أمـــانــــة يا بـــحـــر...
[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
أمانتي يا بحـر لا تجـرح السيـف=السيف منـك وفيـك لا تجرحونـه
ياما أعتنق مع هـادرك كالمواليـف=من حشمتك ما قـدّم العـذر دونـه
لا جاتـه أمواجـك بليّـا مجاديـف=الكل منهـن جـاه يسحـب ردونـه
يسوقهن يمّـه هبـوب وعواصيـف=ثـم يحتضنهـن كنّـه أمٍ حنـونـه
رغم أن رمله يشتكي واقع الحيـف=بصوتٍ خفي ما بيـن كافـه ونونـه
ما يسمعه كود الضلـوع المهاديـف=صخوره اللي راسيـه فـي ركونـه
يحلم بحلم وعـوّد الحلـم تخريـف=خيره لغيره والشقـى فـي عيونـه
حلمه تبدّد من بدت رحلـة الهيـف=مـوجٍ تعهـد لـه يشتّـت ظعونـه
صوت ارتطام الموج صوت المعازيف=إليا أرتطم به قـام يعـزف لحونـه
للعاشـق بليلـه علـوم وسواليـف=في ساحلـه كـلٍ يمـارس جنونـه
كل الفصول الاربعه عاشهـا صيـف=ما بين مد وجـزر خابـت ظنونـه
ياما شكى من واقـعٍ كلّـه مخيـف=يجر صوتـه والصـدى تسمعونـه
سوّت تضاريس الزمن فيه تحريـف=من عامـلٍ للتعريـه مـا يصونـه
جرّد رموزه مـن جميـع التعاريـف=التعريـه دايـم تـجـدّد طعـونـه
شيٍ يشاف وشي يا بحر ما شيـف=لكـن أمانـه يـا بحـر لا تخونـه [/poem]
رد مع اقتباس
مواقع النشر (المفضلة)