عمرو موسى
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
آذار مـارس بـه النكبـات مقـرونـه=وابريل نيسان ما يخْفـى بـه الخافـي
من رحم ليلـه بدابـه شايـل ضعونـه=تمـت ولادة مكـوّن شـر وخـلافـي
ما هي على البنت يوم تْطيـح مغبونـه=ما هي على شايب(ن) مبداه الانصافـي
المسألـه حالهـا عـدّا الصبـر دونـه=و الكذب حبله قصير بكـل الاعرافـي
البنـت قلنـا عبـارات الدجـل عونـه=و العود قلنـا طـوال الوقـت متعافـي
نكذب على روحنـا بالزيـف و ظنونـه=نسمع كلام الذي مـا هـو لنـا وافـي
شر(ن) شرير(ن) كفانـا شـر مكنونـه=شـر(ن) تمكـن بتربـه ميهـا صافـي
أنبت بعـد زرعهـا تدميـر لحصونـه=دمّر حضـارة بـلاد العـز يـا كافـي
يا حزني حزني و يا حزن الحزن دونه=يا حزن خمس الحروف و نورها الطافي
يا حزن الاوراق و الاقلام مسجونه=يا حزن الالعاب ماله شايل(ن) ضافي
أحزان شتـى جمعهـا الضيـم بعيونـه=ضيم(ن) يضيم الشجيع الباتـع العافـي
ضام الطهاره و من يمشي على هونـه=ضام العفاف النزيـه القصـد متشافـي
بسـم التحـرر فقدنـا كـل مصيونـه=بسم الخـداع المُزيّـف ضعفنـا لافـي
بسـم التحـرر دمانـا ينعكـس لونـه=يطيب كيف المضحي ليـن مـا عافـي
يا ستر عذرا كشفـه العلـج لغصونـه=يا شيبة(ن) ما لها حشمـه و مشرافـي
بالله تبكـي و تشكـي حيـل مطعونـه=ما هي مسائـل عوافـي دمهـا كافـي
لـولا العقيـده و رب البيـت يحمونـه=لولا العقيـده حمـام الغـرب ينشافـي
يا عمـر ِ موسـى دخيـل الله مزيونـه=يا عمر ِ موسى وليّه شايـب(ن) حافـي
وصّل لهـا يـا فخـر منهـم ينادونـه=أزكـى تحياتنـا مـع طيّـب القـافـي
سلّم على صبحهـا سلّـم علـى كونـه=تصبر و حنا على عهـد الوعـد نافـي
قلّـه قريّـب ثويبـه تلبـس ردونــه=و اللي جرحهـا سنينـه كلـه عجافـي
مـن مسّهـا بالنكـد دنيـاه ملعـونـه=يصبح بعـد قوتـه مرعـوب خوافـي [/poem]
رد مع اقتباس
مواقع النشر (المفضلة)