[poem=font="Simplified Arabic,6,darkblue,bold,normal" bkcolor="transparent" bkimage="" border="groove,5,darkblue" type=2 line=0 align=center use=ex num="0,black"]
عمرالاعذارماتغفرخطاك الكبير=اعتذرلين تسمح مايفيداعتذار
ولاتفيدك دموع في عيونك تحير=ومايفيدالخضوع ولايفيدانكسار
لاترجى وتفرش درب وصلك حرير=الرجامايفيدولايفيدانتظــــــــار
الخطاءصارواللي صاربيعة ضمير=شوروالشورحاول تفهمه باختصار
الندم بعدفعل الذنب مافيه خير=مانفع قبل دمعك دمع ناس كثار
لاتمادى بزعمك غيروالناس غير=كلناوسط هالدنيا بنفس المسار
الغنى يملك امن الحب كثرالفقير=كلهم تحت سلطان المحبه صغار
الكبيربغرامه مثل حال الصغير=شوف هذايغاروذاك مثله يغار
بس لاتحسب ان الفي مثل الهجير=ولاتظن التجمديشبه الانصهار
واعرف اللي يدينه في برادالغدير=عكس منهويدينه تحترق وسط نار
بينهم فرق مثل يصيرعن مايصير=ومثل معنى ارتفاع بجنب معنى انحدار
ومثل بعدالثرياعن كفوف البصير=فرق والفرق واضح في عيون الكبار
وانت يمكن بعدتقدر بكبرك تطير=لكن اكبرمحال يكون فيك اقتدار
تشفى جروح قلبي من خطاك العسير=حين قام يتهادى منك كله وقار
ذنب اشين من الدمعه بعين الغرير=واشين امن الهزيمه لابدت بانتصار
واشين امن المذله في مقام الامير=واشين امن المدينه لاضربهادمار
يوم شفتك معه واقدام رجلك تسير=ضاع دربي وتاهت خطوتي واستدار
في عيوني مدارالكون قمت استدير=نوب خطوه يمين ونوب خطوه يسار
ليتني قبل ماشوفك بعيني ضرير=كان ماشفت شي صارعزالنهار
روح حسبي عليك انصاف رب قدير=حيث مانيب في دنياي طلاب ثار
اكتم الجرح لاجاني رضاء واستخير=ادري انه خطاءلاشك مالي خيار
عقب ماصارلي في وسط قلبك خشير=مابقى لك بقلبي عقب ماصار دار
كنت الاول وصرت اليوم انت الاخير=باعتبرواعتبرماجاك رد اعتبار
اجمع اللي بقالك من كلام كثير=وابتعدلاتزيدالجرح ماصارصار
كل الاعذارماقلتلك وقتي بعمره قصير=قلت ماقلت لك واللي بقى باختصار
باب وصلك قفلته والمفارق مصير=انتهى كل شي 000000وهذااخرقرار[/poem]

هذي القصيده اعجبتني وحبيت اشارك فيهاوانشالله تعجبكم وتنال على رضاكم وطبعامنقوووووله لاحدالشعراء