ما أصـــــلح أصير خطـــابهـ .. ! هع
ما أصلح أصير خطابه..!! هع..
يا ربيه معقوله أهلي كلهم يختاروني أختار خطيبة أخوي..مو معقوله..!!
((طبعاً لأني ذويقه)).
عندي أخ أكبر مني و متوظف ولله الحمد مو ناقصه الا العروس ,
و ما شاء الله أخيراً فكر إنه يكمل نصف دينه..هع <<<بعد ايش ..
نحلف عليه عشان يتزوج.
المهم أخوي طلب من الأهل بنت الحلال الحبوبه الحلوه الزينه ,....,الخ.
و دار كلام حول البنات اللي نعرفهم خذ بنت فلان لا بنت علان أحلى منها,.......,الخ.
و هاتي يا كلام و أنا ما تدخلت بالموضوع أنا كل همي إني أكون أحلى وحده وأكشخ بالزواج
<<<تفكر بالفستان و الإكسسوار و خرابيط البنوتات وأخوها توه ما خطب ..
أجل لو خطب..!
و أسئل عن موضة صيف2007يعني أنا ما أبديت رأيي<<<ارحمينا ياللي بتسكتينهم
و كلامك اللي يمشي.
و بعد كلام كثير الا و حطوا الأنظار علي
و قالوا:لا هنتِ دوري لنا وحده معاك بالكليه من صديقاتك أو تعرفينها بنفس المواصفات
اللي يبيها أخوك..
<<< لا حول يالتماسيح شايفين السحالي سيارات تقولون مواصفات .
المهم إني في البدايه طنشتهم و حسبتهم يلعبون علي و ماراح ياخذون بإختياري
وأنا ما أبي أتورط بسوالف
الزواج لأي شخصين ..
على قولتهم (أمشي بجنازه ولا أمشي بجوازه=زواج)
و تمر الأيام وكل شوي يسئلوني لقيتي البنت , أقول:
لا تو هع ..<<<<< مالها حيل.
و مرت الأيام إلا ويسئلني البابا ((الله يطول بعمره))<<آمين
عن البنت لقيتِ أو ما لقيتِ سكت و قلت:
خلاص بكره أشوف..
أنا في بنت بالكيله من زمااااااان موووووووت تعجبني وأحبها
و أتمنى قربها و معرفتها أكثر..
و معرفتي بها سطحيه جداً , فسئلت صديقاتها عنها و قالوا لي
و استفسرت عن اللي أبيه. ..
بس أكيد إني ما بينت إن السالفه فيها خطبه..
و خلاص قلت للأهل فيه بنت جنااان و حبوبه,و طبعاً اللي بيستفسر
أكثر أخوي مو الأهل.
و تعرفوووون طبعاً كيف الأخوان يتمصلحون مع أخواتهم في الأوقات هذي هع.
و التميلح و الاخ الوديع يسوي اللي تبينه..حتى لو يفديك بعيونه, و الحرام
يقول: صار حلال ..<<مبالغه .
ما شاء الله كله لعيون زوجة المستقبل..
يا عيني على الأخوه و الحنيه الزايده يا أخوي.
لو أقوله : إن الشمس تشرق من الغرب , يقول: صحيح
من الغرب و تغرب من الشرق.<<<<< هذا كله بسبب المشاعر
الجياشه لزوجة المستقبل..
عساه دووووم ذا المشاعر اللي تنبض نبض مو صاحي هع.
و فعلاً دخلت مزاجه هالبنت اللي قلت له عنها.
و أخوي استانس و قال : إن شاء الله الزواج بالصيف حاولي
تعرفين أكثر عنها وعن أهلها ..قلت :
من عيوني..
و طول الوقت يقول : هي ملاك ..
أقول : هي ملاك و بس إلا حوريه من حوريات الدنيا..
عاد أنا ما أدري كيف التماسيح يتخيلون البنت إذا بنت توصفها لهم..
و أخوي شبه تعلق فيها ..من كثر ما ذكرتها له.
و صار يسئلني كثير عنها و يقول: وش صار عرفتي شيء
جسيتي نبض منها .
المهم يا أخواتي و أخواني.
إني داومت اليوووم بالكليه و جت البنت تسلم علي,
و يوم شفتها انصدمت حيل ..
تدرون ليش..!!
طلعت البنت متزوجه و حاااامل ..((لا تقولون كيف عرفتي إنها حامل))
يعني بالعقل ..<<<< واضح.
و سلمت عليها وأنا مو مستوعبه اللي أشوفه ما أدري أضحك ولا أبكي
ولا أبتسم ((إبتسامة تحطيم)),
يا ربيه أنا أحب هالبنت و كان ودي تصير قريبه مني ..لكن..! يلا ما حصلش.
و جلست أناظرها نظرة مكسوره((والبنت والله ما درت عني وعن اللي بخاطري))
والله أحس علقت أخوي ببنت و هو مسكين
يا شين هالمواقف تحط ببالك احد هم يطلع شيء يخرب فجأه..
بنى حلم صغيرون توه ما كبر..هع<<<<حلوه توه ما كبر.
ههههههه يعني علقت أخوي على الفاضي..
عاد وش أسوي ربي ما كتب..
بس يعلم الله إن ضميري أنبني كثير و تضايقت ,
يمكن تقولون مو معقوله أخوك تعلق ..
لا والله انه تعلق وبقووووه أخوي قلبه رهيف وأنا طالعه له..
و لحد الآن ما علمت أخوي أني شفتها حامل الله يحفظها..
هههههههه والله توهقت..
اممممممم
يعني بصرف الموضوع بطريقتي , بحاول أنسيه
هالبنت .
يعني علمتكم إنها حامل قبل أخوي..هذا من معزتكم بقلبي.
بس ما علمتكم إني بطلت أصير خطابه..هههههههه
و اللي ملزم أخطب له ترى بيتوهق.<<بالأحلا م أخطب لأحد.
الله يسامحها هالبنت ما قد يوم حكت لي عن زوجها كان عرفت ..هع
<<<< صحيح البنت غلطانه مفروض تعطيني يوميات عن حياتها هع..
هههههههههه والسيره الذاتيه.
شفتوا كيف إني ما أصلح خطابه..
ما أحد قال: لأهلي يطلبون مني أدور لهم بنت الحلال..
ما أصـــــــــــــــــــــــــــــــلح مـــــــــــــرهــ..
................
و اللي عنده سواليف عن الخطبه و الفشيله ((الفشايل))و الله ما أدري جمعها كذا أو لا..؟!
اللي تصير أحياناً أثناء فترة الخطبه لا يبخل علينا ترى لحد الآن فيني ضحك , يعني ضحكونا معكم..
هع..<<<<<<< أتوقع الطناش من الأعضاء هع..
ســـــــــــــي يـــــــــــو.
السبت بتـــــــــــاريخ 6/2/1428هــ..
((خارج الموضوع: ليه الشاب اللي يدور على بنت ذات حسن و جمال و دلال و حلا
بلا حدود في الأخير يطيح بوحده يعه ما فيها من الحلا ذره..ههههههه هذي جزاة اللي
يقلقهم بمواصفات ما تدش العقل يستاهل هع))
المشاركة الأصلية كتبت بواسطة ლ
مواقع النشر (المفضلة)