شـــرووط التسجيل بالمــنتدى....يموووووت ظحك !!!
هذى الشروط من المشرف العام لأحد المواقع المشهورة بعد ان جاءته حالة من الطفش
من كثر مشاكل الأعضاء والموقع اردت ان تشاركونى هذة البسمة فاقرؤو ماذا قال :
لقد تغيرت شروط التسجيل في المنتدى ....وتم تغيير مسمى المنتديات لتواكب مرحلة ما بعد الحرب الباردة
اعرفوا الشروط زين ....وافهموها....واللي ما يبي هالشروط جعل اصبيعاته اللي طقت على الكيبورد للكسر...ولو ما عليه كلافه يطق راسه باقرب جدار ....حنا ما نلعب....واللي يبينا حياه الله بيننا....فهمتوا ياالقعدان
بما ان هذا الموقع موقعي بروحي لا بارك الله فيكم وفي الساعة اللي فتحت لكم هالموقع....فاللي يبي يسجل معنا يوافق على الشروط من ورى خشمه ....والشروط
هي ...
1- اللي يسب اي واحد من الاعضاء نبي نجيه وبنربط حواجبه في صدامات الكلوزر وبنروح ونقز فيه با اقرب ند ...انا قايلكم حنا ما نلعب
2- لما تكتب موضوع خل غيرك يتميلحون ويتهاوشون بس بحدود وخلهم يذبون براحتهم.....واللي بيقلبها سب...عز الله ان امه داعيه عليه...لاني اترجاه وقت صلاة الفجر في الفريج وابشخمط وجه وابخليه يغني ...خروفي خروفي لابس بدله صوفي...له عينين واربع رجلين ... من كثر ما امحطه على وجهه.....انا قايلكم حنا ما نلعب
3- اللي بيخربط بالدين ولا بالسياسه....هذا عذابه عذاب ابخليه يتخيل انه قرد ولا عمره ذاق موز....وابحجز له على اقرب رحله على طياره ترش الجراد وبرميه فيه على ارتفاع 50000 الف قدم وابجدعه على خوص نخله...علشان ما يتعود لها انا قايلكم حنا ما نلعب
4- انتم اعضاء لكم تكتبون بس ....ولا احد فيكم يسوي لي فيه مراقب ما نبي مراقبين.....فهمتوا ولا افهمكم...
5- الساحه الرياضيه لكم ثنتين...واللي ماهو عيناوي لايوطوط فيذاك ساحة ابو جدي وانا حر فيها ولا عندنا ديمقراطيه....ولا عمرنا سمعنا فيها وهي وشهي...هي الديمقراطيه شي ياكلونه
6- مسموح الذب...والذب هي كلمه اتيه من الذباب وهي فعل مضارع جمع تكسير مضارع بسيط...فهمتوا...صح ولا ماهو صح...قولوا صح لابارك الله بالساعه اللي جمعة هالخشش فيها...واللي بيزعل من الذب بنخربط وجهه ونخليه يطالع في المرايه ويطلع الاخطاء التسعة عشر....ايه تسعطعش...ساحتنا وحنا حرين فيها
7- يا ويلك ويا سواد ليلك لو تعطي احد كلمة الضروس....الا عندي سوال ليه سموها كلمة سر...ليه ما سموها كلمة خشم ولا ضرس ولا مصران احول قصدي اعور.....طبعا قايلكم ساحتنا وحنا حرين فيها
8- اللي بيسجل باسماء قبايل وعوايل...ولا مخله بالادب....هذا بنوديه لا اقرب شيخ وبنكويه مع علباه...وبعدين بناخذه لا اقرب قليب...وبنغطسه وبنطلعه...ونغطسه ونطلعه الين ماهي خلف ....اقول لا تكثر برمسكم يا هوووه....وش هالمسكه الغلط.....انا قايلكم ما نلعب...
9- قريتوا الشروط........هاه عجبتكم....فهمتوها...طيب ما عندنا تسجيل هالايام....واللي يبي يسجل معنا يرسل لي ايميل على التلفون مال اللي ماني ذاكره لكم...لان الدعوه عناد...واللي براسه حب ما انطحن....تراي ابطحنه له....واذا فيه خير يقابلني وين ما يريد عند الصمان ولا ديراب ولا في الصناعيه ولا باي محل....
10- كلنا عيال فريج وكلن يعرف خيه...
11- انا قايلكم حنا ما نلعب
الان اسماء المنتديات بعد التعديل :-
* منتدى شخبط وتفلسف ترى محد لمك.....المنتدى العام سابقا
* منتدى شاعر في المشمش......المنتدى الشعري سابقا
* منتدى مواضيع مالها احد.....منتدى المواضيع الجاده سابقا
* منتدى معاهم معاهم عليهم عليهم....المنتدى الرياضي سابقا
* منتدى كن صديقي.....منتدى المواضيع المتميزه
بالنسبه للبريد ان شاء الله في السنه الجايه شرات هالحزه ما حنا حاطينه ماعندنا
ملاحظه
اللي بنكتشف انه رجال مشورب ويكتب باسماء اناثي...ولا اناثي تكتب باسماء رجاليه هذولي بنخلي خششهم كلمات متقاطعه يصعب حلها.....والله ما يضرب بعصا يا سرع طيحتهم
موافق
غير موافق
وبس
منقووووووووووووووووووول
المشاركة الأصلية كتبت بواسطة ملكة الذوق
مواقع النشر (المفضلة)