جيتـكـ ابسـآلك بعـد الجــرح وشلــونكـ ..؟
خسـارة الحب..ماتستاهـل أختـارك
خسارة أغليك..وأثنـي عزّتـي دونـك
من آخر الجرح جيتك..هـاك تذكـارك
آخر قصيدة..كتبهـا الجـرح لعيونـك
غرورك اللي رقى بك..فوق مقـدارك
انا اطلب الله يجي لـه يوم..ويخونـك
أنا أول اللي حيّاك..وهـام بأشعـارك
وأنا آخر اللي يموت لاجـل يحيّونـك
مليت أنا أرضى بجفاك.وبارد أعـذارك
مليـت أمـد النظر..وتهينـه غبونـك
مصير وقتـك يبور..وتذبـل أزهـارك
ومصير كل الجروح الحمـر ينسونـك
واليوم يا الجـرح..والله لآخـذ بثـارك
وأسقيك من دم قلـبٍ خيّـب ظنونـك
خلّه ترى اللي حصل من لعنة أقـدارك
وإرحل مع اللي يحبك وصل..ويصونك
وما جيت أبنشد عن الهجران وأخبارك
جيتك أبسألك بعد الجـرح وشلونـك؟
مواقع النشر (المفضلة)