السلام عليكم ورحمة الله وبركاته
اخواني الشباب واخواتي البنات.....
فتحت صفحة موضوع جديد ومدري وش اكتب بالضبط...
او بالأصح مدري كيف اكتب هالموضوع الي في بالي...
موضوع تكلموا فيه عشرات قبلي...
ويمكن مئات...
لكن!!!!
مافيه جديد...
الموضوع هو القراءة.......
ناس تستخف الموضوع.....
وناس تقول وش يبي هذا ويا موضوعه البايخ......
لكن ياناس انا بقولكم شغلة.....
منو الي فينا يقرأ؟؟؟؟
أقصد قراءة غير قراءة الجرايد والمنتديات والاخبار الي في النت.....
يعني منو الي فينا يداوم على المكتبات العامه وياخذله كتاب ويقرأ؟؟؟
منو الي فينا يروح للمكتبات الخاصة ويشتري كتب عشان يقرأ بغرض الفايده والاستمتاع مو يشتري كتب عشان المدرسة او الجامعة؟؟؟
ليش الغرب على تقدمهم الحضاري والفكري ووجود الانترنت في كل غرفة مو في كل بيت وبس يقرون بمعدل ثلاث كتب شهرياً لكل شخص في بريطانيا على حسب آخر إحصائية؟؟؟؟
ليش احنا العرب مانحاول نقرأ بدال ماكل شوي نقول طفش او زهق او ياخي فاضي مدري وين اروح ووش بسوي؟؟؟؟؟
والله ماسبب تخلفنا الا قلة القراءة واذا قرينا....
قرينا شي ماله دخل بالفايدة الا ماندر....
وليش ننظر للشخص الي يقرأ على انه يتفلسف دايم والا معقد والا نقول والله ذا الأدمي فاااااااااااااضي ماوراه شغل لو يروح ياخذله لفتين في التحليه ويكحل عيونه ازين!!!!!
الي خلاني اكتب هالكلام وقهرني اكثر...
البارح كنت اقرأ كتاب للطنطاوي الله يرحمه اسمه صور وخواطر كتاب قمة في الروعة وفي الأسلوب وفي القصص الي فيه.....
قصص تضحك وقصص تذكرك بالله وقصص رومانسية للغاية وقصص ثقافية مجموعة كلها في هالكتاب الي اسمه صور وخواطر.......
ودق علي واحد يقول: ها ابو عابد وينك؟!
قلت: في البيت.....
قال : طيب تعال بالاستراحة نلعب بلوت وسوني الشباب متجمعين.....
قلت : والله ودي يخوك بس مشغول شوي قاعد اقرأ كتاب.....
قال : هذا شغلك؟!!!!!
قلت : اي والله كتاب فله منشد معاه عالآخر.....
قال : من يوم شفتك تلبس نظارات وانا غاسل يدي منك اقول تعال متجمعين وبلوت وسوني وسوالف وآخرتها تقول مشغول مع كتاب!!!!!!
قلت : اي يخوي منشد معاه وعلى وشك اخلصه اذا امداني جيتكم.......
قال: طيب انتبه يالمنشد لاتنقطع والله انك فاضي ياشيخ لو تجينا بالاستراحة نطقطق سوني وبلوت مع العيال أحسن لك من كتابك هذا..........
وانتهت المكالمة..............
قهرني كلامه...........
وجيت اسألكم.......
بالله منهو فينا الي فاضي انا والا خويي؟؟؟؟
مواقع النشر (المفضلة)