أذكر أني كنت أصيح .. كنت أصيح ..
ماسك بكفوفي ريح .. كنت أكسر غصون شيح .. من الندم ..
يوم الوداع .. كنت أحس رغم صغري .. تفاهة عمري ..
في داخلي زعل جبار .. وكل الارض ماتحمل تعب مشوار ..
يوم الوداع .. لا لقاء .. لا صوت .. ولا وداع ..
كنت أهزك يالنخيل الباقي .. على نار بأعماقي ..
كانت الساعه مطر .. ومن يدري .. يمكن قهر .. أوبكا نصف السهر ..
كنت أصيح .. في المدا والريح ..
ورغم صغري .. وتفاهة عمري ..
في داخلي زعل جبار .. وكل الكون مايحمل سفر مشوار ..
كنت أهزك يالنخيل .. كنت أصيح .. أصرخ أطيح ..
كنت أكسر غصون شيح .. من الندم ..
كنت أقطع عروق القدم ..
وهذا أخر ما أذكر .. بيوم الوداع ..
أصرخ أطيح .
مواقع النشر (المفضلة)