[align=center]
احسست بتغيره منذ زمن وحاولت التحدث معه وفهم السبب ..
لكنه البرود المعتاد والعباره التي لابد ان تقال ...انتِ فاضيه ....
لكن الوضع الآن اختلف فبروده زاد وجفاف عواطفه وضح...
ما الذي جنيته في حقه....
وانا الزوجه ...انا الام ..انا التي كنت الاخت الصديقه ...
لم يعد يبوح لي بأسراره .....
ولم اعد ارمي همومي بين يديه وفي احضانه ..
ماسر هذا التغيير ..ام كنت انا من اتوهم ....!!!
كانت لحظات التفكير مريره و قاتله ......
كلها تأنيب ومحاولة تصحيح وبحث دائم عن السبب....
فقررت ان اهرب من كل مخاوفي .....
وابحر في عالم ذكرياتي واغوص في اعماقها لـ أنسى ...
كنت اتمنى عندما افتح خزانة الذكريات ان يكون بجانبي ..
لنخرج منها احلا الذكريات ......
لنضحك معا على ايامنا الحلوه ......
ولنعيش ولو للحظه بعيدا عن هذه الرتابه المره ....!!!
فتحت خزانتي وقلبت فيها الذكريات ...
ناديته ليعيش معي اجمل اللحظات .......
لكنه رفض كالعاده لانه وبكل بساطه ..موفاضي...
انتهيت من ذكرياتي ودفنتها في قبرها العتيق...
وذهبت كالعاده اشكي لزماني وابكي ...
لكنني وفي هذه اللحظه... رفضت البكاء لوحدي ....
يجب ان اذهب اليه ان انفجر في وجهه ...
يجب ان اعرف ماهو شعوره تجاهي ...
لا للبرود ..لا للهروب ...
يجب عليه ان يقف هنا وبصدق وليخبرني بالحقيقه....
حقيقة شعوره ..حقيقة هروبه ..حقيقة تعامله القاسي معي..
ذهبت اليه وبراكين فؤادي تغلي....
...يافهد انا تعبانه انت تغيرت كثير وتبدلت احوالك...
...يافهد قولي ايش اللي انا سويته ....
....ماسويتي شي...
.....بس هذي هي كلمتك...
...ايش تبيني اقول....
...انا ماني حاسه اني متزوجه ..
..انا عايشه هنا لوحدي ...
...ليه ايش ناقصك ياطويلة العمر ...
بيت وساكنه احسن بيت وفلوس ماني مقصر...
...وهذا هو ..كل شي في الدنيا الفلوس ...
..يافهد انا حاسه فيك انا حاسه انك بديت تكرهني...
..وهذا شي انتِ عارفته من زمان فعلا انا مو طايقك ....
.......!!!!!!!!!......
....طيب ليه ايش شفت مني....
..ولا شي ...انتِ عارفه وانا عارف من يوم ماجمعنا بيت واحد ...
...عارفه ايش....
....عارفه اني اخذتك بناء على رغبة الاهل وفرضت علي فرض ...
وتحملت علشان خاطر امي وبس ..وبعدين جبتي هالعيال ..
وضروري نتحمل علشانهم....
عمري ماحبيتك وكنت امشي حالي بالدف ...
زين مني اني تحملت كل هذا الوقت الحين انا خلاص تعبت ..
ماابيك .....تفهمين وشلون ما ابيك....
والله يوفقني ببنت الحلال اللي احبهاا واختارها انا ....
وانا ايش ذنبي ...وليه ماتكلمت الا الحين ...
وكل الاشياء اللي كنت عايشتها كذب ...
كنت امني نفسي باشياء ...
كنت احسبها حقيقه كلها كذب وتمثيل ...
...مالك ذنب ...بس لاتلعبين على نفسك ....
وتعيشين دور الضحيه ..انتِ كنتِ عارفه ...
وكنتِ تضغطين على نفسك بعد.....
..يامها حنا ماكنا لبعض...
..ايش ...؟؟؟؟؟... الحين جاي تقولي بعد 12 سنه زواج ....
...ودامك ماتبيني .....
ايش اللي مصبرك علي.....
...البيت والعيال يبونك....
..وانت لا ....
واذا قلت انا ماابيك ولا ابي اقعد في هالبيت لحظه....
...مو على كيفك .....
انت دخلت هنا وتزوجتيني ولا راح تطلعين من هالبيت ابد ...
...لا يافهد انا بعد بشر وابي اعيش....
..يعني تبين تتزوجين لا ياعيوني انتِ ماراح تكونين لغيري ابد ...
عيالك يحملون اسمي انا وبس ولا راح يحملون اسم غيري...
..ليه يافهد هو حب تملك وتمشية راي انا بعد اقبل الموت ولا اقبلك ..
وماتقدر تجبرني على العيش معاك...
...لا اقدر وسالفة الانفصال ذي شيلها من بالك ..
والا ترى ماتلومين الا نفسك ....
..يافهد فكرة الزواج هذي شايلتها من راسي.. بعدك الرجال تنعاف..
يكفي ماراح من عمري ....خلني اعيش باقيه مرتاحه...
...لاتفكرين ولاراح تحلمين بها ...
وماراح اعطيك اياه الا في حاله وحده بس ...
لما اشوف الشيب براسك وترست التجاعيد وجهك.......
ذيك الساعه راح اقولك المركب اللي تودي...
..انا مابغيت منك شي كنت ابي منك شوية احاسيس ومشاعر...
...لا ياعيوني المشاعر ذي حطيها بالزباله .....
اهم شي ادخل هالبيت وتبتسمين في وجهي ....
تحبيني تكرهيني مو شغلي....
اهم شي وريني الخاطر الطيب...
لكن انا مو آله ....
تحركني على كيفك.....
انا انســـ........
اقول فكينا من هالصجه....
عاجبك هالوضع عاجبك ...
موعاجبك ترى والله عيالك ذولي .....
ماتحلمين بشوفتهم .......
وتحديني وشوفي ايش راح يجيك يابنت سعد ....
اخذ شماغه وطلع...
وطلعت معاه روحي ....
ما الفرق بيني وبين الحيوان في هذا البيت لا شئ ...
الحيوان يأكل ويشرب وينام دون احساس وانا كذلك ....
لا يحق لي بإن اطلب .......
ان يكون بجواري رجل ......
احس بمشاعره ويحس بمشاعري ......
فماقيمة الزواج اذا.....
ام انني سأظل محسوبه متزوجه ......
على هذا المجتمع الذي فرضني عليه .....
وهل سأعيش مرة اخرى لوحدي...
احاكي نفسي وابكيها واشكيها على نفسي ...
هل سيصمد صبري ....
نعم سيصمد......
فمايطبق فمي غير فلذات كبدي ......
لا...لا....لا....لن اترككم ......
حتى وان انتهت الحياه في جسدي ....
لا اتخيل ان اعيش بعيدا عنكم يا احباء قلبي ...
سأبقى لاجلكم ....
لن اضحي بكم ...
سأعيش معه لاجلكم فقط.....
لكن لا تخذولني ان كبرتم ....ولاتهجروا حبي ابدا...
ولا تبتعدوا عن من بنت لكم قصور فوق حطام قلبها...
اعلن لك ياهذا انتصارك ........
واعلن لك انهزامي .......
واقر واعترف ان اعيش معك كأي شئ كان ......
كقطعة اثاث زائده او لوحة حائط متهالكه ...
فوداعا ياحب......
فمن اليوم لم يعد لي قلب....
ولن احاول ان ابحث عنك ........
سأدفنك حيث دفنت ذكرياتي الميته في قبرها العتيق........
بقلمــ Anto0oneeella ــــ
[/align]
مواقع النشر (المفضلة)