[align=center]هذه قصيده للشاعر نايف الشمري أعجبتني
ونقلتها لكم عسى أن تنال أعجابكم
يا طفلتي ردي علي لا تموتيـن
تكفين فـي دنيـاي لا تتركينـي
من لي بعد فرقاك يا دره العيـن
من لي رفيق بمقبلات السنينـي
ابوس يدك يا غـلا لا تروحيـن
اذا دفنوك يفارق النـوم عينـي
انتي حلفتي بالعهد مـا تخونيـن
تبقين بالدنيـا لجـل تسعدينـي
وين الوعود انك بجنبي تظليـن
وشلون اشوفك للقبـر تسبقينـي
اشوفك اقفيتي مع نـاس مقفيـن
نمتي وعييتـي معـك تاخذينـي
اول ليـا ناديـت يمـي تفزيـن
لا ابطيت عنك ساعـه تكلمينـي
والحين اشوفك ساكته ماترديـن
ازهم عليك بدمعتـي جاوبينـي
اول معي لا غابت الشمس تمشين
نسمـر ويدينـك تدفـي يدينـي
والحين اشوفك نايمه ما تقوميـن
تكفين قومي يـا غـلا رافقينـي
اول بليل العيد شعـرك تحنيـن
وتعطرين الصبـح وتعطرينـي
والحين اشوفك بالكفن تستقريـن
بعد الترف وسط اللحد تسكنينـي
ما تذكرين يوم كنـا صغيريـن
سر الغلا اللي كان بينك وبينـي
اذا زعلتي احضنك لين ترضين
واذا زعلـت بخـدي تقبليـنـي
اول وانا نايم تجيـن وتضميـن
جسمي وفي ليل الشتا تشبكينـي
بعد الغلا وشلون عنـي تخليـن
والموت يقدر ياخذك من يدينـي
تكفين انا مقـدر بليـاك تكفيـن
ابيك في وسط اللحد تحضنينـي
اذا طلبي صعب وعجزتي تلبين
اذا وصلتـي للالـه اطلبيـنـي
عسى مقرك في جنان وبساتيـن
وانا عسى موتي قريب ويجينـي
برجع غريب وتايه بلا عناويـن
مادام مات اللي غـلا يحتوينـي
ببقى غريب وحيلتي بس شييـن
نظرة يتيم ودمعة وسـط عينـي
[align=center]نايف الشمري[/align]
أخوكم
[/align]
مواقع النشر (المفضلة)