يا حبيبي طـنـّش !
________________________________________
قالوا: العاقل على نفسه بنفسه خصيم
--------------- قلت:انا ما ني بعاقل ، ومجنون الهوى!
قالوا: إستح ، خف ، تعوّذ من ابليس الرجيم
--------------- قلت : انا متعـّوذ منِّه ، ومنكم ، سوى!
دايم العاقل يفشّلك ، بإسلوبٍ قديم
------------ لا بغى (ينهي) بدل (لا) نطق ( مالك لوى)
بس أخوك أخو ، آزحلقه بالحل السليم
-------- ما احرجه ، مااقول له(ضف وجهك) لا ضوى
بس الى من جا تأففت :عفوك يا حكيم
------------ عاد هو من نفسه إيحس ، يبعد لأنكوى
:
يا حبيبي طنّش ، إسمع ، ترى والله العظيم
----------- ما احدٍ غيرك على عرش هالقلب إستوى
انت وحدك من صميمه سكنته للصميم
---------- ترتوي منـّه ، وهو منك ظامي ، ما ارتوى
ما بخلت ، وجيت اغني مثل عبدالحليم:
---------- (إني أغرق)( يا هلي يا هلي)( زي الهوى)
ثم تجرحني ، وأردد مثل عبدالكريم :
----------(ما امنعك)(هذا انا)اجر صوتي والعوى
وتبتعد ، واصدح لأبو نوره الفذ الزعيم
---------- (البعد طوّل) و.. حبو.. وهجرو.. والنوى
وكل ما انسى جابوا افلام آثار الحكيم
-------------- و ذكرّتني بالبراءه ، وقلبي لك خـوى
يا حبيبي ، ندخل الجّد؟! خلك لي فهيم
------------ خّل عنك الخربطه ، قل خفوقك وش نوى؟
لا تغيشم ، ما خبرتك على جرحي غشيم
--------------- تدري بجرحي ، ولكن تجاهلت الدوى
خف من الله ، لعن ابو حيّك ضلوعي هشيم
-------- ضلع ، ضلع ..الصدر كله من اعمالك هوى
بين حظٍ مايل ، وبين هـّمٍ مستقيــم
--------------- كل ما جيت أفرد القلب للنور ، انزوى
لكمةٍ من رمشك اللي مثل يمنى "نسيم"
----------------هدّته ، فـ أربع ثواني ، وسلـّم ما قوى
لو معي اربع ميه صرت فـ عيونك غشيم
------------ ما آخذ الا بسبعتك ، خذت كبّوت وسوى
أحسبك قطعه من الكعك ، مطلي بالكريم
------------ واثرك اللي داخل الخِرج بالسم انطوى!
لعن ابوها مرجله عجزت تعسف الحريم
------------- ليت لي دربٍ على القلب لا منـّه غـوى
والله اني لا تعزوى وانا عوق الغريم
-------------- أخو من طاع الله .. الداب يقتل لا التوى
اربعه ، زايد ثلاثه ، بعد تقسيم ميم
------------ قلبي أصدر صك حبك .. وطيّره الهوى
منقول :23ar:
رد مع اقتباس
مواقع النشر (المفضلة)