[align=center]بسم الله الرحمن الرحيم
السلام عليكم ورحمة الله وبركاته
بعد غيابٍ طال
عدنــا ..
وها أنا أطل عليكم
وافتتح بـ عـز منهو في رفيقه وابن عمن له يجــود .... وعـز منهو يطلب العليا وهي قد جات الـيــه؟
قصيده رد على الشاعر راكـان العاطفـي ...
أعتذر عن صعوبة بعض المفردات .
أترككم معها . ...
اقول :
غبن عيني كثر ما عاشت بدار آل السعود
وكثر ما شافت من انواع المراجل ما تبيه
كم قلت لش يا نفس توبي واعرفي درب الصعود
والبلا انّـش أنجبرتي تسلكينه واسلكـيه
جربي حظ ش وانا ما بلحق اللي لي يعود
الردى لا ما شريته من ردي ن يشتريه
شيبان ابوي اثنوا ركبهم وامتطوا ظهر القعود
وراحوا وانا في ساقة اللي كل شر ن يحتويه
عــز منهو في رفيقه وابن عم ن له يجود
وعز منهو يطلب العليا وهي قد جات اليه
يا قصيده طالب ش روحي لبن عاطف وفود
خبريه انه غوى ولا لقا اللي يحتريه
انا ادري انه لا يهش ولا ينش ولا يقود
من تالي المعزا تحدر وانثنى في منكبيه
اسبانيا ما تنفع اللي أصل ابيه امن الزيود
ونجران ربّت كل جيل ن عزته في عز ابــيه
وانا عبيدي واقحطاني ولا على اللي رد زود
معروف قدري من سنين ولا عرفت اتحل فيه
الكرامه طبعنا والحقد لا يمكن يزود
ماسكين اطباع هود جدنا ( صـلوا علــيـــه )
ادري انك ما بتفهم لهجتي ولهجات هود
مير مررها على اللي كل عز ن يحتميه
ماهيب شفره ولا هي ابنمـبــر وكــود
لكن معناها عليك اصعب من اني قلت هيــه
حظـي اني طحت فيك وانت حافر لي خدود
والجمل لي طاح شال همه ثقل ايديــه
ما كل منهو يبن عاطف أحترم فيك الوجود
تذكره عند المقفّــى مثل ما انته تشتهـيــــه ....[/align]
مواقع النشر (المفضلة)