بضم صدرك لين تصبح على خير ..

[فيصل الوافي]

بضم صدرك لين تصبح على خير ..

--------------------------------------------------------------------------------

اتمنى ان القصيده ما قد نزلت في المنتدى :frown:

إفتح شبابيك الهوى جيتك اليوم
بإحساس من زود الوله عده يطير

جيتك مثل طفلن له أيام محروم
عن حضن أمه أبعدته المقادير

وجيتك مثل عودن له أيام مهموم
وده يلاقي بأخر الوقت تقديــر

وجيتك حضن عاشق وهايم ومغروم
وده يضمك لين تصبح على خير

متى تحس إن الهوى شي مقسوم
من قسمة الخالق على خلقه يصير

ومتى تحس إني لك أطيح وأقوم
وأتعب على شانك وأقدرك وآغير

لي في هواك أحلام وأمال وعلوم
وأحزاب وأصحاب وقصيد وجماهير

وهموم وأفكار وهواجيس وحلوم
ودروب وأخطار وعذاب ومشاوير

وحب وغلا وإخلاص ومعاند ولوم
وإحساس وإلهام وشعور وتفاكير

وصحبة سهر ومقاطعة لذة النوم
وأشواق جياشه وعشق وتعابير

في ذمتك مابان لك شي مكتوم
من بعد ماصورت الأوضاع تصوير

لاتحسب إنك شي عابر ومعدوم
وتاريخ حبك فاق كل الأساطير


في كل شي أتخيلك وأسمعك دوم
وأتأملك في الوقت الأول والآخير

من ماضي الأيام لايومك اليوم
وغلاك عندي ماحصل فيه تغيير

وأنا لك الله ماأقبل البيع والسوم
ولا أرضى علي ولاعليك المخاسير

لاْني الوحيد إللي على بحرك يعوم
وإللي عرف مرساه في رحلة السير
؛
؛
؛
؛
؛
لحظه حبيبي قبل يسبقني النوم
بضم صدرك لين تصبح على خير

اخوكم




فيصل الوافي

[عميق الجرح]

هلا بك اخوي

وارجوا منك التوضيح هل هي من كتــاباتك ام منقوله

ولكـ تحيــــــاتي

القنيـص

[فيصل الوافي]

لا والله منقوله بس انها اعجبتني
ومشكوررررررررررر على المرور
اخوك
فيصل

[الحوراء بنت نجد]

فيصل الوافي


نرحب بك وبمشاركاتك-- وننتقل حسب قوانين القسم


لقسم القصائد المنقوله-- هنا ينشر الشعراء قصائدهم


من بوحهم فقط--- نشكرك لرقي ردك وتوضيحك--


هلابك--

[عبدالرحمن المالكي]

[align=center]مشكور أخوي على ذوقك في النقل
تقبل حبي واحترامي[/align]