بسم الله الرحمن الرحيم
حينما تصل الأنثى إلى حد الكرامة
فحتماً ستقف أمام الرجل بحكمة ومنطق
تساوي 10 من عقول الرجال
هكذا أبهرتني هذه الشاعرة بشموخها
فأتيت لكم أحبائي بقصيدتها.
بنت عن عشرة رجال
الحقيقة شيء واضح والخيانة هي وكاد
والأماني في خيالك ترتجي لحظة وصال
كيف تبغاني أعود وأنت يكسيك الرماد
وفعلك أكبر من عزومٍٍ هدها رقي الجبال
والله مايشفي غليلي فيك لو طلق الزناد
ما تحس ودمك اللي صار في فعلك حلال !!
اتهمتن بالخيانة .. بنت عذرا في مهاد
ولجل أنا أحاول أصونك جرجروني بالحبال
وأنت ياللي تخون واثق تبتسم لي في عناد
والله أن أجيب راسك ... بنت عن عشرة رجال
لا تحسب سكوتي عنك صرت ثكلى في حداد
أو ترى قلّ الكلام وتحسبه قلّ الفعال !!
لو نخيت رجال قومي أعرف انك في عداد
في عداد الموت والله ما أبد عنه محال
لكن اللي رد فعلي كبر عقلي فيك فاد
أنت رجالٍ تقول .. أنت عيبٍ عالرجال
شف أنا بنت وضعيفة لكن اللي فيّ زاد
أصلي اللي يشهدوا له بفخر عصر البلال
من تميم أصلي وفصلي من طفل حتى الجداد
ما أبد مرت خيانه .. لا ولا حتى خيال
ناد يا لله لو تنادي من تبي يقوى .. وناد
وخلّ فعلك مثل صوتك وشد بالعزم الرحال
حنا سيفٍ لاجتمعنا ما نعرفك بالوداد
وإحمد الله ما نخيت وعزمي هو ضدك هلال
بدعي الله يجيب مزنٍ يغسل سواد الرماد
ولا أشوفك بعد يومي تفكر تعيد الوصال
بقلم واحساس
الشاعرة / لوعة الشوق .
دمتم بكل الخير
احترامي للجميع
دمع الزهر .
مواقع النشر (المفضلة)