،؛، ســاعة صريحة جدا ً .. جدا ،؛،

[الطلة البهية]

[align=center]






السلام عليكم ..



ودي اليوم لو نناقش قضية مهمة جدا ً ..



من وجهة نظري اراهاا من اهم القضاياا اللي المفروض الواحد ياخذ باله منها ..


لكن قبل لا ابدأ


خليني اقول شغلة .. اللي ناوي يشاركنا ويتكلم بـ " مثالية " من اولها يريحنا ..


سئمنا الحديث بلغة الفاهم والعالم بكل الامور ..


خلونا نتكلم بلسان الواقع .. الحاضر .. بلسان حالنا .. وليس بلسان الفكرة اللي خلقنااها لأنفسنا ..


ما في شخص مثالي


وما في عالم مثالي


أكــيــد


كل واحد فينا وده يفكر انه يسير بطريق صحيح .. وربما هو كذلك .. لكن هذا ما يمنع اننا نصادف عقبات .. محطات .. امور تشغلنا عن الحلم اللي احنا ودنا نعيشه.. وهذا يخلينا نتعرج في طريقنا " الصحيح " ..


لذلك خلونا صريحين مع بعض


OK


ادري طولت بالنقدمه بس اللي اوله شرط اخره نور *_*







على مدى السنوات اللي فاتت .. نُقشت هالقضية في بعض المنتديات ..



لكن الى الآن صدقوني ما لقيت اللي يبرد حرتي ويوضح الابعاد الحقيقيه للمشكله ومسبباتها وعلاجها بطريقه فعليه ..








راح ابدأ قضيتي بالسؤاال التالي ...



" عزيزي الأخ .. ما مدى معرفتك بأختك ..!؟ "



خلوني اعكس السؤال ..



" عزيزتي الأخت .. ما مدى معرفتك بأخيك ..!؟ "



يمكن من الوهلة الأولى بتشووفوون المسألة ما تحرز اننا نتكلم فيها .. لكن لو تمعنتوا زين راح تشوفوون انهاا ذاات ابعااد كثيره ..









يعني قبل لا تجاوبون عن السؤال السابق ... فكروا شوي .. هل بالفعل انتم تعرفون اقرب الاشخاص لكم .!؟ أختكم .. أخوكم ..!!



المعروف دائما ً ان العلاقات تكون قوية اكثر بين البنت واختها .. والولد واخوه .. وهناك دائما ً تكون خطوط حمراء بين البنت والولد ..



طبعاً على حسب العوائل وعلى حسب التربية .. تكون سماكة تلك الخطوط ..








من متابعتي لهذا الموضوع



لاحظت ان اغلبية الشباب يعترفون انهم فعليا ً ما يعرفون خواتهم بالشكل المطلوب .. فعلاقتهم تكون عادة ً سطحية ... يعني كل ما بينهم هي الأوامر ... هو يأمر وهي عليها الطاعة .. بدون اي نقاش ..



ربما تقولون هذا كان يحصل قبل .. لكن الآن .. تغير الوضع ..



خلوني اقولكم .. للأسف الوضع ما تغير مثل ما نحب ونطمح .. يعني الغالبيه تقريبا منقطعه علاقتهم مع اخواتهم و يمكن يوصل الامر انهم ما يتلاقون الا صدفه ..



مره اقرى استفتاء مسويته اختي لطالبتها (متوسط - ثانوي) عن مشاكلهم وهمومهم اغلبهم اجمع ان فيه خلال في علاقتهم مع اخوانهم بمعنى ان ما فيه تواصل علاقتهم علاقه مبنيه على الاحترام فقط لا غير ..



كل شخص منهم يعيش حياته بمعزل عن الاخر ..



لدرجه وحده تقول يمكن اعرف اخباااره من الناس !!!!



صح مو كل الاخوه كذا منقطعه علاقته بهالشكل ولكن الحقيقه المره ان الغالبيه عندهم بعض الخلل في تواصلهم مع اخوانهم من الجنس الثاني ..



ومن العلوووم أن من أهم العوامل التي تؤدي إلى التفكك الأسري، وانعدام العلاقة بين أفراد الأسرة الواحدة هو: ابتعاد الأخ عن أخته، وابتعاد الأخت عن أخيها ...



فالشيء المنتشر في مجتمعنا كثيرًا أن الأخ لا يفضي لأخته بما في جعبته ولا الأخت كذلك، وقد يسيء الأمر أكثر، فلا تجدهما يتحدثان باليوم أو اليومين أو أكثر، مع ملاحظة إنهما في بيت واحد وتحت سقف واحد كما يقولون..



اسئله كثيره دارت في خلدي ..


هل عبارات السلام المتبادلة بين الطرفين كافية للربط بينهما؟؟



لماذا يخجل الأخ من أخته وكذلك الأخت من أخيها؟



ما الذي يجعلهما لا يثقان ببعضيهما بينما يثقان بمن هم خارج الأسرة؟



كم هي نسبة الذين يتحدثون مع أخواتهم للذين لا يفعلون؟؟



لماذا هذا الابتعاد بين الطرفين؟ ولماذا لا يخبر أحدهما الآخر بما لديه؟؟




من جد هنا يدور في بالي سؤال ..



لو ما عرفت شخص عز المعرفة فشي طبيعي اني بتعامل معه بسطحية او ببرودة ..



فإذا كان الأخ هذه هي معاملته مع أقرب الناس له .. فعلى ماذا يدل هذا .. ؟!










انتظر ردودكم ومناقشتكم الصريحه حيال هذه المشكله *_*





[/align]

[غزال ومـا يصيدونـه]

ماراح اتكلم بمثاليه راح ارد على سؤالك من خلال تجربتي



انا البنت الوحيده بالبيت وسط اولاد وانا طبعا اخر العنقود


اخواني كل واحد فيهم لو طلبته عيونه عطاني هي بطيب خاطر


يوم جيت طلبت من ابوي يشري لي جهاز كمبيوتر عشان دراستي ومنها اتسلى فيه


وبحكم قلة خبرة ابوي بهالامور طلب مني اطلب هالطلب من اخواني


رحت طبعا لاخوي الكبير بحكم انه يحبني ومايرضى علي ابداا


قلت له انه ودي يكون عندي جهاز كمبيوتر سألني عن الاسباب وكنت معه صريحه


علمته أني ابيه عشان استفيد منه وانه بيساعدني بدراستي من استخراج


مواضيع او عمل ابحاث وقلت له وانا مبتسمه وبصراحه بيسليني شوي


وقتها قال لي يصير خير


بعد كم يوم جانا بالبيت وجلس معي اكثر من ساعه يحكي لي عن النت ومشاكله


وشلون دمر مستقبل بنات عوائل من خلال الدردشه او الماسنجر و..و...و


وفي الاخير وعدني انه بأقرب فرصه بيشري لي اللي ابيه وفعلا نفذ وعده وجابه لي


ويوم جهزه وشغله لي قال لي جمله مستحيل انساها بيوم ..




( انتي اختي واغلى من نفسي وماراح نحرمك من شي تبينه لكن اتمنى منك انك

ماتحرمينا من شي حنا نبيه وهو ان ثقتنا فيك تفضل بمحلها ولاتخليني بيوم أندم

اني وثقت فيك )





ومن ضمن كلامه وقتها قال لي ( كل مااناظر فيك احس ان راسي مرفوع اني ربي


عطاني اخت مثلك واتمنى اموت وراسي مرفوع بك )





ومن وقتها أخذت عهد على نفسي أني مستحيل اغير نظرة اخواني فيني

او اخليهم يكرهون اليوم اللي انولدت فيه ومثل ماهم حريصين على سعادتي

هم انا بعد لازم اكون حريصه اني اوفيهم حقهم ومااخذلهم بيوم




اسفه على الاطاله لكن حبيت اوضح لك اني فيه اخوان قلوبهم على بعض


وعلاقتهم اقوى من مجرد علاقه سطحيه


غزال ومـا يصيدونه

[الأمـــاكن]

غزال الله يخليك لخوانك ويخليهم لك:16ar:

<---خارج النص

====

الـسـلآم عليـكم

الصحيح الآن الأصدقاء أقربـ لي من اخواني والأغلب كذالك

صح اني اشوف اخواني تقريباً كل اسبوع ونجتمع وضحك ومافيه اي شي بيننا

لكن اجـد اصدقـائي أقربـ لي منهم

الأن انا اشوف صديقي شبه يومياً اما اخواني شبه اسبوعياً او يومين بالأسبوع

وبيني وبينك صـار الواحد يالله يحك شعر راسه

اخواني عندهم ابناء وكل واحد مو فاضي لأبنائه يفضا لي انا وانا مقدر ضروفهم

هذا طبعاً عن الأخوان خارج البيت

اما بالنسبه لأخوان المتواجدين معي في نفس البيت احس اني مقصر معهم

انا جـالس بالغرفه على طول لا يمين ولا يسار لكن يحصل بيني وبينهم احتكاك سوالف ع الماشي ^_^

لكن حـلو ان ترين الأخـوان مرتبطين لـ حد الصداقه

موضوع حلو

مشكورهـ

:confused:

[ســــــــاندرا]

انا بكون معك صريحه

انا عندي اخت اكبر مني متزوجه وفي الشرقيه بعد فـ اللي اعتبرهم خواتي مذمذ وتوحه وعنو وكلكم تعرفونهم معنا بالمنتدى

عندي اخت اصغر بالمتوسط وعلاقتي معها عاديه يعني مو ذيك اللي اقولها كل شي ممهما كان ماراح تفهمني

علاقتي بـ اخواني بلعكس مررره حلوه لدرجة ان كل شي يقولونه لي
يعني اعرف عنهم وعن اخوياهم كل شي

واتوقع لو اختي ماتزوجة وكانت معي ما اتوقع بتصير علاقتي معها مثلهم

يعطيك العافيه عـ الموضوع

[Ձ][ ..غريبه.. ][Ձ]

الطلة البهية

موضوعك جدا ً مُهم

وانا من جهتي راح أعطيك اللي طلبتيه بدون نقصان أو زيادهـ

... انا ولله الحمد عندي أخت وأخين ...

أختي متزوجة وعندها أولاد وبنات في سني
وساكنة بمنطقة بعيدهـ عنا

وما اشوفها غير بالإجازات الصيفية والعطل الكبيرة

وعلاقتي فيها ولله الحمد إحترام وتقدير ومحبة وود

ولكن ماأحـس بإنها تفهمني بالشكل الصحيح والشكل المطلوب
يعني بالنقاشات والمواضيع الخاصة فيني ما أحس إنها فاهمتني
ويمكن هذا لإنها إنهمكت في مشاغل الحياة بين أطفال وبين زوج وبيت ؟؟

وانا مقدرة تماما ً ظروفها والأهم من كل هذا إنها أختي البكر وتضل مكانتها عالية
وكبيرة بقلبي وهي تعتبرني زي بناتها اي شيء بخاطرها تقولي اياهـ
وماتخبي عني أي أمر مزعجها ... هذا بالنسبة لأختي

اما بالنسبة لأخواني .. عندي أخ يكبرني بـ 4 سنوات
وعايش معنا بنفس البيت والحمد لله إنسان مُتفهمـ ومش متعقد ولا متعصب
وكل شيء يحصل بحياته انا قبل أي إنسان أعرف فيه
علاقاته ... مشاكله ... همومه ... واي أمر يطري على الإنسان في ايامه

:) ولإنه شخص متفهم لما طلبت منه يجيبلي كمبيوتر مافتحلي سين وجيم ولا بالغ بالأسألة لإنه يعرف بحبي لكل شيء فيهـ علم وتسلية
وشرالي إياه من فترة طويلة " والأسباب " لإني أحب التجديد ودايما ً طفشانة
ولا في شي عاجبني وأميل كثير لـعـالـم الـحـاسوب ومنها مثل ماتعرفون أتواصل مع قرايبي وصديقاتي ...

هذا بالنسبة لأخوي الوسطاني ... أما أخوي اللي أكبر منه
برضو متزوج وعندهـ أولاد وبنات وساكن بمنطقة تبعد عنا كثير
واشوفه بالعطل الصيفية والإجازات الكبيرة مثل حال اختي

ولكن الفرق هنا إني لما أتناقش معاه بأي نقااااش كااان أطلع منه مبسوطة جدا ً
لإنه يفهم علي وبكلامه يبينلي نظرة الشاب للبنت وانا بدوري أبينله نظرة البنت للشاب
وإنسااان جميل بكل معنى الكلمة واشيلله بقلبي كل الود والإحترامـ


بإختصار شديد انا الحمد لله علاقتي بأخواني الشباب ماشاءالله أكثر من مُمتازهـ

:confused: آآسفه يمكن أكون طولت بكلامي بـس هذا واقع حياتي ...

والله يوفق الجميع ... ومشكورة عزيزتي مرة ثانيه على الموضوع المُميز
:25ar: