السلام عليكم ورحمة الله وبركاته
اخواني اعضاء هذا الصرح الشامخ يشرفني الانضمام اليكم لما لمسته من الاداره الكريمه
من تعاون واوجه لهم جزيل الشكر عندما حفظو لي حقوق القصيده والتي سلبت مني والتي هي بعنوان (( زخ المطر واستانس الكل بالغيم )) وارجع اشكرهم للمره الثانيه
والآن اصافحكم بآخر ماكتبت
[poem=font="Simplified Arabic,5,white,normal,normal" bkcolor="black" bkimage="" border="double,9,sienna" type=2 line=0 align=center use=ex num="0,black"]
بديت بسم اللي له الخلق صيام = الباري اللي بسمه ابدي سلامي
ربٍ هدى العربان في دين الاسلام = فردن صمد مايوم عينه تنامي
يالله يامنزل تبارك والانعام = يالله جنبني طريق الحرامي
للنوم لذه ولذة النوم الاحلام = وانا القصيده طيرتلي منامي
من ضاع حلمي مع متاهات الايام = ايست انا والله مدري علامي
الحلم لامنه غدا الباقي اوهام = عند الحقيقه عشت حلمن امامي
شفت ابن آوى صاير اليوم ضرغام = والذيب الامعط يابس الريق ضامي
ابو الحصاني يمعط ارقاب الاغنام = والذيب غط الراس غط النعامي
دار الزمان وباقي الوقت قدام = واليوم اشوف الند والوقت حامي
ماهمني من كان وياه وان قام = انا سمي الموت سقم الخصامي
اقول قول الحق ماهاب الاعدام = طبعي كذا ماهاب هذا نظامي
العنصريه جندتني بالالزام = وليا طنا راسي اصير انفصامي
انا عجبني شاعرن من بني يام = خلاني انسا عزوتي من عمامي
انا اعتبر شعره على صدورنا اوسام = لا لا تلوم القلب لا يابن لامي
مية نعم والله مع سبعة انعام = تستاهل الابيات يابن الحشامي
ياقلب عبّر عن خفيات الالهام = واكتب على القاف السمين انتقامي
مابرّدت كبدي كتابات الاقلام = مع احترامي للجميع احترامي
الزير يومنه طعن قلب همام = صاب الصميم اللي به الزير سامي
كانك على الطعنات يازير مقدام = هاك المحاني وهاك آخر كلامي
الله يستر من مكامين الاعوام = يالله سترك ياعزيز المقامي
وصلاة ربي عد ماعدد اقوام = على نبي الله مسك الختامي[/poem]
ســـاري ---(( هيكل الشمري ))--- القمـــرا
مواقع النشر (المفضلة)