لبـــــــــــــــــــيه....

[>>الزين كله<<]

[align=center]

لبيه ياللي وحدك إن قلت لبيه
يذبحني لبيهك ويذبحني الصوت

وان طاح قلبي ميتـ(ن) فيك خليه
ياحي قلبـ(ن) طاح وياحيه الموت

ما قلت احبك لجل وقتي أسليه
لا والذي نجا نبيه من الحوت

والحب لو هو سر واقدر اخبيه
ماقلت احبك حتى وشفاهي سكوت

لي ناظر ما غير شخصك يمليه
كنك دواي و شوفتك طب منعوت

وان ضاق بالي اذكر اسمك و أغنيه
وأتخيلك علّ وعسى طيفك يفوت

أهواك وهمي كيف قلبك أهنيه
من كثر ما اسمك في هالقلب منحوت

حتى الخطا لو جا منك أمشيه
وان ما مشى اخلق لك أعذار وثبوت

ويش الذي يخطر في بالك؟؟ و أسويه
لو حتى في وسط البحر ابني بيوت

ياللي البحر لو جا في بالك تحليه
مريت صوبه و امتلى سكر وتوت

لبيه ياللي لو طلبني,, ألبيه
للعاصمة حافي ولو دربه خبوت

لين أندهك( يا فلان) وتقول: لبيه
وأطيح من طولي ويذبحني الصوت[/align]

[الحوراء بنت نجد]

الزين كله

نرحب بك-- وننتقل بهذه المشاركه لقسم القصائد


المنقوله هنام مكانها المناسب--



هلابك---