(( قلــــــــــب المـــــــــــــــعنّى )) ...
أحبتي..
هذا المنتدى غالي على قلبي.. ويشهد الله على ما أقول
ولكن الظروف أجبرتني على الإنقطاع عنه لفتره..
ولكن ان شاء الله لن يتكرر هذا الانقطاع وسيزول..
فأرجومنكم الصفح عن ذنبي في تأخري.. والسموحه منكم..
وهنا إهداء بسيط أتمنى أن ينال استحسان ذائقتكم
..
..
..
صلوا على النبي ..
..
ألا بالله ياقلب المعنّى لابغيت اللوم
............................. تذكّر منهو اللي بـ(أول) المشوار عنّاني
رماني في بحر حبه ونساني لذيذ النوم
............................. وأنا اللي ماتوقعته يولعني وينساني
ذبحني نعنبو جَـده وخلاّ خاطري مهموم
............................. يقربني ويبعدني ويعشقني ويجفاني
وأنا ماعدت أطيق اللي أشوفه من رداة علوم
.............................. بغيته شمعه لقلبي وخلاّ النار تصلاني
ردى حظي وحبيته وصار بدنيتي مقسوم
.............................. ولا ادري وش هو اللي بآخر الطرقه بيلفاني
عسى لامن تذكّرت الجروح ولوعة المحروم
............................. وجرّبت الفراق وعشت في دنياك وحداني
تعّـرْف انك سبب هاللي غشاني من سواد غيوم
............................. جلبت اللي علي خيّـم سواده يوم تعصاني
نهيتك عن هواه ولاسمعت العلم ذاك اليوم
............................. وتجاهلت وتعمدت ونويت إنك تحداني
وجيت اليوم ياقلب المعنّى تشتكي وتلوم
.............................. خلاص اللوم ماينفع...تحمّـل وانته الجاني
وسلامتكم
رد مع اقتباس
مواقع النشر (المفضلة)