موقف صار لبنت بغت تروح فيها من سبة هالمزحه ...
اولا .. تخيلوا يصير لكم هالموقف بكل تفاصيله.....
بنت قايمه من النوم اخر العصر ومزاجها معكر
بجد مزاجها معكر
الشياطين فوق راسها تلعب
تجي حزة المغرب وتصلي بغرفتها تطلع تتقهوى مع أهلها
يجيها ولد أخوها المرجوج خويلد (عمره 10 سنوات )... نورة عطيني قلم أحمر
نورة .. ترد عليه بدون نفس بعدين
خويلد ... لا الحين
نورة... يووووه قلت لك بعدين
خويلد ..الحين علي واجب
نورة .. لاحول طيب .. تقوم ومعها فنجال القهوة ومازال مزاجها معكر ...
تروح لغرفتها ..
؛
؛
تفتح الباب ...تلقى النور طافي .. تقول بنفسها توني مصليه المغرب وماطفيته ..
؛
تستمر بفتح الباب بهدوء ..
؛
؛
فـــــــــجأه
؛
فــــــــجأه
؛
شافت شيء يخرع ..images8
وشو !!!
البنت قامت تصرخ ... تبكي !!!
الفنجال طار من يدها ....
؛
أهلها يفزون من قهوتهم .....
؛
؛
تجي البنت عند أهلها تبكي متخرعه ...
؛
أمها ... وش فيك ؟؟؟
تحضنها وتبكي ... امها وش فيك شفتي شيء؟؟؟؟
؛
البنت ماعاد تتكلم بالأشاره تقول ايه ...
؛
تركض الأم لغرفه البنت ....
الأم تدخل الغرفه وتشوف ...
:
تشوووووف...
؛
تذكر الله .... لاإله الإ الله ....
ترجع الأم للصاله الإ بدخلة ولدها من صلاة المغرب
الأخ ...وش فيكم وش هالصراخ ؟؟؟!!!!
الأم .. غرفة أختك ...
الأخ .. وش فيها ؟؟؟
يروح يفتح الغرفه.... ويشوووف .....
شاااااااف
خلاص والله بأقول لاحد يطقني :8ar:
؛
حرمتن طويله و لابسه عبايه وبرقع gif22
الأخ يفتح النور ويشيل البرقع عن وجهها ويسمي ويذكر الله ....
ويفقع ضحك im22 ....
إتضح له إنها شماعه اللي يعلقون عليها الثياب ملبسه عبايه
وقناع كبير لعبه (فله )ملبسه برقع:5ar:
يرجع الأخ يشوف إخته وأهله متخرعين وماسك القناع بيده
يقول اكيد خويلد مسوي فيكم مقلب ..
إخته بتموت من الخرعه تحسبها جنيه im22
المشكله إن خويلد منخرش من الروعه صدق ان اللعبه تحولت وصاارت حقيقهim22
بس المشكله البنت بعد هالمزحه ماعينت خير :mad:
امحق مزحه ..يشربونها مااي ويسمون عليها البنت ماإستوعبت السالفه
جلست فترة مالها خلق غرفتها ولا لها خلق على العبايه وماتنام بغرفتها
ولاتحب الظلام:wink:
يعني مزحه هالورع ماكانت بتعدي على خير
انتبهوا بعض الأحيان المزح الثقيل يجنن
تخيلتوا إنكم بمكانها :8ar:
وش رايكم ؟؟؟؟
مواقع النشر (المفضلة)