اضحكت .. لفّت وقالت " واي ثاريهاا بدويـه "
استردت واستراحت يعنـي قالتهـاا بشطـاره
ماتحاشت يووم قالت . تقفـي وتشّـر عليّـه
تحسب اني من عربهاا " مايعه " واكثر عيـاره
قلتها ايـه بدويـه .. وافتخـر تـاج ٍ علّيـه
لو سمحتي حطّي يدك فوووق راسك بالعبـاره
استـري ثوبـك وروحـي لاتعيديـن الخطيّـه
وقولي هالكلمه بذرابه .. واحفظيها في جـداره
لابغيتـي .. وانتخيتـي .. ماتواسيـك الاهيّـا
طبعهاا وقـت الشدايـد تستمـدّه بـالا ثـاره
حافظه علمي وديني صلـب وعزومـه قويّـه
ما تشبّه في بنـات ٍ لأهلهـن اكبـر خسـاره
ابدويـه والشـرف مبـداي ماحـب الـرديّـه
اصلي تحكمـه المبـادئ ماتـردّى بالجسـاره
ماخذلنـا مـن يجينـا ولاتجااوزنـا العطيّـه
مارخصنـا بالرفيـق ولاتهـاونّـا بقـصـاره
جامعه باسمـي الاصالـه والمعانـي الاوليّـه
والكرم والطيب يرقـى بالتعّالـي وسـط داره
ساسي من نسل الشجاعه والسيوف العبقريـه
وفارس ٍ خيله تخطّـى مـن يعاديـه بمهـاره
البداوه ياعزيزه .. ماهي فـي الواقـع خفيّـه
راجعي التاريخ الاول .. واعرفي معنى الحضاره
مواقع النشر (المفضلة)