ميــت ضمـير مصافحتي الاولى
انا ما ني من الي لا زعل صاحبه يرضيه
.........انا ميت ضمير وخاين وغدار ناديني
ترى والله لو كل الكلام الشين لي قلتيه
.......... حشى لله مالومك ولا ازعل لو شتمتيني
انا يابنت ابشرح سر عنك كنت انا مخفيه
......... أبشرح قصتي بابنت يمكنك تعذريني
اباشيل الستار وكل جرح داخلي شوفيه
........ واببديلك هموم داخل الروح تنهيني
انا لي صاحب من قبل أعرفك أعشقه وأغليه
...... عليه اوله وهو يوله علي وحيل يغليني
أحبه مثل حب أمي ومثل العمر أنا هاويه
..... وهو مثلي إلى من غبت عن عينه يناجيني
أحبه مثل طفل حب حظن بالشتاء يدفيه
. وانا اللي لا ذبحني البرد في حظنه يدفيني
أبيع الكون لجله وارخص الغالي لجل عينيه
..... اداري خاطره اكثر من مداراتي لعيني
عطاني عهد في حبه وانا والله بعد معطيه
...... تبادلنا عهود الحب وحط ايديه بيديني
أهين النفس لو نفسي عزيزه بس انا ارضيه
.... ولو ازعل من اي انسان هو اللي يراضيني
أبد ما عارضه في شي وابد ماقول انا له ليه
....ابدي رغبته لاشك هو مثلي يبدينــــــــي
غرامه يرتوي من سيل حبي والزمن يضميه
....ونا مثله شربت من الهوى والوقت يضميني
يجرمنا زمان ليتنا ما قد ولدنا فيه
..... صبرنا لين ما الصبر وضعت وضاع مغليني
خذا روحه رسول الموت وقلبي من فقد غاليه
... على ذكرى حبيبه يموتني ويحييـــــــني
أحس انه قبل مايموت به حكي يبي يحكيه
.... واحس انه بلحظات احتضاره يناديـــني
انا من كثر حبه والله اني يوم افكر فيه
.... احس الشوق مثل السيف يقطع في شراييني
وهذي ياعيون الليل قصة منهو حبيتيه
.... عسى يومن عرفتي فيه قصتي ماتلوميني
رد مع اقتباس
مواقع النشر (المفضلة)