوادث مأساوية كثيرة لي ولهم مابين عنز طاحت في البير وغرقت بسببي ومابين جرح في بطني وتهتك في الأمعاء بسبب ثور الله لايحلله ولايبيحه ولايسامحه ويجعل مثواه نار جهنم.....
باختصار انا كنت للحيوانات انسان القايلة (( على وزن حمارة القايلة ))...
او ابو السعف والليف (( على وزن ام السعف والليف ))....
بالمعنى المتحضر انا وبلا فخر كنت بالنسبة للحيوانات عملهم الأسود في هالدنيا...
المهم بقولكم سالفة...
كان عندي حمام فوق السطح،، وطلعت مره وانا توني ابو خمس سنين تقريباً ولقيت عندهم قطو يهاجمهم،، مير تطقني العبره والشجاعة في نفس الوقت....
وانزل بسرعة ادور سبنش (( سبانخ )) بس مالقيت الا جرجير قلت يالله كلو محصل بعضو مير اكلك حزمة جرجير (( متأثر في بباي )) واطلع فوق وألاقي القطو أكل وحدة وقاعد يفترسها،،
وانا الي ادخل عليه واطارده لحد مامسكته مع ذيله واحوسبه في الهوا وادور به وادور به وارميه من فوق السطح لحد ماطاح في الشارع بس الي قهرني ان القطو ابن الكلب<<< بالله اشلون تجي قطو وابن كلب!!!!!؟؟؟
مشى عادي وهو يعرج يعني مامات....
بس الي أثلج صدري انه حرم يجي في المزرعة بكبرها عقب ماشافني وشاف عملي الاجرامي معه.....
انتهت قصتي الي بعد يقول حاجة عنه وهو صغير يالله....
تحيااااااااااااااااتي وانشالله تعجبكم الفكرة
مواقع النشر (المفضلة)