[grade="8B0000 FF0000 FF1493"]السلام عليكم ورحمة الله وبركاته
كيف الحال انشاء الله بخير
اليوم جايتكم بقصة صارت معي شوهت فيها سمعت امي المسكينة
قبل فترة بعد رمضان كنت راده من المدرسة امي ما خلتني انا في العصر
وكنت تعبانه واليوم الي قبله ما رقدت غير ثلاث ساعات .بس جلست اذاكر واحضر
الدروس الي علي اليوم الي بعده بس امي طلعت عند جدتي في الدور الثاني
كنت ابي ادخل انام دق جرس الباب حق الدور الاول رحت وفتحت الباب كانت الشغالة
نزلت من عند جدتي وامي وكانت تبي اشياء من المطبخ .وطلعت فوق اتذكرت ان امي
قالت لي قبل ما تنامين دقي على عشان انزل واخذ المفتاح اخوانك كلهم نايمين
قلت حاضر بس اخذت التليفون ودقيت على رقم الدور الثاني ردت علي عمتي قلتلها ابي
امي وهذي عمتي نمزح معها مرة عادي ما تحب تكون في بيننا حواجز بعدين قالت مين انت؟؟؟ جلست اضحك وقلت لها انا البنت الي هناك وجلست تضحك قالت وش تبين انتي قلت ابي امي تنزل تاخذ المفتاح قالت طيب نادي عليها قلت لاهي طلعت قالت
وين طلعت طبعا بكل استهبال وتناحة نوم قلت الشارع وجلست اضحك وهي مثلي تضحك
قالت طيب دقي عليها جوال قلت لا هي ما تاخذ جوالها معها قالت ليش وين تخليه قلت لها
هي اصلا رمته في الشارع وانكسر قلت لها الله يخليك خلي امي تنزل تاخذ المفتاح والله مرة تعبانه وفيني نوم هي ما خلتني انام في العصر واخواني كلهم نايمين قالت طيب هي امك تخلي التليفون عندك دايما قلت لها شفتي كيف الله يهديها تخلي التليفون
عند اعقل بناتها قالت انت وينك في قلت لها انا عند المطار القديم قالت في صالة الافراح
قلت لا في القاعة الرئسية قالت وين في القاعة الرئسية قلت عند المطار القديم عند كيلو اربع طعش طبعا جلست هي تضحك قالت اش جاب المطار القديم عند كيلو اربع طعش
قالت زاد حالك شوي قلت لها على الاخر قالت خلاص حطي المفتاح عند الباب قلت كيف يعني تبين حرامي يدخل علينا وحنا نايمين قالت طيب اقفلي الباب من الداخل قلت طيب يعني امي تنام برا البيت اليوم وبعد دقايق سمعت صوت وحدة تتكلم عندها قلت والله
هذي امي اعطيني امي ابي اكلم امي الحين قالت وين امك قلت امي عندك والله اعرف صوتها قالت خلاص انا بقفل شكلك انت وحدة فاضية ما وراك شي قلت اي والله فاضية ابي اروح انام عشان بكره على مدرسه قالت خلاص مع السلامة وحطت السماعة وجلست
مستنيه احد ينزل ياخذ المفتاح مني بس رجعت اتصلت وردت جدتي قلت لها ابي امي ردت
امي و قالت لي وش تبين قلت عمتي راحت بيتهم ولا لاء قالت عمتك اليوم ما جات عندنا
قالت غريبه ليش هذا السؤال الغريب طبعا قلت لا بس وحشتني احسست في تلك اللحظة بالذهول قلت خلاص بس انزلي وخذي المفتاح قالت طيب قبل ما تنزل شفت الرقم الي اتصلت عليه اول مرة كان نفس الرقم بس الاختلاف في الاثنين والخمسه طبعا ذاك الوقت مع النوم ما فرقت بين الاثنين والخمسه بالانجليزو وامي دريت بالسالفه الرقم الغلط و
دق التليفون بعد شوي طلع واحد يسأل وين البنت الفاضية الي دقت علي قبل شوي ونزل على الصراخ مثل المطر في ذاك اليوم وانا كنت ميته على نفسي من الضحك بس والله ابوي مسكني صراخ وصل لاخر الحارة ومشي باقي اليوم على خير ولا الي حرق دم ابوي ان الرجال الي دق قاله وين البنت الي امها ما تجلس في البيت يعني ابوي فهم وش يقصد وامي بعد ساعة تقريبا جلست تضحك قالت الله يهديك طلعتيني ام فاسدة
بس والله مستحيل اتذكر اليوم ذا من غير ما اضحك وطبعا انتشر اليوم ذا عند العائلة وكل ما احد شافني يضحك ولا لمن شافتني عمتي قالت لي صار صوتي زي صوت الرجال
قلت لا هو الي صوته مثل الحريم بس وش رايكم في اختكم الصاحيه ما تنفع تجلس جنب التليفون وهي فيها نوم ......
احببت فقط ان تشاركوني الموقف الطريف الذي حصل معي
<<<<<<<<<<مسكينه مصرقعة من كثر النوم[/grade]
مواقع النشر (المفضلة)