إعرضـي نفسك للزواج كمنتج إستهلاكي

**سعودي وايلي** · 23-05-2005, 02:25 AM

اليوم وانا داخل للمسجد اصلي المغرب لقيت اعلان على الباب مكتوب فيه..
لراغبين الزواج..إتصلو بالخطّاب: أبو زكريا..والخطّابه أم علي
وهالشي خلاني أكتب هالموضوع

زمان أول كان الرجال واهله هم اللي يدوّرون بنيه..ونادر ماكان يلاقي له بنيه مثل الأوادم..حتى شوف العين مايشوفها الا ببيت الزوجيه..

وصلنا لمرحله متقدمه من العلم والحضاره وإنتشرت بيننا ظواهر غريبه بالزواج ..يعني تلاقي البنيه..جايتك بيوم من الايام مجرجرتن وراها تيس وتقول يبه يبه ..أبي اتزوج
طبعا الأب يستسلم للأمر الواقع..ودرئن للفضيحه يقول موافق ..
ولا تلاقي البنت الفلانيه تحب الشخص الفلاني..وتقدّم انواع التنازلات..عشان تفوز به كزوج .. << هذا في باب العلاقات السلميه بس

هالأيام تلاقي الأب يتودد لشخص معين عشان يرضى انه يتزوج بنيته اللي طايحتن بتسبده
وإذا سدّت كل السبل..تتوجه أم هالبنيه لحاجه تسمّى ((خطّابه)) ..عشان تدور لها رجال يناسبها
يعني بالعربي البنت تنعرض صورتها بكتلوج..وتفتر بين هالرجال اللي مدري وش يبون..وينقّون بينهم..
أنا ابي هذي لا لا ما ابي هذي هذي متينه ..هذي ضعيفه وهلم جره..

يمكن تقولون وش غرض سعودي وايلي من كتابة هالموضوع..أقول لكم أنا..
فيه كم سؤال يدور براسي..ودي أسئله:

- هل ترضين يا بنت انك تنعرضين بمثل هالتكلوجات مثل السلعه التجاريه..؟ ((السؤال موجه للتماسيح بعد ))
- كيف بتكون نظرتك لرجلتك اذا تزوجتي عن طريق خطابه..ويمكن انه يجي يوم الايام يعايريك..ويقول لك..بلاك بايرتن ببيت اهلك وماخذيك الا من خطابه..

شغله ثانيه ودي اطرحها بعد.. واللي هي ميل تماسيح هاليومين..إلى التشرّاط بالزواج ..
يعني لامن جا يعرس يقول ولله ابي لي وحدتن متوظفه..عشان تعيني على ديني ودنياي .. غيرها ولا ما ابي اعرس

طيب واللي مهيب متوظفه وش فيها..؟
بالعكس اغلب حالات الانحراف بين الاطفال اللي نشوفها هاليومين سبب غياب الأم والأب عن البيت
يعني بالعربي ابو يشتغل..ونفس الشي أم تشتغل..عيالهم مهيّتين..لاحسيب ولا رقيب
واذا غاب توم إلعب ياجيري

بقلم سعودي وايل

**نَفْحَاتْ الوٍرٍدْ** · 23-05-2005, 11:27 PM

[align=center]السلام عليكم ورحمة الله وبركاته

اسعد الله اوقاتك اخي الكريم بكل خير

في البدايه اتقدم لك بجل شكري واحترامي لتطرح مثل هذا

الموضوع المهم خصوصا في زمننا هذا وقد كثر اللجوء للخطـَابه سواءا رجل ام امرأه

وبالنسبة لدور الخطابة في هذا العصر وما تليه من الاسئلة

اعتقد ان هذا الامر اندثر حاليا

لان قديما كان من الصعب التعرف على النساء

فيلجأن الى جعل الخطابة واسطه بينهم

ولكن حاليا اصبحن النساء موظفات وطالبات

فاصبح احتكاكهن بالمجتمع اكثر

فالواحدة منهن تستطيع ان تخطب لاخاها او احد من اهلها

واحده من صديقاتها او اقارب صديقتها

فأصبح دورالخطابة محدود جدا في هذا العصر

وكما اوضحت سابقا ان افضل الطرق لاختيار الزوجة هو عن طريق الاهل

لانهم اعلم بحال ولدهم وما يروق له من النساء

وفي المقابل من ذلك الفتاة فلاارى عيبا ان تاخرت في سن الزواج

فهذه قسمه ونصيب لاتدخل لها فيها فذلك قدرها وقد تكون في حال ٍ

افضل لها مما لوكانت متزوجه ،، ولكن للاسف وللتخلف الفكري اللذي

الَمَ بالبعض منّا فقد يرون في الفتاة اللي لم تتزوج عانسا ً لم يرغب احدٌ بها

على الرغم من صغر سنها وامتلاكها مقاييس في الجمال عاليه وفوق ذلك

اخلاقها الحميده ،،

الخطاابه :ماهي الا وسيله لوصول المرآه المطلقه او البكر للزواج

هي ليست عيبا او تمس الاخلاق بشي ولكن الافضل عدم اللجوء لها الا في

حالات كون المرأه مطلقه اوارمله تحتاج لمن يساندها في الحياة

وتبقى في النهايه الوسيله التقليديه المتعارف عليها عن طريق الاهل هي الافضل

تـحـيـاتي الـعـطـره لـك اخـي سـعـودي وايـلـي

نَـــفْــــحَــــا تْ الــــوٍرٍدْ

[/align]