المحقق (مناحي) والبنقالي الهارب
تعلن شركة (الدلخ )عن تغيب مكفولها ((هرمز بن متحت بن فنيلة)) بنقالي الجنسيه
واليكم معلومات عنه
العمر.. 37 خريفا
الطول.. 199 <===الملعون باقيله سانتي واحد بس الزول عجزن لا يطول
الجنس:: ثلاث مرات باليوم
العلامة الفارقة :: زبيريته يوم ينحاش انقطعت
........
........
........
ترررررررررررررن تررررررررررررن.....
.....((مكتب التحري))......
مكتب العميل الفدرالي المتقاعد رقيب أول ضابط خفر مناحي بن شليويح
السكرتيرة:: الو مرحبا معك مكتب المتحري (مناحي) بن شليوح كان أي هيلب يو<== متعوب عليها يالشينه
المتصل:: ياخوك ماهو هذا مكتب إعادة المنحاشين.
السكرتيره ::: بشو ممكن أخدمك.
المتصل::: أنا عندي عامل منحاش وابغاكم تخلون (مناحي) يجيبه وهذي بياناته
السكرتيره ::طيب حبيب ألبي مابدك تشارك معنا<===الملعونة جايه من قناة سترايك ترى
المتصل<===طوووط ((الرنة حقت نهاية الرصيد بالسوا)) الوو الوو ال طووووط طووط
....((داخل المكتب))....
النقيب متقاعد (مناحي)قاعد يقطع البصل يكشن للغدى<=== من الفضاوة مافية شغل في المكتب
طق .... طق ...طق
(مناحي) ياكوندليسا ((سكرتيرتي)) اجل مانب معلمك مليون مره لاعمرك تطقين الباب إذا بغيتي تدخلين درعمي بس
ياطويل العمر أنا آسفة بس من الفرحة طقيت الباب لقينا قضية
(مناحي) ::وش تقولين قضيه أنتي صادقه.....أيه صادقة حتى قضيت هروب من إلي تحبها بنقالي ومنحاش
مناحي<==يحب قضايا البنقالية لانهم لازم يحطون ورآهم خيوط لجريمتهم وإذا ماحطو خيوط تشم ريحتهم من على كيلوا مايبيلهم شي
(مناحي)::خلاص هاتي الملف ودحدري ...مافيه بوسة طال عمرك... انقلعي يالمارجة مابقى ألا انتي أحط براطمي
تحت كفر الددسن وافحط عليهن ولا أبوسك ظفي بس
الليلة الأولى.........
(مناحي) في احد حانات شارع المطاعم جالس يفرط له صويريخ حشيش عشان يمخمخ على القضية
وجالس يفرط وعين على الصاروخ وعين يراقب فيها الوضع
القرسون:: تشرب شي لو سمحت
(مناحي)::: لا مابي شي معك ولاعة بس
القرسون ::ليه
(مناحي) :: بحدد شنبي... يعني ولاعة ليه بالله عطني إياها لا افقع خشتك
القرسون::طيب طيب سم
(مناحي)::عطني إياه بيدك اليمنى يامل الماحي<===يلعن اوم المحقق النشبة
(مناحي):: أنت فين تشتغل فين تشتغل هاه<===والله السؤال
القرسون :: اشتغل معقب في البلدية .. بالله عليك ذا سؤال اشتغل هنا بالمطعم يادرج
(مناحي) :: تعرف صاحب الصورة
القرسون:: إيه جاء قبل نص ساعة وسأل عن واحد بمواصفاتك
(مناحي)::: عساك مدحتن يوم سألك عني
القرسون:: قم قم اطلع أنت فاصل وأنا أخوك تقلع
ويطلع (مناحي) من باب الحانة لقى بوك طايح أخذه وقلبه لقى فيه ورقة مكتوب عليها قابلني في دوار نواكشوط
عند تقاطع الدائري مع كلينتون ثاني لفة بعد الخدمة<===حاطله كروكي ذا
راح لم الموقع المذكور أعلاه ولقى قراج قديم وقف سيارته عنده ونزل ودخل جوا القراج
وكان المكان مظلم ويشوف من بعيد زقارة ويقرب بشويش بشويش وحاط يده في جيبه <==حاط المسدس بمخباة الثوب
ويسمع صوت من بعيد بس حس بأنفاسه الحاره على خده<==مع انه خده فيه مشق بس حس
الصوت كان يقول((لاتوقف سيارتك قدام القراج ياحمار))
(مناحي) هنا كنه احد لابخه بمخمس ولا درى وش له صار المهم انه ما صحى الا بكرا
وهو منسدح بورشة قديمة وطلع برا لقى على مساحة القزاز ورقة مخالفة قطعها ومشى
ولا زال السر البنقالي مفقودا حتى هذا اليوم
مسابقه القصه
أين اختفى هذا البنقالي؟
من هو الذي لابخ (مناحي)؟
افقعووو وجهي إذا لقيتو الاجووبه
تقبلوا تحياتي الروائيه البوليسيه
((قمرهم كلهم أنا))
منقول
مواقع النشر (المفضلة)