-
... عضو نشيط ...
- معدل تقييم المستوى
- 1
ســآلفهـ ..؟
أحسب ان العمر راح وثر باقي لـه بقايـا
فـي خفـوقٍ لعبتبـه اليالـي السرمديـه
لعنبوهـا عذبتنـي ساكنـه كـل الزوايـا
كل ماقلـت انتهينـا رددت باقـي شويـه
والجروح الي بقلبـي كلهـا منـه عطايـا
هو كذا رد الكريـم هـو كـذا رد العطيـه
هو كذا هالحين يعني صرت أنا كلي خطايـا
وانت صايرلي مـلاك عايـش بلياخطيـه
والله أني لو بسولف وبتدي سـرد الخفايـا
كان مايكفي الكلام ولا الحـروف الأبجديـه
كـان والله ثـم والله لأسويبـك سـوايـا
وشعل أوراق الغرام ألي منه انتـي بريـه
ولو رحلت بعيد عني وصرت في آخر سمايا
لو وصلت سهيل ولا رحت وعانقت الثريـه
ذاك أول كنت أحبك قبـل تسقينـي المنايـا
قبل ماذبلت ورودي بسبه أحـلام الصبيـه
كنت روحي شفت روحي كنت تسكنها معايا
وين ماصديت وجهي كنت أحس أنك هنيـه
كنت تملكني وتملك فرحي وحزني وشقايـا
كنت تقطفلي المحبـه ثـم تنثرهـا عليـه
بس تدري شلت قدري عن معاني هالحكايا
دامها راحت خلاص وش لنا في هالقضيـه
ودامها عندي تسـاوت ومابقامنهـا بقايـا
سالفه وأنت اعتبرهـا صايـره بالجاهليـه
...........................
القصيده لصاحبها الشاعر فهد الغاطى
-
... V I P...
- معدل تقييم المستوى
- 7
دم الغدر صح لسانك وقصيدة في غاية الروووعة
دمت بود
-
... عضو نشيط ...
- معدل تقييم المستوى
- 1
تسـلم لـي اخـــوي مبـآرك الهـآجري
وصــح بدنـكـ واشكــرك على المرور
ضوابط المشاركة
- لا تستطيع إضافة مواضيع جديدة
- لا تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
-
قوانين المنتدى
مواقع النشر (المفضلة)