[align=center]إلــــى حضـــرة جناااااب المتهــ,ــ,ـــم
إلى حضرة جناب المتهم قلبي وأعوانه
إلى ذيك الظروف اللي على الإجرام حدتني
أنا لي قلب متواضع وما به للجفا خانه
بريئة واذكر إن أمي على العادات ربتني
وعمري ما حلمت إني أكون بيوم فنانة
بنفس الوقت ما عمري رخيت الراس عن متني
وكنت أحلم على قدي عشان أعيش فرحانة
قدرت أستوعب أفكاري ومع ذلك تحدتني
بليلة ما بها قمرا لمحت الأرض ذبلانة
وقفت ولكن رجولي لذاك الدرب دلتني
بديته قبل يبدأ بي وأنا بالرعب مليااااانة
أطالع خلفي واستغرب اخطاي شلون شالتني
وفجأة دون ماحس بوجودي كنت هلكانة
دخلت بمحكمة فيها عبارة فوق شدتني
عليها كانت اللوحة تقول أحلام شيطانه
شهود وقاضي ومنظر غريب هناك شتتني
لمحت بآخر القاعة بجنب الباب زنزانة
قربت شوي والصدمة من اللي شفت هزتني
هذا قلبي الواقف ؟؟ وإلا العين غلطانة
لكن الوكــاد إني وقعت وعين صابتني
سألته قلبي اشلووونك؟؟ ورد بنفس خجلانة
الله يسامح أحلامي بموقف صعب حطتني
قلت الحلم ما يشوف وزوايا الليل سكرانة
قال الصبح وعيون الحقيقة ماتعدتني
تعاهدنا أنا وقلبي يقول الصدق بلسانه
وحكى لي قصة واللي خلق هالكون بكتني
تركته لين ما صار بقواه وكامل إيمانه
يقول بوجهي .. الدنيا مع الأحلام غرتني
كنت أتخيل الحب الحقيقي يشبه الدانة
وصرت اكبر أحلام الطفولة لين خانتني
لأني كنت أبي ارحل عن الروتين وإدمانه
سرحت أكثر من اللازم واثر الأيام فاتتني
تمادى قلبي يسولف وأنا عن جد حيرانة
وقام القاضي واصدر ثلاث أحكام هدتني
صرخت وقلت إذا ما هو على شاني على شانه
هذا قلب مو حاجة إذا ضيعتها جتني
وصحيت بصوت من أعذب واحن وأجمل إنسانة
فديت أمي إذا صلت صلاة الفجر صحتني
م ن ق و ل[/align]
مواقع النشر (المفضلة)