عتيبة من الطايف إلى ساحل الدمـّام ..!!
[align=center][poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=1 line=1 align=center use=sp num="0,black"]
المعذره يابنت مابـه سواليـف=راسي عصبته للعتيبي ومشتـط
ماعاد دعوانا غـرام المواليـف=لعيون يوسف حالف ٍ لقطع الخط
والله وربي لو تزيـد التكاليـف=لفزع لحر ٍ مدخلينه مـع البـط [/poem]
::
عتيبة من الطايف إلى ساحل الدمـّام .. !!
::[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=1 align=center use=sp num="0,black"]
يا يوسف عداك اللوم يالشاعر المقدام=تجمّلت عز الله وحنا تجملنا
كسبت القلوب اللي لجزل القصيد حيام=ولن روّح المليون عساه ما ثنّى
دراهم ماغير حطام دنيا وأخسّ حطام=ماتسوى قدم واحد من أطرف قبايلنا
عليّ الملازيم إن رزّاق جاب غلام=رفع رأس ابوه وروسنا يوم مثلنا
وسلام على التحكيم يا لجنة الحكام=فشيلة يا رب تجيرنا لا تفشلنا
عرضتوا ذممكم للمحرّج وللسوّام=تقال إنكم تبغون شيٍ يزعلنا
رضينا بالأولى والرضا سيّد الأحكام=وصبرنا على الظلم العظيم وتحملنا
صبرنا عسا تحيا ظمايركم النيّام=ولكنها ما عاشت , الله يامنّا
خبصتوا سوالفكم ولخبطتوا الأرقام=مثل قصّة اللي تخلط الكحل والحنّا
وبعد إنها زادت عن الحدّ ما نلاّم=عسا الله يهين أرواحنا لن تهاونّا
لا والله نردّ الصاع صاعين للظلاّم=ونعلن مع المظلوم كامل تضامنّا
قبيلة بكاملنا نقول الوعد قدّام=ويا جاهلٍ فينا نعلّمك من حنّا
ترانا عتيبة واسمنا يرعب الأخصام=هل الأولة من يوم كنّا ولا زلنا
صناديد , ضربتنا تخلّ الجموع أقسام=لو إنّ الجبال رجال تعجز تقابلنا
اجل كيف يوم إنّا نحوّل على الاقوام=ما كنّا سوى عذابٍ الله منزّلنا
كسبنا مراجلنا من الواحد العلاّم=عطانا وتالينا ورثها عن أولنا
وراثة عن الجدّان ماهي حلال أيتام=نبيع العمار ولا نضيّع مراجلنا
وحتى التّراب ليا وطيناه بالأقدام=يفحفح بريح الطّيب والهيل والبنّا
وحنا بحورٍ موجنا يغرق العوّام=وحنا الرعود اللي يزلزل تزلزلنا
حزامٍ لمن خلاّه وقته بدون حزام=ومن ضدّته صكّات الأيام يزبنّا
وعلى قمّة الشعر الجزل نرفع الأعلام=وبنينا لنا حصنٍ حصين وتمكّنّا
من أيام كان الشعر وسيلة الإعلام=شيوخ العرب تشتاق تسمع مثايلنا
مثايل نسخّرها وتخضع للإستسلام=ما تقدر على المنحاش منّا ولا منّا
لو إن الشعر حرٍ يرامح بدون خطام=معفّى يدقّ الرّقص في الروض ويحنّا
ليا شاف له شاعر عتيبي ؟ برك ما قام=دقيقة فقط تلقاه مخطوم ومثنّى
ولوّ أجزل الأبيات كفار بالإسلام=بنظرة وإشارة واحدة قالوا آمنّا
ولو الأدب والشعر يعطى له إستحكام=أخذناه بالغصبا عن الإنس والجنّا
ليا صار فرعون إمتلك مصر والأهرام=ترانا على شبه الجزيرة تفرعنّا
هذا حالنا الحاضر ومن ماضي الأعوام=على العزّ ودروب المعزّة تفنّنّا
ولا غيّرت فينا الليالي ولا الأيام=مرسّين بأعلى مرتبة مثلما كنّا
تزول الجبال اللي حصاها تقول خيام=وحنا على الامجاد باقين ما زلنا
ولا همنا الاقزام ما ادراك مالأقزام=قطعنا لهم مشعاب من طايل الفنّا
عصاً كنّها عجرود حاشي ولاد العام=نحامي قليلين الحلا بالعصا عنّا !
وحنا رياجيلٍ نعيش ونموت إكرام=وعدواننا ما تأخذ الزايدة منّا
عتيبة من الطايف إلى ساحل الدمّام=لو إنّا نعيش أفرع تغطرس يحقّ إنّا
يموت العتيبي رافع الراس ما ينظام=مانخضع سِوى للي خلقنا وفضّلنا [/poem]
::
للشاعر الكبــير: وصل العطياني
::[/align]
رد مع اقتباس
المشاركة الأصلية كتبت بواسطة بنت ابوووها
مواقع النشر (المفضلة)