طلبات السحالي من الالف الى الياء(الله يعين بس)
[grade="00BFFF 4169E1 0000FF"]بما انه شعلل المنتدى وبدأت الحرب بين السحالي وبينا احنا الشباب
حبيت اقوم بدوري وأشن هجمة مرتدة على السحالي
حبيت انزل موضوع بس يكون فيه مصداقيه..عاد هالموضوع كله مصداقيه..ههههههههه
اخليكم مع طلبات السحالي..
الالف : ابي فلوس بروح معزومة على شاى ضحى
الباء : بكره ابيك توديني لبيت اهلي عندهم عزيمة
التاء : ترى اليوم انا ماني مسويه عشاء روح للمطعم جيب عشاء
الثاء : ثلاث اسابيع ما طلعنا للملاهي يالله ودنا اليوم
الجيم : جيب خدامه تساعدني بشغل البيت.........(والبيت نص شقة) قهر
الحاء : حبيبى..ودى بساعة شوبارد ,مليت من ساعتى الاوميغا(شوفواالنفاق..توها تذكرت هالاسم)
الخاء : خل الشله اليوم..انا عازمتك نتعشى بره, بس على حسابك
الدال : دور لنا فله على 3 شوارع وفيها سرداب (الراتب 3000 ريال من وين ياحسرة )
الذال : ذيك السنة (قبل 10 سنوات) قلت لك اشتر لنا سيارة فان اوسع وما شريت
الراء : روح قدم على اجازة خلنا نسافر لماليزيا ,,اووف حر
الزاء : زيد مصروف البيت هذا ما يكفي اغراض البيت (ومعظم الفلوس عليها
وعلى خرابيطها)
السين : سجاد البيت صار قديم ....غيره يا اخي (السجاد ما كمل له سنتين )
الشين : شيل ولدك شوفه يبجي هناك,انا تعبت من العيال
الصاد : صفف الملابس هناك منثرة,مليت وانا القط وراك
الضاد : ضبط اوضاعك..ترى كبرت المسؤولية..( توها والدة )
الطاء : طالع السيارة سكراب تفشل قديمة, نبي شبح
الظاء:الظاهر انك ما تحبنى..ليش ما شريت لى العقد الالماس اللى بغيته!(حب بالالماس بس)
العين:عيوني..اليوم شفت فستان عند زوجة اخوي يجنن...خاطري بواحد مثله
الغين: غير يا اخي اسلوبك معاي...كله برود..حسسني بحبك شوي
الفاء : فديتك حبيبي وين تبينا نسافر هالصيف؟
القاف : قدر يا اخي شوي...كل شغل البيت على راسي...تكرم وساعدني شوي
الكاف : كفاية ملينا من هالبيت متى راح تسوى لنا بيت اكبر من هذا
اللام : ليمتى بنتم حابسني في هالبيت لا نطلع مثل الخلق ولا غيره
الميم : متى بتوديني لبنان مثل ما وعدتني قبل؟؟؟؟
النون : نبى نحجز شاليه شرم الشيخ طول الصيف ..لا تنسى
الهاء :ها عاد..ترى اروح بيت اهلى! اذا مو قد الزواج وتكاليفه ليش تخطبنى؟؟
الواو : ورني شطارتك روح عند اخوك خذ منه الورث( راعية مشاكل)
الياء : يالله ايدك على 2000 ريال راضني..لانك زعلتني وكسرت خاطري[/grade]
مواقع النشر (المفضلة)