أقســـــــــــــم لك برب البيت شوفتك أنتظرهــــــــا

[أصايل نجد]

السلام عليكم ورحمة اللـــــــــــــه وبركاته....


يامحمد غبت عنها اسبـــوع من باب التغلـــــي
ودي أعرف وأكتشف عن حبها لي وأختبرها

يامحمد سبعة أيــــــــام عــــجـاف ابدون خلي
شفت فيها الويل وعيوني ملازمها سهرهـــا


سبعة أيام الكــــدرماراح عني مثل ظلــــي
شلت كل هموم خلق الله وعايش في كدرها

رحت أدور بالتسلي وين أبلقاه التسلـــي؟
أخرج من البيت وألقى نفسي أبرم في قطرها

ودي أسمع ذكرهـــــــا لو من عذولا بالتبلي
مو مهم اللي يقوله المهم إنه ذكــــــــــرها

شفت أخوها صدفة وأقفى يرحب بعض كلي
بعضي الثاني همس بأذني تنشد عن خبرها

قمت أهلي به وأنا خــــــــايف لساني لايزلي
شفت شعـــره في ثيابه قلت هاذي من نثرها؟

وأنكسف مني تبسم لي وناظــــــر بغلي
قال توي كنت بالصالون والناس اشكثرها

قلت فعلا شفت هالصالون بالناس امتملي
والله انه يكذب الكذاب وانه من(شعرها)

أعرفه من ملمسه من ريحته من لونه اللي
مثل لون العود حمرة من سواد يشتقـــرها

شلتها بالدس في جيبي وأنا ماأشفيت غلي
ودي أستمتع بلمسها وريح من زهـــــــرها

قمت ودعته وليلتها عذابي مستغلــــــــــي
طول ليلي (حاضن)الشعرها وأناجي صورها

بعد سابع يوم من هم (بقلبــــــــي)مستحلي
أتصل بي واحد ساكت ونفسي في ضجرها

قلت ألو وشفيك ساكت رد ياجعلك تغلــي
كني أسمع صــوت ليمونه وبفمه يعتصرهــا

وأهمست(وش سهرك)للحين وفي وقت امتتلي
قلت طيـــفك نعنبو جدك وضحكت من (فخرهــا)

وأهمست هالحين(أجي)وأخبرك عن دقي وجلي
قلت معقوله؟؟!!وقالت نار شوقي ماأقتدرها..

جت وهي متخفيه صبح بليل مستظلــــي...
كنها تحسب خطاهـــا ميريفضحها(عطرها)

نفحها مسك ونثر أنفاســــها ورد وفلي..
المكان اللي تعدي منه يبقى فيه أثرها

قمت ماني في شعوري كل مافيني يهلي
كنها المتفضله بانقاذ روحي من بحرهــــا

ترتجف في(قلبها)خوف تولاها تولي....
تنفض ايديها ويتقطع نسمها من حذرها

قالت إنت اشفيك متغيب جفا والاتخلي؟؟

قلت لاهاذي ولاهاذي ولاحتي قدرها..

وأخبطت بكفوفها صدري ودمعتها تهلي
قالت أقسم برب البيت شوفتك( أنتظرها)

قلت أجل وش وخرك وانتي لعنواني تدلي
لايكون انه جفا؟قالت حشا وارخت نظرها

إنت تدري عن ظروفي حط نفسك في محلي
بنت مثلي خارجه من بيت أهلها وش عذرها

لادنت مني تبعثرني على غـــنــج ودلي......!!!
وأنصهر(باأنفاسها)وإحساسي المرهف صهرها

والله إن اللي ببالك(يامحمد)ماحصل لي....!!!
ذبت وأروتني من كذا خفت إني أنزل من نظرها

بعدما عاهدتها بالله حرمت التغلي......
توبه أتغـــــــلى ونار افراقها مقوى سقرها...

منقــــــــــــوله.....

أختكـــــــــــــــم //أصـــــــــــــــايل نجـــــــــــــــد

[شموخ أنثى]

[poem=font="Simplified Arabic,4,teal,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
وأخبطت بكفوفها صدري ودمعتها تهلي=قالت أقسم برب البيت شوفتك( أنتظرها)[/poem]إ

[poem=font="Simplified Arabic,4,blue,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]

نت تدري عن ظروفي حط نفسك في محلي=بنت مثلي خارجه من بيت أهلها وش عذرها[/poem]


[poem=font="Simplified Arabic,4,indigo,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]

لادنت مني تبعثرني على غـــنــج ودلي......!!!=وأنصهر(باأنفاسها)وإحساسي المرهف صهرها[/poem]

[poem=font="Simplified Arabic,4,seagreen,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]


والله إن اللي ببالك(يامحمد)ماحصل لي....!!!=ذبت وأروتني من كذا خفت إني أنزل من نظرها[/poem]


[poem=font="Simplified Arabic,4,sienna,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
بعدما عاهدتها بالله حرمت التغلي......=توبه أتغـــــــلى ونار افراقها مقوى سقرها...[/poem]




وش اروع من هالأبيات ياأصايل


يعطيك العافيه يالغلا وتسلم يمناك على النقل الرائع



شمـ أنثى ـــــوخ

[بنت ابوووها]

[glow=#FF3399]أصايل نجـد[/glow]

تسلمين يالغـاليه

وهذا العطـاء الراائـع

حروف عـذبه متنـاثره بعــذوبة تواجـدك الممـيز

دمتي بهذا العطـاء

[glow=#FF3399]تحيتي لكِ[/glow]

[حبيبتي حطمتني]

قالت إنت اشفيك متغيب جفا والاتخلي؟؟

قلت لاهاذي ولاهاذي ولاحتي قدرها..

أصايل نجد

ما أروع ما طرحتيه

ربي يسلم إيدينك ويسعدك

لا تحرمينا من جديدك

دمتي بود

[ذرب المعاني]

أصايل نجد


صح نقلك

وصح السان شاعرهااا

ودمتي بخير