[align=center]لاتحسبين العرس توفي وكتكـات ولا تحسبينـه توكـس والا بونتـي
ولا تحسبين العر س كيكة وطرطات وصلـة قطعتيهـا ووصلـة بلعـتِ
ولاتحسبين العرس تصفيق واصوات وانت عللى صوت الغطاريف همتي
ولاتحسبين العرس كوشة ولمبات وانت كما الطـاووس فيهـا جلسـتِ
ولاتحسبين العرس احلام في الشـات يامـا بنيتيهـا ويامـا هدمتـي
ولا تحسبين العرس روحة وجيات هيا اقضبي بيتـك عسـى مانهبلتـي
ليلة سعيدة وانت احلى الجميلات تشخص عيون النـاس اذا حضـرتِ
(واللاينر)حطيـه بـلا زيــادات لا يـخـرب المكـيـاج اذا دمـعـتِ
(والمسكرة)تحتاج لطف ومـدارات حتـى يبـان ازيـن اذا غمضتـي
(والاسبريه )رشيه حتى البصيلات ينسك شعرك زيـن ولـو كـان زدتِ
وترى(المحدد)فن يحتاج رسمـات يبـان رسمـه زيـن اذا ابتسمـتِ
العـرس يابنيـة ماهـو شعـارات تفنـى مراسيمـه وتبقيـن انــتِ
ويبقى شريك العمر راعي الطويلات هذا هو العرس الحقيقي عرفتـي
اول نصيحة لك حفظ الصلوات صلي العشـا والفجـر فـي كـل وقـتِ
وفي ليلة العرس الموفـق وبالـذات ادعـي الكريـم الله اذاسجـدت
والتعري لاترضين عند الكوفيـرات ولبسـك يملـي العيـن اذا لبسـتِ
واللي على زوجك تحرضك مرات ارجـوك شوتيهـا شوتـت بلنتـي
والصبر في العشرة حتى على فتات ياماحـلا فعلتـك يومـك صبـرتِ
واذا حفظت السر مع المدارات زوجك ترى في عيونـه انـت كبـرتِ
والسوق يعني هاه وقت الضـرورات والاتـرى زوجـك يـدور لمفتـي
زيدي الغطاية وكثري في العبايـات والله يرضـى عنـك اذا ستـرتِ
اوصيك بالكبسة وكثـر اليدامـات حتـى لوانـك مـن سببهـا متنتـي
وخلي الرجيم اللي فشلت في مـرات سويـه مـرة واحـدة لا ولـدتِ
اوراق شاعر يرسـل ازكـى التحيـات خصيـه بالدعـوة اذا دعوتـي[/align]
......
تحياتي العطرهـ للجميـع :64_f:
مواقع النشر (المفضلة)