جورج قرداحي وملكه الذوق من السعوديه في من سيربح المليون لايفوتكم ....
جورج قرداحي ومن سيربح المليون ....
يسعد مساكون عسا الله يخليكون
عنٌا اليوم اربع متسابقين من مختلف الدول العربيه
نتعرف عليهون
ملكه من السعوديـه <--- قل والله
صفوق من مصــر <----- ماتجي ابد
مطلق من زامبيـــا<---- يجيب الله مطر
ماريـــا من السودان <----- لو تموت
عنٌا سؤال السرعه جهزو حالكون واستعدو عندكون تلاتين ساعه على ما تخلصو من الاجوبه
السؤال بيئول
السؤال بيئول
رتٌب الاعداد من الاصغر الى الاكبر :-
1- واحد
2- اثنين
3- ثلاثه
4- اربعه
انتهت التلاتين ساعه
الترتيب الصحيح هو :-
1- واحد
2- اثنين
3- ثلاثه
4- اربعه
اللي جاوبو هم :-
ملكه بعد خمس ساعات
صفوق جاوب بعد تسع ساعات <--- هذا دافور بس عنده مشاكل عائليه
مطلق جاوب بعد 0 ساعه <--- اتحدى عندكم هالساعه
ماريــا البنت حاطه راسه وراقده ولا جاوبت أبد
الاسرع هي ملكه ..
ططكطكطكطكطكطكطكطكطك <--- تصفيق
حووووووووووووووووف <--- يقلع ابو التصفير اللي كذا خخخخ
وألحين مـلـكـه جالسه على الكرسي و قدامها جورج
جورج : مـلـكـه جايه من بالسعوديه ويدلعونهاالدلخه .... الله اعلم من الدلخ مـلـكـه: هلا فيك
جورج : متزوجه ؟
مـلـكه : ايه وعندي عندي عشر طعشر ولد
جورج : الله يخلليك اياهون
مـلـكه : الله يسلمك
جورج : اليوم كرمال عيونك يامـلـكه خلينا الاسئله عشر اسئله
و عندك ثلاث مساعدات هي : ((تكلمين صاحبتك)) , ((تحذفين اجابتين)) , ((طلب الجمهور))
مـلـكه : الله يجزاك بالجنه ************************ على نياتها .. يلا نبدأ
السوال الأول : امك الحين وينها ؟
1- بالبيت
2- بالسوق
3- تسولف مع جارتها
4- ما لك دخل
مـلـكه: انا شاكه برقم ثلاثه بس جوابي النهائي هو اربعه
جورج : وانتي الصادقه والله مالي دخل و جوابك صح معكي 5000 ريال
السوال الثاني : وشلونك ؟
1- ابيض و اسود
2- ملوٌن
3- بخير الله يسلمك
4- هذاني قدامك يالخبل
مـلـكه : الجواب النهائي اربعه <--- اخس يالواثقه
جورج : جوابك صح معكي 10000 ريال
السوال الثالث : لو لقيتي صاحبتك تشرب دخان وش تسوين لها ؟
1- تقولين لها احلااااا يا القويه
2- تقولين لها عطيني جغمه <---- وش قالو لك علبة ببسي
3- على طول تعلمين ابوها <---- نذاله
4- تطبين من الدريشه <---- وش يبي ذا الاختيار
مـلـكه : ممكن مساعدة أكلم سديقتي --- سديقتي ************************ يقالك تنيعم عند اللبنانيات
جورج : شو اسم صديقتك و شو بتشتغل
مـلـكه: اسمها عمشاء و تشتغل تغسل حب وتطبخه وتبيعه
جورج : شغله مهضومه كتييير <--- افلقني ان فهم الشغله
مـلـكه : ايه والله
جورج : الووووو
عمشاء : هلاااا
جورج : معك جورج قرداحي من تلفزيون ام بي سي
عمشاء : هلا والله
جورج : معك صاحبتك مـلـكه الدلخه و هي محتاجه مساعدتك بسؤال يوصلها 32000 الف ريال ومعك تلاتين تانيه لما تبدأ مـلـكه بالكلام
مـلـكه : لو اشوفتس تشربين دخان وش اسوي لتس ؟
1- اقول لتس احلاااا يالقويه
2- اقول لتس عطنيني جغمه
3- اعلم ابوتس
4- اطب من الدريشه
عمشاء : تطبين من الدريشه اكيد 0000و الجواب الثالث خطا ميه بالميه
مـلـكه : شكرا
عمشاءالعـفـ ... ((انقطع الخط ))
مـلـكه : الجواب هو الرابع بس ياليت اقول الثالث <--- يقلع ابوالنذاله
جورج : جواب نهائي
مـلـكه : جواب نهائي ومتأكده منه 999 بالميه
جورج : جوابك صح و معكي 32000 الف ريال
السوال الرابع : ما هو تعريف اللمبه ؟
1- شي ينور
2- شي يولع
3- كل اللي فوق
4- اعرف الجواب بس منيب قايله
مـلـكه : الجواب النهائي الرابع
جورج : جوابك مهوب خاطئ صحيح <---- يستهبل
مـلـكه : بشر شغالتكم ولايكثر
جورج : اوكي اوريك شغلك المهم الحين معك 64000
الف ريال
السوال الخامس : من اسرع رجل بالعالم ؟
1- واحد جوعان ومعزوم على العشا
2- واحد رايح للدوام وسيارته خربانه و خايف يتأخر <-- يااخي خذ لك تاكسي
3- واحد منحاش من امه علشان ماتطقه
4- بقره ضايع ولدها و تدور عليه
مـلـكه : الجواب النهائي رقم واحد
جورج : جوابك صح ومعكي 125000 الف ريال
السوال السادس : من هو المغني رابح صقر ؟
1- هيكل عظمي
2- غرشة كوكا الجديده
3- غرشة ببسي حجم عائلي
4- لمبة الشارع
مـلـكه : انا مطوعه ولا أسمع أغاني ((ما تبي تقول ما عندنا تلفزيون قالت انا مطوعه ))
جورج : المهم القشطه وش هي ؟
مـلـكه : ما عندنا قشطه
جورج : أقصد الزبده
مـلـكه : ما عندنا زبده بعد <--- تستهبل .. والله الزبده ابي مساعدة جمهور
جورج : جهزو حالكون يالجمهور و يلا جاوبو بدنا نساعد مـلـكه الدخله
مـلـكه : دخله بعينك
جورج : النتيجه هي
90% للجواب رقم واحد
0 % للجواب رقم اثنين
0 % للجواب رقم ثلاثه
10 % للجوب رقم اربعه
مـلـكه : الجواب النهائي رقم واحد
جورج : جوابك صح ومعكي 250000 الف ريال
السوال السابع : من هو اللاعب اللي يسمونه الزراديه ؟
1- الشريده
2- مصطفى ادريس
3- محسن الحارثي
4- كلهم زراديات
مـلـكه : الجواب النهائي رقم اربعه
جورج : جوابك صح و معكي 500000 الف ريال
السوال الثامن : ما هو تعريف القلم ؟
1- شي ينكتب فيه
2- شي يكتبون فيه
3- شي يخطون فيه
4-شي نغزز فيه الناس
مـلـكه : تستهبل انت وخشتك الي كنها عجوز تهرووول
مـلـكه : الجواب النهائي رقم اربعه
جورج : جوابك صح و معكي 700000 الف ريال
السول التاسع : نمله منسدحه على بطنها ليش ؟
1- تشوف سبيس تون
2- تحل واجبها
3- مدري عنها
4- وش دخلني فيها
مـلـكه : ابي حذف اجابتين
جورج : اوكي نئول للكمبيوتر يحذف اجابتين
مـلـكه : عسا يخلي الاجوبه السهله ************************ تطقطق باأصابعها
جورج : بئا لك الجواب رقم واحد و الجواب رقم اربعه
مـلـكه : الجواب النهائي رقم واحد
جورج : جوابك صح ومعكي 900000 الف ريال
السوال العاشر : ماذا تعني لك هذه العباره(( الاقتصاد نصف المعيشه))؟؟
1- غوايش عجوز تبيع حب
2- سلم متكسر << وصابرين عليه اهله
3- ريال منشق<< ولاهم ذابينه
4-كرتون تايد فاضي<< متحسفين به
مـلـكه : الجواب الرابع مليون بالميه
جورج : أكيييييد الجواب صح ومعكي 1000000 مليووووووووووووون مبرووووووووووووك
مـلـكه : الله يبارك فيك انشالله
جورج : خذي هذا الشيك
مـلـكه : جعله في عرسك << مادري وش تبي هالبنت بالضبط
جورج: شو راح تعملي بالمليون
مـلـكه : بفتح مشيغل صغير وكافي شوووب حق بنات بس00 وبشتري لخوي سعيدان ديتسسن 77 اخليه يستانس ويقهر عيال الحاره --------
:35ar:
اجل ذي اللي تهبل بمن سيربح المليون انا؟ ! ! ! !
تهي تهي 
مواقع النشر (المفضلة)