وش ذنب رجل ٍ ماخذ أربع من الحور

[Fdet_Basmtk]

اعرف بمن يتغزل هذا الشاعر ولك مني اذا انت بالشرقيه عزيمة عشاء وين ما تحب بأستثناء ( مطعم السنبوك / جندولا / الخليج الصين ) واختار اي فرع من فروع مطاعم البخاري



الطفل عاف المدرسة نط للسور

يدور أبلة تشبهك ياعظيمة



لاتعاتبين الطفل والطفل معذور

الحب ماهو موعظة مستقيمة



الحب لو مايقلب الحكم ويثور

أنا اشهد انه حب ماله حشيمة



في كل بلدة لك ضجة وجمهور

ماتختلف فيك العيون السليمة



وان كان بعض الناس شافوك ديكور

أنا أشوفك حالمة مثل غيمة



ياأكسجين الناس في كل العصور

انتي الخرافة في الأغاني القديمة



وانتي مرور الحب في بال عصفور

عصفور لكن ذكرياته أليمة



وش ذنب رجل ٍ ماخذ أربع من الحور

شافك على غفلة وطلق حريمة



وش ذنب شاعر يكتب بقلب مقهور

ترضين قلبه يستقر في جحيمه



بالأمس يامر لكن اليوم مأمور

كان الملك واليوم من غير قيمة



يسهر طوال الليل وينام مخمور

يحلم بعطرك ويتذكر نسيمه



شاعر وقبلك كان له جيش وقصور

لما انهزم قام يفتخر بالهزيمة



لاتفرحين ان قلت عاشق ومكسور

الحب أصبح في بلادي جريمة



مدينة تستقبلك تنبت زهور

ومدينة سافرتي عنها صارت عقيمة



خمسة حروف الأرض من أجلها تدور

والقلب أبيض والملامح لئيمة



إذا كتب ربي وأصبحت دكتور

بدرس الطلاب ضحكة........ ( اكمل اسم المعشوقه ) لاحظ وزن القصيده


منقووووووووووووووووووووووووووووووول

[بنت ابوووها]

إذا كتب ربي وأصبحت دكتور
000000000000000 بدرس الطلاب ضحكة حليمه

Fdet_Basmtk

إنتقـاء .. رااائـع .. وكلمـات .. جمـيله
آلـفـ شكر .. لا هنتـ
بـ إنتظار القادم
من .. مشاركـاتك .. وإبـداااعـك

[Fdet_Basmtk]

مرورك أختي بنت أبوها هو الاروع والاجمل


لك مني جزيل الشكر

[ورد و بآرود]

هذي القصيده موجوده بمجلة المختلف للشاعر ماجد الخالدي يتغزل


بضحكة حليمه بولند


وربي من الفضاوه بهالراس واٍلا زوجته أولى اٍنه يتغزل فيها ..


بس أعجبني رد أبو منصور اٍللي يقول ......///




أضحك على شعــر ٍ بها الوقت مسعور


*************هذا يبي (نـــــا نسي ) وهذا حليـــــــمه ؟؟


ياكبرها لو قالها طفل مغمــــــــور
************* ايش عاد لو جتّ من نفوس ٍ كـــــريمــه


الحور وآجد عند الأجواد بخـــّــمـور
************* يابخت من نال الخـــــيول الحشيمـــــــه


بيتٍ بلا ساس ٍ على العــــزّ معمور
*************الله يعيــّـــنـــك يالبيـــوت الهشيمـــــــــه


مأجور ياللي لــــــدّ بالعين مأجــــــــور
************* العين (عوراء) يالعيـــــــون السليــــــمه


ما يختلف رجال لــــو شار بالشـّـور
************* بأهل العقـــول اللي مرضـها سقــيّـــمه


العــــزّ في بنتٍ بـــها الديــن ممـــطــور
*************يكسي شرفـــــها طـــلّ غيــّم ٍ وديــّــــمه


تحت الخمار تصون در ٍ وبـــــلــّـــــور
************* شمس ٍ تضيء فوق النجوم الظليــّــــمه


الشعــرّ جادل فـــــوق الأمتان مغــــرور
************* ماناشــــــه إلاّ غانميــــّــن العزيـّــــمه


اللي على الملــّــه وبالشرع دستـــــور
************ (يامهرتي )؟ ياكبـــــرها من غنيــــــّــمه


خلك مع ( نانســــي ) وبالحيــّل معذور
************* مهظوم (ياناصر ) بليــــّا هــظيــــــمــه


وإما انت يللي قلت بتســـيــر دكتــــــــور
*************درّس على ( الـــبــّلآد) ضحـــــكة حليمــه


عساك من تدريسها تســــيّــر مشهــــور
************** في علــــم لا ينفع ولا فيـــــه قيــــــمه


يلعنك يابيـــت ٍ بـــه الشعــــر مكســـــور
************** مازآد في عـــــرّف المرآجل قســيمه







تسلم اناملك فديت بسمتك ويسلم ذوقك المميز


لاهنت ولاهانت يمينك ..


وصح لسان أبو منصور وأهنيه على عقليته المتفتحه والناضجه ..



احتــــــــرآمي وتقــــــــــديري

[شموخ أنثى]

[poem=font="Simplified Arabic,5,white,bold,italic" bkcolor="transparent" bkimage="backgrounds/21.gif" border="groove,10,crimson" type=2 line=0 align=center use=ex num="0,black"]
الطفل عاف المدرسة نط للسور=يدور أبلة تشبهك ياعظيمة



لاتعاتبين الطفل والطفل معذور=الحب ماهو موعظة مستقيمة



الحب لو مايقلب الحكم ويثور=أنا اشهد انه حب ماله حشيمة



في كل بلدة لك ضجة وجمهور=ماتختلف فيك العيون السليمة



وان كان بعض الناس شافوك ديكور=أنا أشوفك حالمة مثل غيمة



ياأكسجين الناس في كل العصور=انتي الخرافة في الأغاني القديمة



وانتي مرور الحب في بال عصفور=عصفور لكن ذكرياته أليمة



وش ذنب رجل ٍ ماخذ أربع من الحور=شافك على غفلة وطلق حريمة



وش ذنب شاعر يكتب بقلب مقهور=ترضين قلبه يستقر في جحيمه



بالأمس يامر لكن اليوم مأمور=كان الملك واليوم من غير قيمة



يسهر طوال الليل وينام مخمور=يحلم بعطرك ويتذكر نسيمه



شاعر وقبلك كان له جيش وقصور=لما انهزم قام يفتخر بالهزيمة



لاتفرحين ان قلت عاشق ومكسور=الحب أصبح في بلادي جريمة



مدينة تستقبلك تنبت زهور=ومدينة سافرتي عنها صارت عقيمة



خمسة حروف الأرض من أجلها تدور=والقلب أبيض والملامح لئيمة



إذا كتب ربي وأصبحت دكتور=بدرس الطلاب ضحكة........ ( حليمة )[/poem]





غزل صريح ......





شكرا ً اخي على هذا النقل الرائع




شمـ أنثى ـــــــوخ