السلام عليكم ورحمه الله
قصيده اعجبتني رغم طولها
اتمنى تنال على بعض رضاكم واتمنى قرأت القصيده بالكامل
أبتّقـي شـرّك مدامـي بالهـوى محسـن إليـك
دامي إنتشلتك يـا حبيبـي مـن دهاليـز الضيـاع
وعلمتك إن الكون فيـه اللـي يبيـك ومـا يبيـك
وعلمتـك إن الكـون زايـل وإن هالدنيـا متـاع
وعلمتـك إن الدمـع ماهـو علـة ٍ مـن مقلتيـك
الدمع هو جرح الشعور بقلـب حسّـاس الطبـاع
وعلمتك إني بعت كل الكون ( لحظـة أشتريـك )
وعلمتك إن أصعب مواقيف الهوى ( لحظة وداع )
وعلمتك إن الطيـش قـد أحكـم بإغلاقـه عليـك
وعلمتك إن الموت أهـون مـن إهانـه للشجـاع
وعلمتني كيف أشتكيلك .. كيف أنا منك أشتكيك !!؟
يعني إبساطه أحتكـم للقلـب فـي فـضّ النـزاع
وعلمتني كيف أعشقك .. واحياك .. ثم آموت فيك
دامك ركزّت بمركبي يا صاحبـي مثـل الشـراع
تعال واجمعني غلا واحضـن يدينـي فـي يديـك
يا اجمل وأنقى من وطا هالارض في كـل البقـاع
موطأ قدمك بأرض حبّي .. كـل موطـأ يهتويـك
ويبقـى أثـرك بكـل شبـر ٍ بارضنـا ولا ذراع
نظرة عيونك ينتشربـي سحرهـا لحظـة أجيـك
مثل إنكسار الضوء عقبـه ينتشـر كـل الشعـاع
تعال أبروي هالضمـا يـا مهجتـي مـن شفّتيـك
ويبقى على مـر العصـور المـاء مالـه أي داع
أيـوووه لا خليتنـي مابيـن ذيـك وبيـن ذيــك
أفقد شعوري وارتفع بيـن السمـا ومابيـن قـاع
خذنـي والبّـي أمـرك السامـي عليّـه يالمليـك
يامن لغيرك مـا رضيـت أقبـل بـذرّة إنصيـاع
(كيْفَ السبيلْ ) إنّا انتواصل دُلنـي كـي أحتويـك
(يامن هـواه ْ أعـزّهُ واذلنـي ) وامـره مطـاع
ياللي مسحت الذاكره خليت لـي كلمـة ( أبيـك )
أبيك .. أبيك .. ابيك .. أبيك .. بوسط دمي للنخاع
لاشفت تفصيلـة قوامـك مـع تسلهـم ناظريـك
أتووووه وآغني على أيّووووه يا عيـون ٍ وسـاع
مشيت غنجك المترفه توحي بأنك أنـت ( شِيـك )
تعـال أبشبـع ناظريّـه دام أنـا عيونـي جيـاع
ياللي ذبحت الورد .. دمّه يتّضـح فـي وجنتيـك
توّي عرفت إنك شرس واشرس من أطباع السباع
أنا اعشقـك حتـى الثمالـه وأستحالـه أرتويـك
شفني تجرعتـك غـلا وأكـره معـاك الإمتنـاع
عرفت انا كيف ابتدي بك .. بس معـرف أنتهيـك
بعدك سقـوط لحبّـي وقربـك سيـاده وارتفـاع
وأرجع أقول الدمـع ماهـو علـة ٍ فـي مقلتيـك
الدمع هو جرح الشعور بقلـب حسّـاس الطبـاع
عرفت ليش أبتّقي شـرّك وانـا محسـن إليـك ؟
لنّي إنتشلتك من ضياع .. وطحت في نفس الضياع
لكم اجمل تحيه وارقها
نديم الشوووووق
مواقع النشر (المفضلة)