مـا بغيتـك بالتلاعـب .. مـا بغيتـك بالكـلام . مـا بغيت إلاّ اخوك يصيـر خال ٍ لـولـدي
[align=center]االسلام عليكم ورحمة الله وبركاته
مساء الخير ..
أخواني .. أخواتي ..
اي علاقه في الكون .. تبنى على أسس .. ويكون لها أهداف ,, مهما كانت هذه العلاقه ..
[poem=font="Tahoma,3,darkred,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
انتشـر حبـك بجسمـي .. لا وحتـى بالعظـام
واختلـط حبـك بدمـي .. فالمعالـيـق يـعـدي
يا هيـام ٍ فـي هيـام ٍ فـي هيـام ٍ فـي هيـام
يا ضياعي ! يا اتجاهـي ! يـا دروب المهتـدي
لو تذوق النـوم .. جفنـي مـا تهنّـى بالمنـام
طاوله فيـك الغـرام .. وطاولـه فيـك سهـدي
لك حبيبي فـي ثنايـا جـوف هالقلـب احتـرام
لك حبيبي قولتي : لبيـه .. آمـر .. يـا بعـدي
كيف اصبحك بسلام ! وكيـف امسيـك بسـلام !
وانت في مجرى وريـدي مـع سواقيـه تغـدي
لك عيوني .. لك حياتي .. لك سنيني .. لك مقام
لك حلالي .. لك فوادي .. لك ورودي وشهـدي
فـوق كفـك دق حنّـا .. والبـلا فعـل الزمـام
والحلا .. ليـل ٍ تسلـل فـوق الامتـان اجعـدي
لا طويل .. ولا قصير .. ويا حلو زيـن القـوام
جلّ مـن صـوّرك والله فـي غرامـك مولـدي
مـا لقينـا لـك شبيـه ٍ فـي غناديـر الشـوام
وما لقينـا لـك شبيـه ٍ فـي بنـات الاحمـدي
انت دانه .. وانت آيه .. وانت عشق المستهـام
وانت نادر فـي عيونـي يـا عيونـي وسعـدي
وانت والله يا ( صغير الحب ) من قبـل الفطـام
ما قصرت الفكر دونـك .. لا ولا ضـاع جهـدي
انت امسي .. وانت انسي .. وانت جرحي والختام
وانـت والله يـا حبيبـي شمعـة اليـوم لغـدي
انت غايـة مطلبـي يـا روح روحـي والغـرام
وانت شف البـال والله وانـت غايـة مقصـدي
احسد البرقع عليـك .. ولا حسـدت إلاّ لثـام !
كيف ما يخجل ! وليله ما غـدى عنـه اجـودي!
فوق خدك .. حب خالك ! وازعلوا منه العمـام !
كيـف يقـدر يستبيـح الخـد يـا خـد ٍ نـدي!
ترتدي ثوب الشرف و العـز مـن فوقـه وسـام
كيف ما يصبح وسامك ! وانـت عـزّه مرتـدي
بنت شيخ ٍ ما توانـى .. مـا يفـك إلاّ الزحـام
فزعة اللي ينتخـي ويصيـح تكفـى يـا سنـدي
و الحظيظ اللي قرب حظه مـن حظـوظ الكـرام
ما خشى شر الزمان .. ولا خشى الحظ الـردي!
اترك الواقـع واعيشـك فـي خيالـي بنسجـام
واربـط الواقـع بأحـلام الخـيـال السـرمـدي
مـا بغيتـك فالظـلام .. ولا بغيتـك بالحـرام !
مـا بغيتـك غيـر بالعـز الشريـف المقـتـدي
مـا بغيتـك بالتلاعـب .. مـا بغيتـك بالكـلام
مـا بغيـت إلاّ اخـوك يصيـر خـال ٍ لـولـدي
لك جنوني .. لك ظنوني .. يا حبيبـي والسـلام
وانت غالي .. ثم غالي .. ثم غالي .. يا سعـدي [/poem]
قصيده للشاعر جزاء البقمي [/align]
رد مع اقتباس
مواقع النشر (المفضلة)