[poem=font="Simplified Arabic,5,darkblue,normal,normal" bkcolor="transparent" bkimage="" border="solid,4,darkred" type=2 line=0 align=center use=ex num="0,black"]
يانور عيني والغلا اللي بـلا حـد=غلاك هاليومين ماهـو ب عـادي
اغليـك بـالاول وابادلـك بالـود=وافكـر انـي عشـت ذروة ودادي
واليوم لك شوق يقـد الحشـا قـد=ااسمع صداه بخافقي لـك ينـادي
اليوم توه يطلع الحـب مـن جـد=تو الغلا اللي يشغف القلـب بـادي
لامن ذكرتك جاري الدمع ما أنـرد=ولاعاد كفى الدمع مسـح الايـادي
ومابي العرب يدرون بالوضع واصد=يرتاح بالي يوم اعيـش اتحـادي
واخفي معاناتي عن الناس واجحـد=ما اطيق عذالي وطبعـي عنـادي
احيان اشوف الوضع وضع معقـد=واحيان اشوفه عكس سوء إعتقادي
واشوف كن الحيـل طاريـه ينهـد=من كثر تفكيـري وقـل الرقـادي
لابـد تنظـر حـال مغليـك لابـد=الشوق كايد والولـه فـي تمـادي
عسى الفرج يشرق مع طلعة الغـد=ونار عدتني منك تصبـح رمـادي
ياناعـس العينيـن ياباهـي الخـد=ارحـم رحمـك الله رب العبـادي
وانت تعرف ياغايتي كـل مقصـدا=نا وشوقي لك بحـرب وجهـادي
ياكثر مايهزمني الشـوق واصمـد=اصمد وانا اشوف الهزيمه وكـادي
تسحبني الامواج في الجزر والمـد=في بحر حبـك يارفيـع المبـادي
وتقودني الاشواق وتشدنـي شـد=لو ان مثلي يصعـب انـه يقـادي
امر علي مفروض وش حيلة اليـد=الامر شبه الاسـر والاضطهـادي
وماقول منك اقصور والرب يشهـد=كريم واللي يلحقـك لـوم غـادي
كرمك ما ينعد ويـش اقـدر اعـد=انتـه بـوادي والمذمـه بـوادي
ياعل عينك فـي حبايبـك تسعـد=وافراح عمرك كـل يـوم جـدادي
وسعادتـي لقيـاك يامايـس القـد=عسى الله يسعدني بغايـة مـرادي
اهم شئ الصـد لاتطـري الصـد=ثم تنقلـب دنيـا محبـك زهـادي
يابو الوصوف اللي حشا مالها نـد=انا اشهد انك اقفيتبـي بأنفـرادي
قـول المثـل تـوه بعينـي تأكـد=لابـد صيـاد الجـوازي يصـادي
ياعين حـر برقعـه شيـل بيهـد=النادر اللـي نـادر فـي الهـدادي
ماضني اصبر منك يازيـن وابعـد=وعلى الله ثم طيبك كبير اعتمـادي
ولك مني التقديـر والـود الـورد=هديـة عـن مايكـن الـفـؤادي [/poem]
مواقع النشر (المفضلة)