بين ثانيه وثانيتين حلمي في نادي الهلال انتهى

[][خجووول][]

بسم الله الرحمن الرحيم

السلام عليكم ورحمة الله بركاته

في هذه الليلة ليلة الجمعه هطلت امطار على مدينة الرياض

توه بادي يرشرش عندنا ياربي فالي منك زين

يالله ترزقنا وترزق كل القرى والمحافظات والمدن السعوديه والعريبه والاسلاميه

بأمطار خير وبركه وعما بها ارجاء البلاد

عبد اللطيف العشماوي وحسن كراني يتمنون لكم سباحه في السيول والمستنقعات بكل خير وفرحه


بقولكم قصتي من اسبوعين قصه عجيبه غريبه ..

المهم جاني واح من اهل القصيم قالي يافلان مدام انك دبــشـــه ولا تفهم شي واحلا مافيك سيقاناك :frown: لاتفهمون غلط :23ar:

سيقاني لاني لاعب فذ اشوت بكراعي اليمين وارفع بكراعي اليسار
قلت ها وش عندك قال تعال انا اعرف سمسار لاعبين في نادي الرائــد

قلت انا طالبني ليفربول بــ 20 مليون يورو وامي عيت علي تقول ولدي مهوب شاه ولا بعير تشترونــه اخذوه ومعه اثنين من اخوانه مجاناً

المهم قلت له طيب هالنادي ذا واسطته قويــه
قال مالك هم
قلت اعرف مالك هم اخو مالك معاذ

المهم شديت الرحال وعزمت الذهاب لبريده حيث يكون موقع نادي الرائد الرياضي

المهم جاء يوم الجمعه اللي طااف جاني السمسار وقعد يسولف علي
واقعد الحس مخه بالكذب
قلت مره في دوري في حارتنا يوم كنت ابو 11 سنه دخلني واحد من العيال وكان فريقنا مهزوم 2/0 الشوط الاول
دلخت الشوط الثاني واسجل اربع اهداف

<< يوسف الثنيان في منتخب الصين بس عليها بهارات لان يوسف سجل هدفين وان سجلت اربعه

وقلت يوم انتقلت العب في ملاعب الحي كانو يلقبوني بــ الفشقه و بــ المدفعجي وبــ النمر وبــ الذئب وبــ الموسيقار وبــ جلاد الحراس وبــ الموهوب وبــ القناص وبــ البرنسي العتيبي

الرجال قال هذا مصيبه بيطلع اطلق من رونالدينهو ومن يوسف الثنيان وياسر القحطاني وفهد الهريفي وماجد عبدالله وسامي الجابر وطارق التايب

المهم قال الليله بأذن الله ماشين قلت ورا مانمشي الحين

قال العصر عندي شغل قلت بصرك

جاء الليل ومشينا

واحنا بالطريق اسولف عليه واقص له قصة حياتي مع كرة القدم
المهم الرجال طفش مني وانا تقول زاقع لي 200 حبه كبتاجون

سالفه في ذنب سالفه ماتخلص سالفه الا تجي سالفه ماتدخل المخ

قالي اذا جينا عند المدرب والاداره قل اللي في بالكـ

رحنا للمدرب حق الوراعين مهوب حق الرجال

سعودي شايفن نفيسته

السبت والاحد والاثنين كارفني كرف حــ.... مشفره

كرهني الكوره ولعبها بس عشان طموحي ياخذني نادي الهلال
ويطردون ياسر القحطاني واجي مكانـــه

المهم صلح لنا تمرين مناوره

رحت انا في فريق ضعيف
وسط ماعندهم
سبايك واللاعيبه القويين حاطهم مع بعض

قمت اتفنن واسوي فيها طقعه ونص على بالي رونالدينهو ولا جيننهو انا اصلن مهاجم بس مسوي فيها داهــيــه العب وسط ايسر ومهاجــم في نفس الوقت

المهم اخذت الكوره وقعدت اطقطقها على الركبه وعلى الكراعين وانا اركض على خط التماس

ويجيني ذاك البعير اللي ماشفت عيني مثله
الا الجزار اسامه المولد حق الاتحاد نسخه منه

هو يقشني انا وكورتي والله تقول احداث 11 سبتمبر واطير فووق كني قرطاس في هواء
انننننننننننننننننن طـــــــــــــــــــع والنجوم فوق راسي

وادوخ ويجوني يعدون الا كتفي اليسار رايحه زبــــــــده هليصه

مقدر احركها وش فيك قلت يدي يدي im6

ويجيك واحد بيرفعني ويحط يديه من تحت ابطي الا اونسها في مخي آآآهـ آآهـ

آآهـ آآهـ من قلبي نصحته بس عيا ينتصح :23ar: والاماكــن آآآآآهـ والاماكــن آآآآآهـ
والملاعب كلها مشتاقه لك مشتاقــه

ضلوعي ضلوعي انكسر فيني ضلع
وانعفطت كتفي من حول الظهر ((المنتسب))

وارجـــــع عند اوميمتي لا ليفر بول ولا هلال ولا رائد ولا حتى الحين العب مع ابو سلمان وابو دانــه في الحــي

وتوتــه توتــه خلصت الحتوتـــه


حسبي الله على الكويــحــه حطم امالــي العريقاتـــي

كان حلمي اكون جنب محمد الشلهوب ونواف وطارق التايب والحين جنب اخواني طايح وكتفي تؤلمني << حلوه تؤلمني لاتفوتكم سمعتها في سبيس تون


مع السلامــــــــــه

[سنشيرو]

خجووول :

الله يكون بعونك اجل تكسرت المهم عساك تمشي زين

ولا تعرج .................... بس انتبه تركب دبابات تراهي مضره بالصحه


كل حبه ولا تركب دباب




بعدين انت تكسرت رح للمستشفى علشان كراعينك ماتعورك بعدين





تعيش وتاكل غيرها

[فوق الوصوف]

[align=center]خلـك على الحواري بس ههههههههه


تسلم على موضوعـك :)[/align]

[][خجووول][]

صن شيروووووووووووو


الدبابات ابوها للجنه

اما هذي حلم ولا تحقق ((فيس يبكي))



--------------------

يفووق الوصوف

الحواري والحي ابوهم للجنه اطيح ولا اتكسر الا مره بس بالكاحل واصبع رجلي الدبـــه




اشكركم على المرور

[لعيونــها بـس لعيونــها]

لوووووووووووووول



اللــــــــه يروووقك يالمقـــــلع اجـــــل الرائد هاااه


ماعليه لاتيـــــــــأس وانا اخـــــوك توك في بــدايه الطريق والحياه مصاعب والعمــر قـــــدام والله يرحم الجميع <<<<< تراه مايجمع


ومن نــــــــــــاحيه الكتف والكراعين عـــــــليك بالفكس واغتط عليه ونتمنا لكم الشفاااء الســريع

مع تحيات بقاله ابوو دحيم






[[ لعيونها بس لعيونها]]