طفل خرج من القبر ليعاتب امه ( حقيقه واقعه في راس الخيمه )
طفل يخرج من القبر ليعاتب امه ((حقيقة واقعة في راس الخيمة)) وعندي برهان
السلام والرحمه لكل من يقرا السلام
سمعت هالسالفه الغريبه العجيبه من الأم نفسها
هذي القصه فعلا إستوت في رأس الخيمه
و إللي ما مصدق سالفتي بعطيه رقم الأم عشان يتصل بروحه ويتأكد
السالفه من البدايه
عاشت قصة حب مع شاب تقريبا سنتين
وتحدوا حارتهم عشان يتزوجوا
المهم تم الزواج بعد عذاب وتعب وكان أحسن عرس حسب ما تقول
مرة السنوات
جابت الأم الولد الأول وبعده الثاني وبعده الثالث حتى الخامس
ولما حملت سادس مره
قالها زوجها أنا أريد بنت ولو جبتي ولد بطلقج
الام إنصدمت من كلمة بطلقج
وقالت أسوي المستحيل ولا يطلقني
يريد بنت أجيبله بنت بس كيف؟!
ما لقت طريقه إلا ربيعتها ام نوف
خبرتها بالسالفه وقالتلها ساعديني
المهم فكرت ام نوف وقالت ولا يهمك
خلي بس موعد الولاده يجي
عقب يصير خير
ام نوف عندها معارف في إحدى المستشفيات في رأس الخيمه قسم الولاده
المهم إتفقت مع الدكتور أحمد علاء خواجه
على أنه إذا الأم جابت ولد يبدل الولد مع أي بنت مولوده في المستشفى
وقالت الأم بدفعلك إللي تباه بس سوي هالطلب
المهم غرته الفلوس
على قولة المثل الفلوس تعمي النفوس
وافق الدكتور أحمد عطلبهم
يوم جا وقت العمليه
ولدت الأم
بس
شو جابت
ولد
ولد مثل القمر
بس للأسف بتستغنى عنه
جا الدكتور عند الام عشان يفحص حالتها
قالتله يالله روح بدل الولد قبل لا يجي زوجي ويطلقني
شوفوا كيف تستغنى عن ولدها بكل سهوله وبرود
رد عليها الدكتور
لا إسمحولي ما أقدر أشارك في هالجريمه
ردت الأم قالت كيف بعد ما خذيت الفلوس تقول جي
المهم الأم وربيعتها مب فاضين حق الدكتور
راحت أم نوف(ربيعتها) تفكر بعدين قالت شو رايج نذبحه ونقول لزوجك أنج جبتي بنت عقب ماتت
قالت لا كيف اقدر أذبح قطعه من لحمي وروحي
قالت أم نوف كيفج خلي زوجك يطلقك
خافت الأم من هالكلمه
قالت ربيعتها(أم نوف)شو رايج ندفنه في صحراء
ونخليه يموت بروحه و بيكون جي مات بروحه...
المهم الأم بعد ما إقتنعت راحت هي وأم نوف وسوا فعلتهم بس قبل ما تدفنه
رضعته من حليبهاودفنته
ردت الأم بيت زوجها
قالتله جبت بنت بس ماتت
قال كذابه لازم أروح أتاكد بنفسي
ربيعتها أم نوف راحت المستشفى وإتفقت مع بعض الدكاتره والممرضين على أنه إذا جا الزوج يقولوا له أن زوجته جابت بنت بس ماتت وغرتهم بالفلوس
راح الزوج و تأكد وطلع أنه فعلا زوجته جابت بنت بس ماتت المهم إستوى عزا على أنه البنت فعلا ماتت
والأم قلبها متقطع
على ولدها إللي دفنته
بعد مرور شهر
هني تبدا السالفه
بعد شهر او أكثر بشوي
راحت الأم عند ربيعتها
وقالت لها أريد اشوف ولدي
بروح عند ولدي
قالت أم نوف يا هبله ولدج مات صار له أكثر من شهر إنسيه يا مجنونه
قالت الأم قالت أنا بسير عنج وإذا بتيين انا هناك
المهم سارت الأم لين ما وصلت المنطقه إللي دفنت فيها ولدها
تمت الام تدور عن المكان إللي دفنته فيه
لأن صحراء وصارلها أكثر من شهر من دفنته جات ربيعتها وقالت لها :
الصراحه ما قدرت اخليج بروحج
قالت الام للحين ما لقيته
تمت الام والربيعه يدورن عالولد
فجأه بدون إنذار
سمعت الام وربيعتها
صوت طفل يصيح صرخت أم نوف وقالت اعوذ بالله هذى صوت جني المنطقه ما فيها أحد
قالت الأم لا هذا صوت ولدي
قالت ام نوف يا هبله
ولدج مات تعرفين شو يعني مات
يعني خلاص إنسي انج تسمعي صوته
المهم الأم أصرت وقالت أنا قلبي يقولي أن هذا صوت ولدي ولازم اروح أشوفه
سارت الام وربيعتها لين ما وصلوا مكان الصوت
وشو تتوقعوا شافوا هناك
شافوا شي غريب
أن الولد هو إللي كان يصيح
ولقوه حافر مطلع نفسه من تحت
سبحان الله شهر كامل
تحت الرمال الحاره وعلى ضوء الشمس الحارق
بدون اكل ولا شراب وعمره ما كمل شهرين
سبحان الله
المهم خافت ام نوف وقالت حق الام هذا مب ولدج
الأم فرحانه لأنها شافت ولدها ومطقعه لأم نوف
شو تتوقعوا سوى الولد
تكلم
أيوه تكلم ليش مستغرب
وقال
ماماماما
وفوق ماما زاد كلمه وقال
ماما انا جائع
بالعربيه الفصحه
جائع ما قال جوعان
هذا حسب ما تقوله الأم
سبحان الله
جت الام تريد تحضن ولدها عشان ترضعه من حليبه
صرخت ربيعتها أم نوف
وقالت لا لا خليه هذا مب ولدج هذا مب إنس
هذا جني
قالت لا هذا ولدي وهو من شدة الجوع تكلم
برضعه ويستوي إللي يستوى
المهم حضنت الام الولد
وجت تريد تخلي فم ولدها في صدرها
و قال ماما
ماما
أنا جائع
منقول
سفيرة الأحلام
مواقع النشر (المفضلة)