|--*¨®¨*--|كـتـبـت اربــع قـصـايـد قبــل هــذي ثــم امـزقـهـا |--*¨®¨*--|
حين يتحدث الإبداع ..............
[poem=font="Simplified Arabic,4,teal,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
ما هي طلعات شاعر يختـرع طلعـه وسوقهـا=يعج الشعر باجرامه وانا جـرم ٍ مـن الاجـرام
شياطين الشعـر ربطتهـا واخرسـت منطقهـا=وايلا قامـت تهمهـم بالشعـر الجمتهـا الجـام
الا يـا ليلـة ٍ بيـن الليـالـي ودي اشنقـهـا=لو اقضي لليالـي كـان ماكفـى بهـا الاعـدام
هنيّ الحر ايلا ضاقـت تعلـى فـي شواهقهـا=وهنيّه كل ما اشتاق السما فـل الجنـاح وحـام
وهنيّه شاعر ٍ جاتـه قصيـدة عشـق عاشقهـا=لقا العشاق في لحظـه تسمـى لحظـة الألهـام
والا ياحيّهـا يـوم اقبلـت وش زيـن منطقهـا=كأن الشعـر مهديهـا هديـة شاعـر ٍ مـا نـام
تعانقنـي بشـوق ٍ هزهـا وبشـوق اعانقـهـا=تفـرغ شحنـة الفرقـا وافـرغ شحـنـة الألآم
وتغرقني بشـوق ٍ ضامهـا وبشوقـي اغرقهـا=كفى ياشوق والله مثلهـا ياشـوق مـا ينضـام
وتقـرب لـي وانـا ماسـك يديهـا واتشفقهـا=وتزيد اكرامها فـي واحـد ٍ يستاهـل الأكـرام
وتمسّك في يدينـي كـل مـا هميـت ابطلقهـا=وتزيد من العطا حتى نسيـت ان الزمـن ظـلام
كتبت اربع قصايـد قبـل هـذي ثـم امزقهـا=ولو زعل الشعر مني عقب هـذي فـلا ينـلام
هموم ٍ تضـرب الكبـد العليلـه ليـن تحرقهـا=وتصهر مهجة ٍ منهـا يصـوغ الحانـه النهـام
تمعـن بالقصايـد والله انـك غيـر تفرقـهـا=بعضها سهل لكن بعضها ضرب ٍ مـن الاحـلام
انا ما نيب اسـوي للقصيـده نسـخ والصقهـا=مثل من ينسخ اللوحه بـدون آذن ٍ مـن الرسـام
ولكنـي اخايلهـا واخايـل نـضـو بارقـهـا=ليالي انتظرها قد تجي فـي يـوم او فـي عـام
برز مثل الجبل هالشعر وجيتـه مثـل طارقهـا=وكان الشعر كافر بـس دليتـه علـى الاسـلام
اوقف بين دفعـات الشعـور ارصـد مفارقهـا=ادوّر لوحتـي حتـى تبيـن لـي مـع الايــام
تسابقنـي علـى الالـوان هاللوحـه واسابقهـا=وهذي آخر اللوحـات واكسـر بعدهـا الاقـلام
تجيني غرب والوي لفظها من غـرب اشرقهـا=واذا كان الشعر دوله فانا فيهـا وزيـر اعـلام
عباراتـي و انـا عـارف عباراتـي وادققهـا=ولكـن البـلا وشلـون تقبـل صدقـي الحكـام
انا من ناس ما خافت سـوى مـن رب خالقهـا=وانا من ناس تعرف ويش فرق البو والضرغـام
وانا مـن نـاس مـا تتغـزل الا فـي بنادقهـا=وانا من ناس ماترقص سوى رقصة شرف واقدام
وانا من ناس ضحكـات الليالـي مـا توهقهـا=ايلا شفت الليالي تضحـك فـراس البـلا قـدام
حسافه ياحسافـه حيـف يـا نـاس ٍ ترافقهـا=توادمنـا وتمالحنـا ولا ملـح ٍ نفـع وايــدام
[/poem]
الشاعر .................فهد بن محمد
شمـ أنثى ـــــوخ
مواقع النشر (المفضلة)