مع نسيم وبراد الرياض كانت هناك عائلتي جالسه في الحوش {أنا و أمي أبوي وأخوي و أخوي وأختي وأخوي}<<<< كم عدد أفراد العائلة...
جالسين موسعين الصدر تعليق رايح وحشه جايه وهلم جرى من السوالف اللي تجيب الضغط......
وفجأة !!
دق خالي على أمي وقال :أنه جاي بكره وبجيب لكم النزاله... سألته أمي :ليش توك تجيبها ؟؟<<<من عشرين سنه ساكنين وتوه يذكر يجيبها...!!
قال توي أحس أنك ورجلك مستقرين في الحياة الزوجية ولذلك قررت أجيب النزاله لكم ...
يوم سمع أبوي بها الخبر ضاق صدره خايف من هالهديه {لأن خالي متطور عنده "كند يشن" أما أحنا يا حسره متعودين على المراوح في الصيف أما الشتاء الله يسلم الدرايش..}
أما الأخوة الكرام طاروا من الفرحة <<<مساكين ماقد أحد أعطاهم هدية ..{هذي أول هدية تجيهم من عقب هدية أبوي من مليونين دولار سنه يوم راح للحج هاك السنه جاب لهم "قريض" وكلوه في اليوم نفسه }
وجاء بكره وأتى خالي معه الهدية اللي كلها خشب ولها بيبان
<<<بصراحة يجنن ..يقول خالي إن أسمه "دالوب "...
من بكره ما راح أحد للمدرسه لأننا من الوناسه ما نمنا ذاك اليوم مستانسين وقاعدين نرتب الملابس <<< ما ننلام كانت ملابسنا محطوطة في أكياس سودا... أما أنا حاطتها في صندوق شاريه أبوي للمواعين حقت البر... وأما الكتب حاطتها في كرتون نعال العيد العام <<< كشخه ما أحط كتبي إلا في أماكن راقية مهتمة بالكتاب المدرسي المفروض يعطوني جائزة " نوبل للسلام ".....
واما الحارة صايره مخترشه ولا خلونا في حالنا من الإشاعات لمده أسبوع كامل "قراوى ما ألومهم ما شافوا نعمه زينا .. ههههههههه....
مع السلامة لأستنزل عليكم بالسوالف ......
مع تحيات:.
الكاتب : خزعبلاتي
المخرج : برابيس أفكاري
نمو مواهبي لا تحطموني ولا تفشلوني
المصــــــــــــــــــــــــــــــ :) :pــــــــــرقعه
مواقع النشر (المفضلة)