زوجة ابن عروج
بســـم الله الرحمـــن الرحيـــــم
[poem=font="Simplified Arabic,6,red,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
الزول زوله والحلايا حلاياه=والفعل مـــاهو فعل وافي الخصايل [/poem]
((... هذا البيت اشهر من نار على علم وتردد كثيرا على السنه الناس في كثير من المناسبات المختلفه وهو ناتج عن قصه حقيقيه حدثت في الزمن القديم فهذا البيت لزوجة الشيخ (وديد بن عروج) شيخ قبيلة (لام) التي كان موطنها العارض في وسط نجد وقد كانت قبيله كثيرة العدد تفرعت منها قبائل معروفه في الجزيره العربيه.
اما قصة البيت المذكور اعلاه فهي ان الشيخ (وديد بن عروج ) قد اشتهر بالمغازي الكثيره وكان لديه ذلول اصيله ولكنها دائما ضعيفه وهزيلة الحال لكثرة غزواته عليها ولم يبين الشحم على جسمها بسبب ذلك،وبعد موته تقدم اخوه (لزام) للزواج من ارملة اخيه لحفظ الابناء وتربيتهم،وتم الامر الا ان الفرق بين الرجلين كان كبيــرا جــدا في نظر الزوجه،فلزام لم يظهر له فعل كأخيه (وديد) واكتفى في حياة اخيه في المكوث في البيت وقضاء لوازمهم اذا ما غاب اخيه للغزو،وقد زاد حزن الزوجه عندما رأت الذلول الهزيل وقد تغيرت اوصافها وتبدل حالها فمن بعد الهزال ركب الشحم عليها وفي احدى المرات عاد الراعي بالابل فاذا الذلول ((تهدر وكانها جمل)) فتذكرت زوجها السابق الشيخ( وديد )وغزواته ومحاسنه التي تفتخر بها كاي امراه بدويه تحب الرجل الفارس الشجاع، وقارنت بين حياتها تلك وبين حياتها الحاليه مع اخيه لزام فقالت:
[poem=font="Simplified Arabic,6,blue,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
يالله ياعايـد علـى كـل مضمـاه =يامخظر الارض الهشيـم المحايـل
انـت الكريـم ورحمتـك مانسينـاه =تـروف باللـي دوم عينـه تخايـل
تلطـف بمـن كـن عينـه مـداواه =اللـي بقلبـه حاميـات المـلايـل
الوج مثل ايوب مـن عظـم بلـواه =واسهر الى مايصبح النجـم زايـل
على حبيـب كـل ماقلـت بانسـاه =لذكره تفطني مـن الهجـن خايـل
ليـا نسيتـه ذكرتـنـي بطـريـاه =شيبه ظهر من عاصيـات الجلايـل
يلتاع قلبـي كـل ماذكـر سوايـاه =كما يلـوع الطيـر شبـك الحبايـل
لا واحبيبـي سبـع سنيـن فرقـاه =عليه انـا قضيـت كـل الجدايـل
لا واحبيبي يتلـف الهجـن ممشـاه =ليـا بغـى لـه نـيـةٍ مايسـايـل
لا واحبيبي يسقي الربـع مـن مـاه =دليلـهـن لا ضيـعـوه الـدلايـل
لا واحبيبي يرعـب الهجـن بغنـاه =من كثر ما يوحيـه ليـل وقوايـل
لا واحبيبـي كـل قـوم تنـصـاه =تلقـي ربوعـه طيبيـن القبـايـل
لا واحبيبـي تدفـن السمـن يمنـاه =يامـا ذبـح بيـن كبـش وحـايـل
لا واحبيبـي وافـيـات سجـايـاه =عليـه غضـات الصبايـا غلايـل
لا واحبيبـي دوم للعـفـن متـقـاه =يامـا كلنـه مدمـجـات الفتـايـل
لا واحبيبـي بيـن ذولــه وذولاه =خلـي بوجـه معدليـن الدبـايـل
لا واحبيبـي طـاح يـوم الملاقـاه =بنحور غلبا فـوق غـب السلايـل
لا واحبيبي طيـر شلـوى تعشـاه =قطاعة المهجمـه سناعيـس حايـل
ياعارفيـن وديـد ياطـول هجـراه =ياليتنـي بوديـد مـا ابغـى بدايـل
اخذت اخوه ابي العوض ذاك من ذاه =والبيت واحد مـن كبـار الحمايـل
عنـدي مثيلـه واحـد كنـه ايـاه =عليه مـن توصيـف خلـي مثايـل
الـزول زولـه والحلايـا حلايـاه =والفعل ماهو فعل وافي الخصايـل [/poem]
ولسوء حظ الزوجه فقد سمعها زوجها لزام واظمر الشر في نفسه لكنه لم يشا ان يعاقبها الا بعد ان يجعلها ترى فعله وشجاعته وبالفعل قام باعلان المغزى وطالت غزواته حتى ان رفاقه سئموا من طول المده وكان كلما كسب شيئا ارسله الى قومه وهو ماض في غزواته قد انشد هذه القصيدة:
[poem=font="Simplified Arabic,6,seagreen,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
انا ابن عـروج وهـذي سواتـي =موصل اسمان الهجن شن ما يجنه
خمسين يـوم والنضـا مقفياتـي =مع مثلهن وهن علـى وجههنـه
نمشـي نهـار وليلنـا مانباتـي =كم ذود مصـلاح امنيـس خذنـه
من ضن فينا الطيب شافه ثباتـي =واللي هقى فينا الردى ضاع ظنه
كم مـن صبـي عشقـه للبناتـي =عقب التعجرف بدل الظحك ونـه
استاخذ المذهول عـاف الحياتـي =هو مادري ان الهجـن بيوصلنـه
من فوق هجن فلحهـن خواتـي =غيب الصبايا الخافيـه يظهرنـه [/poem]
ولما رجع من غزواته كانت ذلوله بالكاد تمشي وفي حال يرثى لها من شدة الاعياء والهزل ويقال انها بركت قبل ان تصل الى البيت،فامر زوجته ان تذهب لاحضارها وكان يمشي خلفها يريد الفتك بها لما قالته سابقا من قصائد تمس كرامته وهي لم تكن تعلم بانه يمشي خلفها ، فلما رات الذلول على تلك الحال قالت هذه القصيده التي كانت سببا في نجاتها من خطر لم تكن تعلم عنه:
[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
يابكرتي وش علـم حالـك ضعيفـي =اشوف حيلـك وانـي عقـب الاردام
عقب الفسـق ومهـادرك بالمصيفـي =ومصاول القعـدان مرباعـك العـام
عقـب الاباهـر والسنـام المنيـفـي =صرتي كما المفرود مـن فعـل لـزام
قطـع عليـك ديـار قـوم تخيـفـي =تسعين ليلـه راكـب الهجـن مانـام
اقفى عليـك مـن الحسـا للقطيفـي =لحوران والحـره الـى نقـرة الشـام
وتدمـر وصلهـا وخمهـا مستخيفـي =واشبيـح والضاحـك وقديـم الاقـدام
واخـذ عليـك اذواد جـو مريـفـي =وضحك كما برق الحبـاري بالاكـوام
يزفـهـا يـقـداه مشـيـه هريـفـي =واقفي عليهن متلـف الهجـن لا قـام
وعادوا على العارض ركيـب يهيفـي =يتلون ابـن عـروج مقـدم بنـي لام
زهابهـم حـب القرايـا النضيـفـي =وسلاحهم صنـع الافرنجـي والاروام
ياما انقطع مع ساقتـه مـن عسيفـي =ومن فاطر مشيه عـن الجيـش قـدام
عقـب الشحـم وملافخـه للرديفـي. =قامت تسندر مثـل مبخـوص الاقـدام
توي هنيـت وطـاب بالـي وكيفـي =من عقب ضيمي صرت في خير وانعام [/poem]
وهكذا اثبت لزام انه لا يقل عن اخيه شجاعه وفروسيه وثبت للزوجه ان الخلف كالسلف........)
مواقع النشر (المفضلة)