* يا سعود *
*
*
*
*
*
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=1 align=center use=sp num="0,black"]
يضيـق صـدري كـل مـا هبـت علـي مـن الجنـوب=نسـايـمٍ مامـلـت طـعـونـي وقـلـبـي مـلّـهـا..
وارقـى علـى مرقـاب حزنـي واتـحـرى للـغـروب=وامـسـك جـدايـل هالحـيـاه المـدبـره وافـلّـهـا..
واشـوف وشلـون الليـال ادور فـي الوقـت اللـعـوب=واجمـع مسائـل هالبشـر فـي دفـتـري واحلّـهـا ..
والعن ابو الحـظ الـردي !! واستغفـر المولـى واتـوب=وآقـول يـا ربـي تعيـن اللـي صبـر ثـم شلّـهـا ..
ويا سعود قـرب لـي مـدام الوقـت والعمـر محسـوب=واسمع يـا خـوك ابيـات مـن جوفـي نويـت اتلّهـا ..
لا صارت الدعوه مابين : ( ضلوع صدري ) و(الهبوب ) !=بقولهـا و : (( اللـي عقـد روووس الحبـال يحلّهـا ))
وش عاد نرجي من زمـن صـارت بـه كبـار الذنـوب=انـك علـى الباطـل سيـوف الحـق تونـي سلّـهـا !!
اسلامك اصبح (( متهـم ! )) والنـور غيّـب ومحجـوب=دروووبهـم يـا كثرهـاا ؟؟ وادروبـنـا يــا قلّـهـا !!
خويّنـا تـصـلاه نــار الكـفـر ونشـوفـه يــذوب=وحنّا نترجى من (( عجوز الغـرب )) ترهـي ظلّهـا !!
لا عادبـه فزعـه ولا غـيـره ؟! وحيلتـنـا يــا دوب=( نشجـب ونستنكـر ) عساهـا تنسـمـع او علّـهـا ..
صـار التنافـس بالطـرب مـن اولويـات الشـعـوب !=(( الغانـيـه صفقلـهـا ؟؟ والراقـصـه طبلّـهـا !! ))
والموضـه تحاصـر تقاليـد العـرب مـن كـل صـوب=تـفـوح دلتـنـا زعـــل واعـوانـهـم تـزلّـهـا ..
والكـل منّـا يـشـوف نفـسـه للتـخـاذل مغـصـوب=احلوقـنـا مـاتـت عـطـش ! يالله طلبـتـك بلّـهـا ..
يالله ستـرك مـن عـلـومٍ فــي خواطـرنـا تـجـوب=رحـمـاك سهلـهـا عليـنـا دقـهـا مــعٌ جلّـهـا ..
ويا سعود اخذها من نمط (حكـيٍ علـى لسـان القلـوب)=اربـع نصايـح لحيـاتـك يــا عـسـى توصلّـهـا ..
المرجلـه هـي ( البلـد ) وافعـال يمنـاك ( الـدروب )=والادمـي يـولـد ( غـريـب ) ولاتسـنّـع دلّـهـا ..
والكايـده تبغـى ولــد مـاهـوب طـمـاع وكــذوب=والـرابـح الـلـي نفـسـه لـربـه قــدر يذلّـهـا ..
وتـرى الكـرم عنـد العـرب يغـطـي آلاف العـيـوب=وانـك بخيـل تسـاوي عيـوب الـعـرب ذي كلّـهـا ..
واحذر تحسب ان كل بير ابدنيتـك بـه ( مـا ) شـروب=واذا تجاهـلـت الـعــواذل ابـتـمـوت بغـلّـهـا ..
وانــا بــوّدع راس مرقـابـي اذا حــل الـغـروب=وبقـول يـا ربـي تعيـن اللـي صبـر ثـم شلّهـااااا !! [/poem]
*
*
*
*
*
رد مع اقتباس
المشاركة الأصلية كتبت بواسطة اللوتــــــــس
مواقع النشر (المفضلة)