++ شيبه . . شيبه . . وين ساير ؟ ++
من ألعاب الأطفال الشعبيه..
في هذي اللعبه يقلد واحد من اليهال شيبه ويحدب ظهره ويمشي وفي يده
عصى . . عاد هنيه يتيمعون حوله مجموعه من اليهال . . ويدور بينهم هالحوار :
اليهال :
شيبه . . شيبه . .
وين ساير ؟
الشيبه :
ساير حلتي وبلادي . .
اليهال :
بنسير وياك . .
الشيبه :
بتاكلكم العواوي . .
اليهال :
بنندس في مخباك . .
الشيبه :
مخبايه فيه قمله . .
اليهال :
بنغسله بليفه . .
الشيبه :
ما ينغسل . .
اليهال :
بنغسله بصابون . .
الشيبه :
ما ينغسل . .
اليهال :
عيل عطنا مقص . . بنقص لحيتك . .
*** عاد هنيه يغيظ الشيبه . . ويربع وراهم بعصاته . . ***
ملطوش تراثي..!!!
مواقع النشر (المفضلة)