انا ماني على كيفك على كيفك انا ماني=
ولاني بصغر عّيالك على كيفك تقودينه
على كيفي.. انا ببقى.. انا ببقى.. لخلاني=
آميرٍ لو عدل يعدل ويرضي ماضي سنينه
مثل ماكنتي تبقيني بحزنك صرت انا الجاني=
قتلت آلامك وهمك واقول اللـــي تقولينه
بغيتي حبي لك حبي وسكنتي بقلبي واعياني=
ملكتيني انا كلي .....وغلا آمي تبارينه
ولكن اسمعي نبض ٍ جرا في داخل آنساني=
يّعبرلك عن الخافي وعن اللي ماتشوفينه
انا الوافي انا الصادق انا المغرم بأزمــــــاني=
انا اللي مارضيت اظلم ولا تهتي بعناوينه
انا العاشق انا المعشوق غريب وساكن اوطاني=
انا اللي ماعرف يلعب على الحبلين من حينه
انا الغامض انا الواضح انا النادر بوجـــــــداني=
انا اللي مارضى صوتك بِآهاته يقول وينه
انا المجنون انا العاقل انا المرتاح والعاني=
انا الـــــمغرور ومن حقي لآنك ماليه عينه
انا الشاعر انا الفارس انا المبدع بمـــيداني=
انا اللي ماعرف يغدر ولو كثرت سكاكينه
انا المآسور في قلبك وانا السجان لـشجاني=
انا لو لي عمر ثاني..... بعد ربي تّحكمينه
انا الميت على وصلك بلا تآبوت واكـفاني=
انا اللي يّقلب الدنيـــا..... اذا جيتي تـّنخينه
انا لو املك الدنيا وكل الكون يفــــــداني=
بتواضع آهجر العالم واقول وحدك تكفينه
انا رجل ٍ اذا حبيت قليله حبي لـخــــــواني=
تآكد حبك بقلبه..... بعد حـــــــبه لـوالدينه
انا اللي لا عشق يوفي على دينك وآدياني=
انا اللي ما عرف يرجع ولو للموت تبغينه
انا ماهمني عاذل..خسى ما يلوي إيماني=
حشى ماني ولد وايل اذا إهتزت موازينه
حشى والفين ياقلبي حشى ما يضحك الداني=
مدامك في نظر عيني له الله يالله إتعينه
الا يا فرحتي هلي ولو قصر بك الســــاني=
الا ياروحي لك موتك وربي لو تخونينه
مدامه الطاهر الصادق ابقفل بعده بيــباني=
ومدامه الوافي الصاين ياويلك لو تخلينه
ومدامه دنيتي واهلي وصدق احساسه ناداني=
طلبتك آفضحيه للكل.. الـــين إنك تبكينه
ابفخر رافع ٍ راسي وإبكسر قلبِ عدواني=
ياروحي ارفعي صوتك (وقول إنك)تحبينه
الا ياحبي الاول ولا بعدك ابد ثــــــــــاني=
الا ياخلي لا تحزن مدام بالقلـــب تحميــنه
انا ماتبعك في آمرك ولاغني لآحزاني=
كفايه قلبي الوافي من الاشواق تكوينه
تبيني آمشي إبكيفك.. تبيني إغمض اجفاني=
ياعمري كثرت اطماعك ...وتزايد بـه قوانيـنه
ياعمري افهمي إنك وحيده بقلبي وإعياني=
ومن مثلي ترى صعب ٍ وصعب إنك تقودينه
على كيفي على كيفي بترجم حبي لـكواني=
وانا يمناي ما تنكف عن اللي مدلي يدينه
وانا ماني على كيفك وعلى كيفك انا ماني=
ولاني بصغر إعيالك على كيفك تودينه
مواقع النشر (المفضلة)